Yowana 10:10 - Indagano Inyaaya mu-Chijita

¹⁰ Omwifi kaaja mw‑igutu korereki eebhe, eete na okusingaarisya jinaama. Nawe anye niijire korereki jibhe na obhuwanga, ka wone jibhe nabhwo bhwafu.

INDAGANO INYA:YA

¹⁰ Omwifi ataku:ja, tari kare:twa okwiba, no kwita, no kusimagisya. Anye ne:jire korereki babe no buanga, na ka babe nabwo bwafu.

Yowana 10:10 ပူးပေါင်းရင်းမြစ်များ

Matayo 18:10

Yeesu ˆnaagenderera okubhabhwira ati, “Mukabhuke, mwasiga okugaya owumwi ku‑bhatooto bhanu! Enibhabhwira kutyo, kwa okubha bhamaraayika bheebhwe mu‑rwire eyo, siku joone bhari imbere ya Raata waani wa mu‑rwire. [

Matayo 18:11

Anye Omwana wa Omuunu, niijire ku‑chaaro korereki nichungure abhaanu bhanu bhabhuriiye mu‑bhibhiibhi.]

Matayo 20:28

Jiri rwa kutyo anye Omwana wa Omuunu, ꞉niteejire okukorerwa emirimu, tari ꞉neejire okukorera emirimu abhaanu na okusoosya obhurame bhwani, korereki neerure abhaanu bhaafu.”

Matayo 21:13

Yeesu ˆnaabhabhwira ati, “Jikaamirwe mu‑Bhikaame Ebhyeru ati, ‘Inju yaani iribha inju ya risabhwa.’ Nawe emwe, muyikorere okubha isenga ya abhasaakusi!”

Matayo 23:13

“Jiribhabhona emwe abheeyigisya bha ebhiraagiro bhya Muusa na emwe Abhafarisaayo! Emwe muri bheerimaanya, kwa okubha omuyingirira abhaanu okwingira mu‑bhukama bhwa mu‑rwire kwa ameeyigisyo geemwe. Emwe abheene mutakwingira, ka wone mutakwikirisisya abhaanu abhandi bhanu abheenda okwingira. [

Mariko 11:17

Neeya Yeesu ˆnaabheeyigisya, ˆnaayikaga ati, “Angu, jitakaamirwe mu‑Bhikaame Ebhyeru ati, Nyamuwanga ꞉aayikire ati, ‘Inju yaani iribha inju ya risabhwa ku‑bhaanu bha amaanga goone?’ Nawe emwe, muyikorere okubha isenga ya abhasaakusi!”

Ruuka 19:10

Okubha anye Omwana wa Omuunu ꞉neejire okuyenja na okuchungura abhaanu bhanu bhabhurire.”

Yowana 10:1

Yeesu ˆnaagenderera okwayika ati, “Ni chimari enibhabhwira ati, omuunu woonewoone unu atakutura mw‑irango okwingira mw‑igutu rya jinaama, tari kaatura andi okwingira omwo, oyo ni mwifi ka wone ni musaakusi.

Yowana 10:11

“Anye naanye omureefi wa ekisi. Omureefi wa ekisi kaasoosyaga obhuwanga bhwaye inguru ya jinaama jaaye.

Yowana 12:47

“Omuunu woonewoone unu kaategeresya emisango jaani, nawe ˆnaarema okujiruubha, anye nitakumuramura, kwa okubha ꞉niteejire ku‑chaaro anu okuramura abhaanu, tari niijire okubhachungura.

Yowana 12:6

Yuuda ꞉ataayikire kutyo inguru ya okwigana abhataka, tari kwa okubha aariga ari mwifi. Omwene niwe aabhiikaga isagwa ya jipirya. Ka wone eebhaga bhinu bhyabhiikwaga mu‑sagwa omwo.

Yowana 3:17

Nyamuwanga ꞉ataatumire Omwana waaye ku‑chaaro kunu, korereki aramure abhaanu, tari ꞉aamutumire korereki abhaanu bhachungurwe okutura ku‑mwene.

Yowana 5:40

Nawe mutakwenda okuuja kw‑anye, korereki mubhone obhuwanga bhwa kajaanende koone.

Yowana 6:33

Ebhiryo bhya Nyamuwanga ni bhinu bhiikire okusooka mu‑rwire, korereki bhiyaane abhaanu bhoone ku‑chaaro kunu obhuwanga bhwa akajaanende koone.”

Yowana 6:51

Anye naanye ebhiryo bhinu bhiikire okusooka mu‑rwire, bhinu ebhiyaana abhaanu obhuwanga bhwa akajaanende koone. Omuunu woonewoone unu kaarya ebhiryo ebhyo, kaabha na obhuwanga bhwa akajaanende koone. Ebhiryo ebhyo ni mubhiri gwani gunu nirisoosya inguru ya abhaanu bhoone bha ku‑chaaro kunu, korereki bhabhe na obhuwanga bhwa akajaanende koone.”

Barumi 2:21

Awe owiyigisya abhaanu abhandi, nawe ni kurwa ki utakukora jinu owiyigisya? Owuraasisya abhandi ati bhasige okwibha, nawe ni kurwa ki awe omwene owiibha?

1 Timoteo 1:15

Omusango gunu ni gwa echimari na gwiyire okwikirisibhwa ati, “Kirisito Yeesu ꞉eejire mu‑chaaro, korereki achungure abha ebhibhiibhi.” Anye niri owa ebhibhiibhi okukira abho bhoone.

Baeburania 6:17

Nyabhuriko Nyamuwanga wone ꞉aarumatanyiisye omurago gwaye ku‑njira ya echirayiro. ꞉Aakorere kutyo, okweresya abhwerubhweru ku‑bhanu ꞉aaragire ati, atariyindura wuri obhukarariiye bhwaye.

Baeburania 7:25

Ku‑songa eyo, omwene ari na obhuturo bhwa okuchungura chimwi abhaanu bhoone bhanu abhagenda ku‑Nyamuwanga okutura ku‑mwene. Okubha omwene ni muwanga akajaanende koone, korereki abhasabhirwe ku‑Nyamuwanga omwanya gwone.

2 Petero 1:11

Kutyo, murikumibhwa kisi mu‑bhukama bhwa akajaanende bhwa Raatabhugenyi na Omuchungusi weeswe Yeesu Kirisito.