Yowana 10:27 - Indagano Inyaaya mu-Chijita

²⁷ Jinaama jaani ejuungwa obhuraka bhwani. Anye nijimenyere, ejeene ejinduubha.

INDAGANO INYA:YA

²⁷ Jina:ma jani ejungwa riraka ryani, nanye nijimenyere, eiene nijindu:ba.

Yowana 10:27 ပူးပေါင်းရင်းမြစ်များ

Matayo 16:24

Mbe, Yeesu ˆnaabhwira abheeyigisibhwa bhaaye ati, “Omuunu woonewoone unu keenda okunduubha, keendwa eeyigaane omwene, abhature omusarabha gwaye, anduubhe.

Matayo 17:5

Omwanya gunu Peetero aariga achaaroma, awoawo eriire rinu ryariga niringʼarabhya niriija na okubhafundikira. Nibheeya nibhoongwa obhuraka okusooka mu‑riire eryo nibhwayika ati, “Unu niwe Omwana waani omwendwa, niwe kaankondisya. Mumutegeresyega!”

Matayo 25:12

Nawe omutwasi ˆnaabhasubhya ati, ‘Ni chimari enibhabhwira, nitakubhamenya emwe!’”

Matayo 7:23

Awo niwo niribhabhwira abhwerubhweru ati, ‘Nitakubhamenya emwe noorwo na akatyari! Musooke anu, emwe abhakosi bha ebhibhiibhi!’

Mariko 10:21

Yeesu ˆnaamuringira nekeneke, ˆnaamwenda, ˆnaamubhwira ati, “Ugerukiiywe‑wo omusango gumwi. Genda ugusye ebhiinu bhyone bhinu uri nabhyo, jipirya jinu uribhona, ugabhire abhataka. Urikora kutyo uribhiikira ebhibhiikwa mu‑rwire. Urimara uuje, unduubhe.”

Mariko 8:34

ˆNaabhirikira echise cha abhaanu aamwi na abheeyigisibhwa bhaaye, ˆnaabhabhwira ati, “Omuunu woonewoone unu keenda okunduubha, keendwa eeyigaane omwene, abhature omusarabha gwaye, anduubhe.

Ruuka 13:27

Nawe omwene aribhabhwira ati, ‘Naabhabhwiriiye ati, nitakubhamenya na nitakumenya ati musookere aaki! Musooke anu, emwe abhakosi bha ebhibhiibhi!’

Ruuka 9:23

Yeesu ejire aamara, ˆnaabhwira abhaanu bhoone ati, “Omuunu woonewoone unu keenda okunduubha, eenderwe eeyigaane omwene, abhature omusarabha gwaye, anduubhe.

Yowana 10:14

“Anye naanye omureefi wa ekisi. Nimenyere kisi jinaama jaani, ejeene wone jimmenyere,

Yowana 10:16

Anye niri na jinaama ejindi jinu jitari ja mw‑igutu rinu, ejo wone neenderwe nijireebhe. Jinaama ejo wone, jirimenya obhuraka bhwani. Kurwa ejo, jiribha eyijo rimwi, na omureefi umwi.

Yowana 10:8

Bhoone bhanu ꞉bhaantangatiiye nibheekoraga wuti ni bhareefi bha jinaama, bhaariga bhari bheefi na abhasaakusi, nawe jinaama ꞉jitaabhoonguuwe.

Yowana 12:26

Omuunu woonewoone unu kaankorera emirimu, jeenderwe anduubhe. Ka wone orubhaara rwonerwone anu anye niri, niwo omukosi waani wone kaja okubha. Raata kaja okuyaana echibharo omuunu woonewoone unu kaankorera emirimu.”

Yowana 21:22

Yeesu ˆnaamusubhya ati, “Araabha nikeenda ati arame okukingira omwanya gunu nirisubha, ogwo ogukusaasa ki? Awe nuunduubhe.”

Yowana 5:25

Ni chimari enibhabhwira ati, omwanya oguuja, ka wone gwakingire, gunu abhafuuwe bharyungwa obhuraka bhwa Omwana wa Nyamuwanga. Niwo abhaanu bhanu bharibhaga nibhamutegeresya, bharibhaga na obhuwanga bhwa akajaanende koone.

Yowana 8:12

Mbe, Yeesu ˆnaagenderera okubhabhwira ati, “Anye naanye obhweru bhwa echaaro. Omuunu woonewoone unu kaanduubha, atakuribhata mu‑chisuute wuri, tari kaja okubha na obhweru bhunu obhumutangasya okuja mu‑bhuwanga bhwa kajaanende koone.”

Yowana 8:43

Kurwa ki mutakusombookerwa jinu enaayika? Mutakutura okujisombookerwa kwa okubha mutakwenda okutegeresya emisango jinu enibhabhwira.

Ebikorwa 3:23

Omuunu woonewoone unu ataritegeresya omuragi oyo, arikindikwa akajaanende okusooka ku‑bhaanu bha Nyamuwanga.’

1 Bakorinto 8:3

Nawe omuunu unu keenda Nyamuwanga, oyo niwe kaamenyekana ku‑Nyamuwanga omwene.

Bagalatia 4:9

Nawe woori, omumenya Nyamuwanga na omwene wone kaabhamenya muno. Woori ni kurwa ki omusubha okuramya obhutinge bhwa akatungiiywe bhwa echaaro chinu? Obhutinge obhwo, bhutari na obhuturo noorwo obhugajuro bhwonebhwone. Amwi omwenda rindi okubha abhagaya bhaabhwo?

2 Timoteo 2:19

Nawe abhaanu bhanu bheemereeguuyu bharumateene, bhari rwa orufuka runu ruteeywe‑wo na Nyamuwanga. Orufuka orwo rurumateene ndi. Inguru yaarwo ruri‑ko orunabho runu rukaamirwe ati, “Raatabhugenyi kaamenya abhaanu bhaaye,” ka wone, “Omuunu woonewoone unu kaayika ati, omwene ari rubhaara rwa Raatabhugenyi, asige ebhibhiibhi.”

Baeburania 3:7

Kurwa ejo, cheenderwe chitegeresye jinu Mwoyo Mweru kaayika mu‑Bhikaame Ebhyeru ati, “Reero inu, mukoongwa obhuraka bhwa Nyamuwanga,

Obhusweruro 14:4

Abhaanu abho nibho abharuubha Omwana wa Inaama woonewoone anu kaaja. Ka wone, ꞉bhateejabhiyasiisye na abhagasi, okubha bhaariga bhari bhimura. ꞉Bhaagurirwe okusooka agatigati ya abhaanu abhandi, nibhasoosibhwa wone okubha echoogo cha ebhigeswa cha okwamba ku‑Nyamuwanga na ku‑Mwana wa Inaama.

Obhusweruro 3:20

Mutegeresye! Anye niimereeguuyu ku‑muryango enibhirikira. Omuunu akoongwa obhuraka bhwani na okunyiigurira omuryango, eningira mu‑nju yaaye na okurya aamwi nage.