Yowana 1:45 - Indagano Inyaaya mu-Chijita

⁴⁵ Mbe, Firipo ˆnaabhona Natanayeri, ˆnaamubhwira ati, “Eswe chaarora omuunu unu Muusa ꞉aakaamire emisango jaaye mu‑chitabho cha ebhiraagiro. Abharagi wone ꞉bhaakaamire emisango inguru ya omuunu oyo. Risiina ryaye ni Yeesu wa Najareeti, omwana wa Jejefu.”

INDAGANO INYA:YA

⁴⁵ Filipo namubona Natanaeli, namubwira ati, Cabwene unu Musa andikire mu biragiro, na baragi unu bandikire, niwe Yesu wa Yusufu, owende Najareti.

Yowana 1:45 ပူးပေါင်းရင်းမြစ်များ

Matayo 10:3

Firipo, Bhatoromaayo, Tomaasi, Mataayo unu aariga ari mutobhesya wa rigooti, Yakobho omwana wa Arufwayo, Tadaayo,

Matayo 13:55

Unu atari mwana wa omubhuya urya? Nyiramwene atari unu kaatogwa Maryamu? Abhatooto bhaaye bhatari Yakobho, Jejefu, Simooni na Yuuda?

Matayo 2:23

Nibhaja mu‑musi gunu gwatogwaga ati Najareeti, nibheekara eyo. Niwo omusango ꞉gwakuumiiye gunu ꞉gwayikirwe inguru ya Yeesu ku‑njira ya abharagi ati, “Aritogwa Omunajareeti.”

Matayo 21:11

Abhaanu abhandi mu‑chise echo nibhabhasubhya ati, “Unu ni Yeesu! Ni muragi urya wa Najareeti wa mu‑mukoowa gwa Gariraaya!”

Mariko 14:67

ˆNaarora Peetero ˆnaabhiraga omuriro, ˆnaamuringira nekeneke. ˆNaamubhwira ati, “Awe wone waariga uri aamwi na Yeesu, Omunajareeti urya.”

Mariko 6:3

Unu atari mubhuya wurya, omwana wa Maryamu? Abhamura bhaabho bhatari Yakobho, Yoose, Yuuda na Simooni? Angu, abhayara bhaabho bhatari bhanu chiikaaye nabho anu?” Nibhamubhiyirirwa, nibharema okumwikirisya.

Ruuka 18:37

Nibhamubhwira ati, “Yeesu Omunajareeti kaatura awo.”

Ruuka 2:4

Jejefu wone, ˆneemuka okusooka mu‑musi gwa Najareeti mu‑mukoowa gwa Gariraaya, ˆnaariinya okuja mu‑musi gwa Bhetereyeemu mu‑mukoowa gwa Yuudeya. Bhetereyeemu nigwo gwariga guri musi gwa omukama Dawudi na Jejefu aariga ari wa mu‑ruganda rwaye.

Ruuka 2:48

Abheebhusi bhaaye bhejire bhaamurora, nibharuguura muno. Nyiramwene ˆnaamubhuusya ati, “Omwana waani, ni kurwa ki waachikorera kutya? Rora anye na esomwana, chaari nichikuyenja chiyayire muno!”

Ruuka 24:27

Niwo, Yeesu ˆnaabhatondera emisango joone jinu jikaamirwe inguru yaaye, okwambira mu‑bhikaame bhya Muusa okukingira mu‑bhikaame bhya abharagi bhoone.

Ruuka 24:44

Ejire aamara okurya, ˆnaabhabhwira ati, “Emisango jinu nijo ꞉naabhabhwiriiye omwanya gunu naariga niri aamwi na emwe. ꞉Naabhabhwiriiye ati, ni bhusibhusi jikuumire joone jinu jikaamirwe inguru yaani mu‑bhiraagiro bhya Muusa, ku‑bharagi na mu‑Jabhuri.”

Ruuka 3:23

Omwanya gunu Yeesu ꞉aambire emirimu jaaye ja okuraasya omusango, aariga ari na miguuga wuti makumi gasatu kutya. Abhaanu bhaariga nibheetogera ati aariga ari mwana wa Jejefu. Jejefu wa Yeeri.

Ruuka 4:22

Yeesu ejire aamara okwiyigisya, abhaanu bhoone nibhaayika ati, “Aayika emisango ja ekisi!” Nibharuguurira muno emisango jaaye ja obhwitiriranya jinu ꞉aayikire. Nibheeya nibhabhuusyanya ati, “Angu, unu atari niwe omwana wa Jejefu?”

