Yowana 1:4 - Indagano Inyaaya mu-Chijita

⁴ Musango oyo niwe obhusimukwa bhwa obhuwanga bhwone, na obhuwanga obhwo obhureeta obhweru ku‑bhaanu.

INDAGANO INYA:YA

⁴ Obuanga bwariga mu Mwene. No buanga nibuba obweru bwa ba:nu.

Yowana 1:4 ပူးပေါင်းရင်းမြစ်များ

Matayo 4:16

Abhaanu bhanu bheekaaye mu‑chisuute, bhaarora obhweru bhwafu, na bhanu bheekaaye mw‑irengesi rya orufu, bhaamurikirwa obhweru.”

Ruuka 2:32

Obhuchungusi obhwo, ni bhweru bhwa okweresya injira yaawo, ku‑bhaanu bhanu bhatari Bhayawudi, na okuyaana abhaanu bhaawo Abhayisirayeeri rikusyo.”

Yowana 11:25

Yeesu ˆnaamusubhya ati, “Anye naanye obhusuuruko, ka wone naanye obhuwanga. Omuunu unu kaanyikirisya anye, noorwo araabha aakafwa, aribha omuwanga.

Yowana 12:35

Yeesu ˆnaabhabhwira ati, “Obhweru bhuchaari aamwi na emwe kwa omwanya mufuyi era. Mugenderere okuribhata mu‑bhweru bhunu omwanya gunu bhuchaari‑wo, korereki echisuute chaasiga okubhayiga, kwa okubha omuunu unu kaaribhata mu‑chisuute, atakumenya anu kaagenda.

Yowana 12:46

Anye niijire ku‑chaaro kunu rwa obhweru, korereki bhuri muunu unu kaanyikirisya asige okusigara mu‑chisuute.

Yowana 14:6

Yeesu ˆnaamusubhya ati, “Anye naanye injira, echimari, na obhuwanga. Atari‑wo omuunu woonewoone unu kaatura okuuja ku‑Raata araabha ataturire kw‑anye.

Yowana 3:19

Isonga ya okuramurwa kwebhwe ni ati, obhweru bhwijire ku‑chaaro kunu, nawe abhaanu bheendere okubha mu‑chisuute okukira okubha mu‑bhweru, kwa okubha ebhikorwa bhyebhwe ni bhijabhi.

Yowana 5:21

Rwa kutyo Raata kaasuurura abhafuuwe na okubhayaana obhuwanga, nikwo kutyo Omwana wone kaayaana obhuwanga bhwa akajaanende koone abhaanu bhanu omwene keenda ayaane.

Yowana 5:26

Rwa kutyo Raata ari bhusimukwa bhwa obhuwanga bhwa akajaanende koone, nikwo kutyo wone akorere Omwana waaye okubha obhusimukwa bhwa obhuwanga obhwo.

Yowana 8:12

Mbe, Yeesu ˆnaagenderera okubhabhwira ati, “Anye naanye obhweru bhwa echaaro. Omuunu woonewoone unu kaanduubha, atakuribhata mu‑chisuute wuri, tari kaja okubha na obhweru bhunu obhumutangasya okuja mu‑bhuwanga bhwa kajaanende koone.”

Yowana 9:5

Omwanya gunu nichaari ku‑chaaro anu, anye niri obhweru ku‑bhaanu bhoone.”

Ebikorwa 26:23

Bhoone abho ꞉bhaayikire ati, Kirisito jeenderwe anyaasibhwe na aribha wa okwamba okusuuruka okusooka mu‑bhafuuwe, korereki areete obhweru bhwa omweruro ku‑Bhayawudi na ku‑bhanu bhatari Bhayawudi wone.”

1 Bakorinto 15:45

Mu‑Bhikaame Ebhyeru jikaamirwe ati, “Omuunu wa okwamba, Adaamu, ꞉aabhumbirwe ˆnaabha omuunu omuwanga,” nawe Adaamu wa obhuteero, Kirisito, niwe Mwoyo unu kaayaana abhaanu obhuwanga.

Baefeso 5:14

Nikwo okukora ejaayikwa ati, “Rafya awe, unu uwongeeye. Usuuruke okusooka mu‑bhafuuwe, Kirisito arikungʼarabhisya obhweru.”

Bakolosai 3:4

Mbe, obhurame obhwo obhuruubhana na Kirisito. Omwanya gunu aribhuurika, niwo emwe wone muribhuurika aamwi nage na okusangira aamwi rikusyo ryaye.

1 Yoana 1:1

Echibharaasisya inguru ya Musango wa obhuwanga, unu ꞉aabheeye‑wo chichaari okubha‑wo echiinu choonechoone. Eswe ꞉chaamutegeresiisye, ꞉chaamurore na ameeso geeswe abheene, ꞉chaamuringiiye na okumukuunʼya‑ko na amabhoko geeswe.

1 Yoana 1:2

Oyo niwe obhuwanga, ꞉aabhonekeene kw‑iswe na eswe nichimurora. Woori chibhabhwira na okubharaasisya echimari inguru ya obhuwanga bhwa akajaanende, bhunu bhwariga bhuri ku‑Raata Nyamuwanga, ˆnaabhuswerura kw‑iswe.

1 Yoana 5:11

Obhubhambaasi obhwo ni bhunu, Nyamuwanga achiyaanire obhuwanga bhwa akajaanende koone. Obhuwanga obhwo echibhubhona kwa okwikirisya Omwana waaye.

Obhusweruro 22:1

Neeya maraayika urya ˆnaanyeeresya omusima gwa amanji ganu agasoosya obhuwanga. Omusima ogwo gwariga nigubharangirya rwa rirore na gwariga niguwurura okusooka mw‑ifuufu rya echitebhe cha ingʼoma cha Nyamuwanga na Omwana wa Inaama.

Obhusweruro 22:16

“Anye Yeesu, naanye orwibhuro orukuru rwa omukama Dawudi, naanye eniseekaana rwa inyamaananga. Anye, naanye unu ꞉naatumire maraayika waani mu‑makanisa, korereki abhwire emwe abharuubhirisya bhaani emisango jinu.”