Yowana 1:51 - Indagano Inyaaya mu-Chijita

⁵¹ Yeesu ˆnaagenderera okwayika ati, “Ni chimari enibhabhwira ati, murirora orwire rwigukire, ka wone murirora bhamaraayika bha Nyamuwanga nibhariinyaga na okwika inguru yaani, anye Omwana wa Omuunu.”

INDAGANO INYA:YA

⁵¹ Namubwira ati, Ni cimari cimari enibabwira ati, Murirora orwire rwigukire na bamaraika ba Nyamuanga nibarinya na ka nibe:kira ku Mwana wo mu:nu.

Yowana 1:51 ပူးပေါင်းရင်းမြစ်များ

Matayo 25:31

Yeesu ˆnaagenderera okwayika na abheeyigisibhwa bhaaye, ˆnaabhabhwira ati, “Omwanya gunu anye Omwana wa Omuunu niriija mw‑ikusyo ryani, aamwi na bhamaraayika abheeru bhoone, niwo niriinyanja rwa omukama ku‑chitebhe chaani cha rikusyo.

Matayo 26:24

Anye Omwana wa Omuunu, niriitwa rwa kutyo jikaamirwe mu‑Bhikaame Ebhyeru. Nawe jiribhona omuunu unu arintuura mu‑mabhoko ga abhasoko. Jikabheeye kisi ku‑muunu oyo araabha ataakeebhuuywe!”

Matayo 3:16

Omwanya gunu Yeesu ꞉aamarire okubhatiijibhwa, ˆnaariinya okusooka mu‑manji, awoawo orwire nirwiguka, ˆnaarora Mwoyo wa Nyamuwanga ˆneeka inguru yaaye rwa echiguuti.

Matayo 4:11

Niwo Syetaani ˆnaasiga Yeesu awo. Awoawo, bhamaraayika bha Nyamuwanga nibhaaja okumufurubhendera.

Matayo 8:20

Yeesu ˆnaamusubhya ati, “Ganyamubhwe gari na jisenga, na jinyonyi jiri na amooswi, nawe anye Omwana wa Omuunu, nitari na omusi anu enitura okumaama!”

Matayo 9:6

Nawe eneenda mumenye ati, anye Omwana wa Omuunu niyaaywe obhuturo bhwa okufwira echigongo ebhibhiibhi mu‑chaaro munu.” Neeya Yeesu ˆnaabhwira omuunu unu aariga afuuwe omubhiri ati, “Imereeguru! Ugege riraro ryawo, ugende iika ewaawo.”

Mariko 1:10

Omwanya gunu Yeesu aariinyaga okusooka mu‑manji, awoawo ˆnaarora orwire nirwiguka, na Mwoyo Mweru ˆneeka inguru yaaye rwa echiguuti.

Mariko 14:62

Yeesu ˆnaamusubhya ati, “Anye niwe. Emwe murindora anye Omwana wa Omuunu niinyanjire orubhaara rwa ebhuryo rwa Nyamuwanga owa amanaga goone, niniija niri mu‑meere ga mu‑rwire.”

Ruuka 2:13

Awoawo, echise echinene muno cha bhamaraayika abheejaabho okusooka mu‑rwire nibhabha aamwi nage. Niwo bhoone, nibhakuuya Nyamuwanga ati,

Ruuka 2:9

Mbe, maraayika umwi wa Raatabhugenyi ˆnaabhasoromokera na rikusyo rya Raatabhugenyi niribhasingira na okubhamirikira mbaara joone. Nibhagwatwa na echibhabhuko chaafu muno.

Ruuka 22:43

Awoawo, maraayika okusooka mu‑rwire ˆnaamusoromokera, ˆnaamukomeesya.

Ruuka 22:69

Nawe okwambira woori, anye Omwana wa Omuunu enija okubha niinyanjire orubhaara rwa ebhuryo rwa Nyamuwanga owa amanaga goone.”

Ruuka 24:4

Omwanya gunu bhaariga nibhatangʼangʼara inguru ya omusango ogwo, awoawo bhamaraayika bhabhiri, bhanu bhaariga bhafwaye emyenda emyeru pee jinu jaariga nijibharangisya nibheemereeguru ayeeyi nabho.

