Yowana 10:1 - Indagano Inyaaya mu-Chijita

¹ Yeesu ˆnaagenderera okwayika ati, “Ni chimari enibhabhwira ati, omuunu woonewoone unu atakutura mw‑irango okwingira mw‑igutu rya jinaama, tari kaatura andi okwingira omwo, oyo ni mwifi ka wone ni musaakusi.

INDAGANO INYA:YA

¹ Ni cimari cimari, enibabwira ati, Unu atakuitiŋana mu muryango okwingira mwigutu rya jina:ma, nawe ka:sisisya andi, oyo ni mwifi na musa:kusi.

Yowana 10:1 ပူးပေါင်းရင်းမြစ်များ

Matayo 7:15

“Mwikengega abharagi abhabheeyi. Omwanya gunu abhabhaaja‑ko, abheekora okubha abhoorooro rwa jinaama, nawe echimari ni bharuru rwa emisege.

Yowana 10:7

Mbe, Yeesu ˆnaabhabhwira rindi ati, “Ni chimari enibhabhwira ati, anye naanye rirango rinu jinaama ejitura‑mo okwingirira mw‑igutu.

Yowana 3:3

Yeesu ˆnaamusubhya ati, “Ni chimari enikubhwira ati, atari‑wo omuunu unu kaatura okwingira mu‑bhukama bhwa Nyamuwanga araabha ateebhuuywe rwa kabhiri.”

Barumi 10:15

Ka wone, abhaanu abhatura kutiki okuja okuraasya emisango ejo araabha bhachaariga okutumwa? Rwa kutyo Ebhikaame Ebhyeru ebhyayika ati, “Okukinga kwa omuunu unu kaareeta Emisango ja Ekisi, kurikondisyaga abhaanu bhanu bharimutegeresya!”

Barumi 16:18

Abhaanu bha imbaga eyo bhatakukorera emirimu Kirisito, Raatabhugenyi weeswe, tari wubha nibharuubha okurigira kwebhwe abheene. Abhaayika emisango ja ekisi ja okukondisya, nawe abhajiga abheekirisya bhanu bhatakwiyikanya okukorerwa obhubhiibhi bhwonebhwone.

Tiito 1:11

Abho abhasingaarisya eriikirisya rya abhaanu mu‑misi myafu. Abheeyigisya emisango jinu jiteeyire, korereki bheebhonere jipirya ku‑njira imbiibhi eyo.

Baeburania 5:4

Atari‑wo omuunu unu kaatura okwiyaana omwene echibharo cha okubha omugabhisi omukuru, tari Nyamuwanga niwe kaamusora rwa kutyo ꞉aasorere Aruuni.

1 Petero 1:10

Abharagi bha kara ꞉bhaayenjeresiisye muno okusombookerwa obhuchungusi obhwo, nibhasoosya obhuragi inguru ya obhwitiriranya bhwa Nyamuwanga bhunu bhwakingire kw‑imwe.

2 Petero 2:1

Nawe omwanya gwa abharagi, ꞉bheebhukire abharagi abhabheeyi agati ya Abhayisirayeeri. Nikwo kutyo wone, abheeyigisya bha orubheeyi bhariibhuka agati yeemwe. Abhaanu abho, bhariyigisyaga ku‑bhurigerige ameeyigisyo ga okuyabhya abhaanu, noorwo bhariigaana Raatabhugenyi, unu abhagurire. Ku‑njira eyo, abheene bhariireetera bhwangu okusingaarika kwebhwe abheene.

2 Petero 2:3

Mu‑kurigira kwebhwe kwa ebhiinu, bharibha nibhabhabhwira jingani ja orubheeyi, korereki bhabhone chinu abheenda okutura kw‑imwe. Nawe okusookerera kara, indamu yeebhwe yeerabhirwe na chimari bharisingaarisibhwa!

1 Yoana 4:1

Abheendwa bhaani mu‑riikirisya, musige okwikirisya bhuri muunu unu kaayika ati, ari na Mwoyo wa Nyamuwanga. Tari mutatirisye kisikisi korereki mumenye chimari araabha omuunu oyo, kaatangasibhwa na Mwoyo wa Nyamuwanga. Mukore kutyo, kwa okubha abharagi abhaafu bha orubheeyi bheebhukire mu‑chaaro munu.