Yowana 1:9 - Indagano Inyaaya mu-Chijita

⁹ Obhweru bhwa echimari obhwo, bhunu obhumirikira bhuri muunu, bhwariga nibhuuja ku‑chaaro kunu.

INDAGANO INYA:YA

⁹ Bwariga buriwo obweru bwe cimari, bunu obwatikiraga mu:nu wo:ne unu ka:ja mu:si.

Yowana 1:9 ပူးပေါင်းရင်းမြစ်များ

Matayo 6:23

Nawe, araabha ameeso gaawo ni marwaye, omubhiri gwawo gwone ogubha na echisuute. Mbe, araabha obhweru bhunu bhuri mu‑mwoyo gwawo bhukayinduka okubha echisuute, echibha echisuute chaafu muno!

Ruuka 11:36

Okubha, araabha omubhiri gwawo gwone gwijuuye obhweru, gutari na echisuute wuri, uringʼarabhya rwa idara inu eyikumirikirira na obhweru bhwayo.”

Yowana 1:4

Musango oyo niwe obhusimukwa bhwa obhuwanga bhwone, na obhuwanga obhwo obhureeta obhweru ku‑bhaanu.

Yowana 1:7

Yowana ꞉eejire okusoosya obhubhambaasi inguru ya obhweru obhwo, korereki abhaanu bhoone bhature okubhwikirisya okutura ku‑bhubhambaasi bhwaye.

Yowana 12:46

Anye niijire ku‑chaaro kunu rwa obhweru, korereki bhuri muunu unu kaanyikirisya asige okusigara mu‑chisuute.

Yowana 14:6

Yeesu ˆnaamusubhya ati, “Anye naanye injira, echimari, na obhuwanga. Atari‑wo omuunu woonewoone unu kaatura okuuja ku‑Raata araabha ataturire kw‑anye.

Yowana 15:1

Yeesu ˆnaagenderera okwiyigisya ati, “Anye naanye riiti rya rijabhiibhu gwa echimari, na Raata waani niwe omurimi.

Yowana 6:32

Mbe, Yeesu ˆnaabhabhwira ati, “Ni chimari enibhabhwira ati, atari Muusa unu ꞉aayaaye bhasaaja weemwe ebhiryo ebhyo okusooka mu‑rwire, tari ni Raata waani. Omwene niwe kaabhayaana emwe ebhiryo bhya echimari bhinu ebhisooka mu‑rwire.

Yowana 7:12

Abhaanu bhaafu bhaayaajanaga inguru ya Yeesu. Abhandi nibhaayika ati, “Yeesu ni muunu wa kisi,” nawe abhandi nibhaayikaga ati, “Wuri, kaajiga abhaanu.”

1 Yoana 1:8

Araabha echaayika ati eswe chitari na ebhibhiibhi, echiijiga abheene, wone echimari chitari‑mo mu‑myoyo jeeswe.

1 Yoana 2:8

Noorwo kutyo, echiraagiro chinu enibhakaamira ni chiyaaya. Echimari cha echiraagiro echo, ꞉chaabhonekeene mu‑tungwa ja Yeesu Kirisito na mu‑tungwa jeemwe, kwa okubha, echisuute echisooka‑mo na obhweru bhwa echimari bhwangʼarabhiisye.

1 Yoana 5:20

Ka wone, echimenya ati Omwana wa Nyamuwanga eejire mu‑chaaro munu, achiyaanire obhwenge, korereki chisombookerwe Nyamuwanga wa echimari. Chiri na obhumwi na Nyamuwanga wa echimari, kwa okubha chiri na obhumwi na Omwana waaye Yeesu Kirisito. Omwene niwe Nyamuwanga wa echimari, unu ari bhuwanga bhwa akajaanende koone.