Ruuka 3:21

Omwanya gunu abhaanu bhoone bhaamarire okubhatiijibhwa, Yeesu wone ˆnaabhatiijibhwa. Omwanya gunu aariga ˆnaasabhwa, orwire nirwiguka,

Yowana 1:50

Yeesu ˆnaamubhuusya ati, “Angu, weekirisya kwa okubha naakubhwira ati naakurora winyanjire emwaro ya ritiini? Urirora emisango ejindi emisito okukira jinu!”

Yowana 10:1

Yeesu ˆnaagenderera okwayika ati, “Ni chimari enibhabhwira ati, omuunu woonewoone unu atakutura mw‑irango okwingira mw‑igutu rya jinaama, tari kaatura andi okwingira omwo, oyo ni mwifi ka wone ni musaakusi.

Yowana 10:7

Mbe, Yeesu ˆnaabhabhwira rindi ati, “Ni chimari enibhabhwira ati, anye naanye rirango rinu jinaama ejitura‑mo okwingirira mw‑igutu.

Yowana 13:16

Ni chimari enibhabhwira ati, omugaya atakutura okubha omukuru okukira omwami waaye, ka wone unu kaatumwa atakutura okubha omukuru okukira unu kaamutuma.

Yowana 13:38

Yeesu ˆnaamusubhya ati, “Angu, chimari wiiteeye‑wo okufwa inguru yaani? Ni chimari enikubhwira ati, rikookorome richaari okukookoroma, owubha waanyigaanire kasatu.”

Yowana 14:12

Ni chimari enibhabhwira ati, omuunu woonewoone unu kaanyikirisya, arikora emirimu jinu anye enikora. Ka wone arikora minene okukira jinu enikora, kwa okubha enigenda ku‑Raata.

Yowana 16:20

Ni chimari enibhabhwira ati, emwe muririra na okusurumbara, nawe abhaanu bha ku‑chaaro kunu bharikonderwa. Murisurumbara, nawe obhusurumbaaye bhwemwe bhuriyinduka okubha rikonderwa.

Yowana 16:23

Ka wone orusuku orwo rurikinga, mutarikena okumbuusya omusango gwonegwone. “Ni chimari enibhabhwira ati, joone jinu omuja okusabhwa okutura kw‑isiina ryani, Raata kaja okubhayaana.

Yowana 21:18

Ni chimari enikubhwira ati, omwanya gunu waariga uchaari mumura, waariga unarire okufwara emyenda jaawo omwene, na okuja woonewoone anu weendaga. Nawe aribha waakokora, urigorora mabhoko gaawo na omuunu owundi arikubhoya na okukusira anu utaryenda okuja.”

Yowana 3:3

Yeesu ˆnaamusubhya ati, “Ni chimari enikubhwira ati, atari‑wo omuunu unu kaatura okwingira mu‑bhukama bhwa Nyamuwanga araabha ateebhuuywe rwa kabhiri.”

Yowana 3:5

Yeesu ˆnaamusubhya ati, “Ni chimari enikubhwira ati, atari‑wo omuunu unu kaatura okwingira mu‑bhukama bhwa Nyamuwanga araabha ateebhuuywe mu‑manji na kwa Mwoyo Mweru.

Yowana 5:19

Yeesu ˆnaabhwira abhatangasya abho ati, “Ni chimari enibhabhwira ati, Omwana wa Nyamuwanga atakutura okukora omusango gwonegwone ku‑bhuturo bhwaye. Tari kaakora era jinu kaarora Esemwene ˆnaakora. Joone jinu Esemwene kaakora, nijo Omwana wone kaakora.

Yowana 5:27

Ka wone, ayaaye Omwana waaye obhuturo bhwa okuramura abhaanu, kwa okubha niwe Omwana wa Omuunu.

Yowana 6:26

Yeesu ˆnaabhasubhya ati, “Ni chimari enibhabhwira ati, omunyenja kwa okubha ꞉naabhayaaye emikaate, nimurya na okwiguta, jitari ku‑songa ya okwenda okusombookerwa obhugajuro bhwa ebhibharikisyo bhinu ꞉naakorere.

Yowana 6:32

Mbe, Yeesu ˆnaabhabhwira ati, “Ni chimari enibhabhwira ati, atari Muusa unu ꞉aayaaye bhasaaja weemwe ebhiryo ebhyo okusooka mu‑rwire, tari ni Raata waani. Omwene niwe kaabhayaana emwe ebhiryo bhya echimari bhinu ebhisooka mu‑rwire.

