Yowana 1:3 - Indagano Inyaaya mu-Chijita

³ Nyamuwanga ꞉aabhumbire ebhiinu bhyone okutura ku‑Musango oyo. Chitari‑wo noorwo echiinu chimwi chinu ꞉chaabhumbirwe chitaturire ku‑mwene wuri.

INDAGANO INYA:YA

³ Ebi:nu byone byakorerwe nage. Aja:tari uyo citakakorerwe ci:nu na cimwi cinu cakorerwe.

Yowana 1:3 ပူးပေါင်းရင်းမြစ်များ

Yowana 1:10

Omwene oyo aariga ari mu‑chaaro munu, ka wone Nyamuwanga ꞉aabhumbire echaaro okutura ku‑mwene. Nawe, abhaanu bha ku‑chaaro kunu ꞉bhataamusombookeeywe.

Yowana 1:2

Okusookerera ku‑bhwambiro, Musango oyo, aariga ari aamwi na Nyamuwanga.

1 Bakorinto 8:6

Nawe kw‑iswe, ari‑wo Nyamuwanga umwi wenyere, niwe Raata, niwe ꞉aabhumbire ebhiinu bhyone. Eswe chiikaaye inguru yaaye. Ka wone ari‑wo Raatabhugenyi umwi wenyere, niwe Yeesu Kirisito, na ebhiinu bhyone ꞉bhyabhumbirwe okutura ku‑mwene, ka wone eswe chiri bhaanga okutura ku‑mwene.

Baefeso 3:9

Nyamuwanga ꞉aanaaye obhuturo bhwa okusomboorera abhaanu bhoone emisango ejo, korereki bhamenye kutyo Nyamuwanga arikuumisya obhutinge bhwa imbisike yaaye. Obhutinge obhwo, bhwariga bhubhisirwe okusookerera kara ku‑Nyamuwanga unu ꞉aabhumbire ebhiinu bhyone.

Baeburania 11:3

Ku‑njira ya eriikirisya, chimenyere ati Nyamuwanga ꞉aabhumbire echaaro choone okutura ku‑musango gwaye. ꞉Aabhumbire ebhiinu bhinu ebhibhonekana okusooka ku‑bhiinu bhinu bhitakubhonekana.

1 Yoana 5:1

Woori, omuunu woonewoone unu keekirisya ati Yeesu ni Kirisito, omuunu oyo niwe omwana wa Nyamuwanga. Ka wone, woonewoone unu keenda omwibhusi wa omwana, keenda na abhaana bha omwibhusi oyo.

Obhusweruro 3:14

“Ukaamire maraayika wa mw‑ikanisa rya Rawodeekiya kutya, Anye, naanye Jibhe kutyo, omubhambaasi omwiyikanyibhwa wa echimari inguru ya Nyamuwanga. Anye, naanye obhusimukwa bhwa ebhibhumbwa bhyone bhinu Nyamuwanga ꞉aabhumbire. Mutegeresye jinu enibhabhwira!

Obhusweruro 4:11

“Raatabhugenyi na Nyamuwanga weeswe, wiiyire ukuuyibhwe, okuyaanwa echibharo na okubha na obhuturo bhwone. Okubha awe ꞉waabhumbire ebhiinu bhyone, mu‑kwenda kwawo ꞉bhyabhumbirwe, ka wone bhiri‑wo.”