Yowana 1:44

Firipo aariga ari mwinengo wa mu‑musi gwa Bhetisaayida, omusi gunu Andereya na Peetero bhaariga bhasookereeye.

Yowana 12:21

Mbe, abhaanu abho nibhagenda ku‑Firipo unu ꞉aasookere Bhetisaayida mu‑mukoowa gwa Gariraaya, nibhamusabhwa, nibhaayika ati, “Mwami, eswe echeenda okubhugana na Yeesu.”

Yowana 14:8

Firipo ˆnaamubhwira ati, “Raatabhugenyi awe, cheeresye Raata, ogwo ogubha gwiyire.”

Yowana 18:5

Abheene nibhamusubhya ati, “Echiyenja Yeesu wa Najareeti.” Yeesu ˆnaabhasubhya ati, “Naanye.” Yuuda unu ꞉aaromeeye Yeesu iniku, aariga eemereeguuyu aamwi na abhasirikare abho.

Yowana 18:7

Yeesu ˆnaabhabhuusya rindi ati, “Angu, omuyenja ga?” Abheene nibhamusubhya ati, “Echiyenja Yeesu wa Najareeti.”

Yowana 19:19

Piraato ˆnaaragirira ati jikaamwe emisango ku‑kabhaawu na akabhaawu ako katuurwe inguru ya omusarabha gwa Yeesu. Emisango ejo jaariga jikaamirwe ati, “unu ni yeesu wa najareeti, omukama wa abhayawudi.”

Yowana 21:2

Simooni Peetero, Tomaasi unu bhaamubhirikiraga ati, Marongo, Natanayeri unu ꞉aasookereeye Kaana mu‑Gariraaya, abhaana bhabhiri bha Jebhedaayo, na abheeyigisibhwa abhandi bhabhiri bhaariga bhari aamwi.

Yowana 6:42

Nibhabhuusyanya ati, “Angu, omuunu unu atari Yeesu, omwana wa Jejefu? Noorwo abheebhusi bhaaye chibhamenyere. Woori, kaatura kutiki okwayika ati eekire okusooka mu‑rwire?”

Yowana 6:5

Yeesu ejire aaringira, ˆnaarora echise chinene cha abhaanu nibhamuuja‑ko. ˆNaabhuusya Firipo ati, “Angu, echitura okugura aaki emikaate ja okwiya abhaanu bhanu bhoone?”

Yowana 6:7

Firipo ˆnaamusubhya ati, “Noorwo araabha chaakagurire emikaate ja jidinaari magana gabhiri (200), jitakeeyire noorwo okugabhira bhuri muunu etyari tyari.”

Ebikorwa 10:38

Ka wone omumenya ati, Nyamuwanga ꞉aasorere Yeesu wa Najareeti kwa okumuyaana Mwoyo Mweru na obhuturo. Yeesu oyo aagendaga enu na erya, aakoraga ja ekisi na okuwosya bhoone bhanu bhaariga nibhanyaasibhwa na amanaga ga Syetaani, kwa okubha Nyamuwanga aariga ari aamwi nage.

Ebikorwa 2:22

Peetero ˆnaagenderera okwayika ati, “Emwe abhaanu bha Yisirayeeri, muntegeresye kisi! Nyamuwanga ꞉eeresiisye abhweru kw‑imwe ati Yeesu Omunajareeti ni wa echimari. ꞉Aakorere kutyo, ku‑njira ya ebhikorwa bhya obhuturo, ebhiruguusyo na ebhibharikisyo bhya mbaga nyafunyafu bhinu Nyamuwanga ꞉aamuyaaye amanaga okukora agati yeemwe. Ejo emwe abheene mujimenyere.

Ebikorwa 22:8

Nimmubhuusya ati, ‘Raatabhugenyi awe, naawe ga?’ Omwene ˆnaansubhya ati, ‘Anye naanye Yeesu Omunajareeti, unu awe owunnyaasya.’

Ebikorwa 26:9

“Chimari, anye omwene naaroraga mu‑mutima gwani ati yaariga iri bhusibhusi nikore emisango myafu, korereki okuyaajana na risiina rya Yeesu Omunajareeti.

Ebikorwa 3:6

Nawe Peetero ˆnaamubhwira ati, “Nitari na jipirya noorwo inaaryo, nawe chinu niri nacho ni chinu. Enikubhwira kw‑isiina rya Yeesu Kirisito Omunajareeti, imereeguru uribhate!”