Yowana 6:47

“Ni chimari enibhabhwira ati, omuunu woonewoone unu kaanyikirisya, oyo ari na obhuwanga bhwa akajaanende koone.

Yowana 6:53

Okuruubhana na ejo, Yeesu ˆnaabhabhwira ati, “Ni chimari enibhabhwira ati, aribha mwarema okurya omubhiri gwani, na okunywa isagama yaani, anye Omwana wa Omuunu, mutaribhona obhuwanga bhwa akajaanende koone.

Yowana 8:34

Yeesu ˆnaabhasubhya ati, “Ni chimari enibhabhwira ati, omuunu woonewoone unu kaagenderera okukora ebhibhiibhi, oyo ni mugaya wa ebhibhiibhi.

Yowana 8:51

Ni chimari enibhabhwira ati, omuunu woonewoone unu kaagayuka ameeyigisyo gaani, atarifwa wuri.”

Yowana 8:58

Yeesu ˆnaabhasubhya ati, “Ni chimari enibhabhwira ati, anye niri‑wo okusookerera omwanya gunu Bhurayimu aariga achaari kwibhurwa.”

Ebikorwa 10:11

Mu‑bhiroro ebhyo, ꞉aarorere orwire rwigukire, na echiinu wuti isuuka nene, igwatirwe jisonde jaayo ena, niyooromosibhwa ku‑chaaro.

Ebikorwa 7:56

Awo ˆnaayika ati, “Murore! Enirora orwire rwigukire, na Omwana wa Omuunu eemereeguuyu orubhaara rwa ebhuryo rwa Nyamuwanga!”

2 Batesalonika 1:7

niwo aribhafungʼamya emwe na eswe okusooka mu‑bhinyaasyo. Arikora kutyo, bhunu Raatabhugenyi Yeesu arisubha rindi okusooka mu‑rwire, ari aamwi na bhamaraayika bhaaye abha obhuturo bhwafu,

2 Batesalonika 1:9

Indamu yeebhwe iribha okusingaarisibhwa akajaanende koone, bharitaganyibhwa na Raatabhugenyi chimwi, ka wone bharisoosibhwa mw‑ikusyo rya amanaga gaaye.

1 Timoteo 3:16

Echimari chinu Nyamuwanga asweruuye ni cha okuruguusya na nicho chinu, Kirisito ꞉eesweruuye mu‑mubhiri, ˆnaayikwa na Mwoyo Mweru ati ni murengeresi, ˆnaabhonekana ku‑bhamaraayika, ˆnaaraasibhwa mu‑maanga goone, ˆneekirisibhwa na abhaanu bha mu‑chaaro, ˆnaagegwa okuja inguru mw‑ikusyo.

Baeburania 1:14

Mbe woori, bhamaraayika ni chiinu ki? Ni myoyo jinu ejikorera emirimu Nyamuwanga, omwene kaajituma jigende okukorera emirimu abhaanu bhanu bharichungurwa.

Yuuda 1:14

Enooke, omuunu wa riyimbo rya kataanu na kabhiri okusookerera ku‑Adaamu, ꞉aasoosiisye obhuragi inguru ya abhaanu abho ati, “Ringira, Raatabhugenyi kaaja ari na bhamaraayika bhaaye abheeru ebhiwumbi na ebhiwumbi.

Obhusweruro 19:11

Nejire neeya, nindora orwire rwigukire. Ringira, ifwaraasi iinyeru na unu aariga ayiriinyire‑ko kaatogwa ati, “Mwiyikanyibhwa” na “Owa Echimari.” Niwe kaaramura na okurwana riremo kwa obhurengeresi.

Obhusweruro 4:1

Ejo jejire jaawa, nindora echiroro echindi. Ringira! ꞉Naarorere orwigi rwiguuywe‑wo mu‑rwire! Mbe, obhuraka rwa bhwa ingʼombi bhunu ꞉noonguuwe obhwa okwamba nibhumbwira ati, “Iija, riinya inguru enu, korereki nikweresye emisango jinu ni bhusibhusi jikorekane aribha ejo jaatura.”