Yowana 1:29 - Indagano Inyaaya mu-Chijita

²⁹ Mwejo yende‑ko, Yowana ˆnaarora Yeesu ˆnaamuuja‑ko. ˆNaabhwira abhaanu bhanu bhaariga bhari awo ati, “Ringira, oyo niwe Omwana wa Inaama wa Nyamuwanga, unu kaasoosya‑wo ebhibhiibhi bhya abhaanu bhoone bha echaaro chinu!

INDAGANO INYA:YA

²⁹ Mwejo Yoana narora Yesu namu:jako, na:ika ati, Rora, Omwana wa Ina:ma wa Nyamuanga, Unu kaso:syao ebibi:bi bye ca:ro.

Yowana 1:29 ပူးပေါင်းရင်းမြစ်များ

Matayo 1:21

Ariibhura omwana wa echirume, na urimutoga Yeesu, kwa okubha oyo, niwe arichungura abhaanu bhaaye okusooka mu‑bhibhiibhi bhyebhwe.”

Matayo 20:28

Jiri rwa kutyo anye Omwana wa Omuunu, ꞉niteejire okukorerwa emirimu, tari ꞉neejire okukorera emirimu abhaanu na okusoosya obhurame bhwani, korereki neerure abhaanu bhaafu.”

Yowana 1:35

Mwejo yende‑ko, Yowana aariga eemereeguuyu awo rindi, ari na abheeyigisibhwa bhabhiri mu‑bheeyigisibhwa bhaaye.

Yowana 1:36

ˆNaarora Yeesu ˆnaaribhataga ayeeyi nabho. ˆNaabhabhwira ati, “Ringira, oyo niwe Omwana wa Inaama wa Nyamuwanga!”

Yowana 1:43

Mwejo yende‑ko, Yeesu ˆnaaramura okugenda mu‑mukoowa gwa Gariraaya. Niwo ˆnaasongʼana Firipo, ˆnaamubhwira ati, “Nuunduubhe.”

Yowana 2:1

Mbe, jejire jaatura siku ebhiri, nibhukorekana obhuregesi mu‑musi gwa Kaana, mu‑mukoowa gwa Gariraaya. Mu‑bhuregesi obhwo, nyiramwene Yeesu wone aariga ari‑wo.

Yowana 3:16

Nyamuwanga eendere muno abhaanu bhoone bha ku‑chaaro kunu. Nikwo okukora ꞉aatumire Omwana waaye wenyere aaje ku‑chaaro kunu, korereki bhuri muunu unu keekirisya Omwana oyo aasiga okusimagira, tari abhe na obhuwanga bhwa akajaanende koone.

Yowana 4:42

Nibhabhwira omugasi oyo ati, “Woori cheekirisya omuunu unu jitari ku‑misango jinu waachibhwira. Tari kwa okubha eswe abheene cheeyungwirwa emisango jinu kaayika. Woori chimenyere chimari ati, omuunu unu niwe Omuchungusi wa echaaro.”

Yowana 6:51

Anye naanye ebhiryo bhinu bhiikire okusooka mu‑rwire, bhinu ebhiyaana abhaanu obhuwanga bhwa akajaanende koone. Omuunu woonewoone unu kaarya ebhiryo ebhyo, kaabha na obhuwanga bhwa akajaanende koone. Ebhiryo ebhyo ni mubhiri gwani gunu nirisoosya inguru ya abhaanu bhoone bha ku‑chaaro kunu, korereki bhabhe na obhuwanga bhwa akajaanende koone.”

Ebikorwa 13:39

Okutura ku‑mwene era, bhuri muunu unu kaamwikirisya, kaabharirwa ati ni murengeresi imbere ya Nyamuwanga, omusango gunu gutakuturikana kw‑imwe kwa okuruubha ebhiraagiro bhya Muusa.

Ebikorwa 8:32

Ebhikaame Ebhyeru bhinu omukuru oyo aariga ˆnaasoma, nibhyo bhinu, “꞉Aatangasiibhwe rwa inaama inu eyija okwitwa. ꞉Aajibhiiye jibhijibhi, rwa kutyo omwana wa inaama eyijibhira omwanya gunu eyitemwa‑ko obhufufi.

1 Bakorinto 15:3

Ameeyigisyo ga bhusibhusi ganu anye ꞉naaramiiye, nigo ꞉naabheeyigisiisye ati, Kirisito ꞉aafuuwe inguru ya ebhibhiibhi bhyeswe, rwa kutyo jikaamirwe mu‑Bhikaame Ebhyeru.

2 Bakorinto 5:21

Kirisito aariga atari na echibhiibhi choonechoone, nawe Nyamuwanga ꞉aamubharire rwa owa ebhibhiibhi inguru yeeswe, korereki eswe chibharwe okubha abharengeresi imbere ya Nyamuwanga okutura ku‑Kirisito.

Bagalatia 1:4

Kirisito ꞉aasoosiisye obhurame bhwaye, inguru ya okusoosya‑wo ebhibhiibhi bhyeswe, korereki achichungure okusooka mu‑bhibhiibhi bhyone bhya echaaro chinu cha woori. ꞉Aakorere kutyo, okuruubhana na okwenda kwa Nyamuwanga Raata weeswe.

Bagalatia 3:13

Kirisito ꞉aacheeruuye okusooka mu‑chiyiimo cha ebhiraagiro kwa okugega echiyiimo echo, inguru yeeswe. Ebhikaame Ebhyeru ebhyayika ati, “Woonewoone unu abhambirwe ku‑musarabha, eeyiimirwe.”

1 Timoteo 2:6

Omwene ꞉aasoosiisye obhurame bhwaye, korereki eerure abhaanu bhoone. Bhunu nibhwo obhubhambaasi bhunu Nyamuwanga ꞉aachiyaaye ku‑mwanya gunu ꞉aateeye‑wo.

Tiito 2:14

Omwene ꞉aasoosiisye obhurame bhwaye inguru yeeswe, korereki acheerure okusooka mu‑bhibhiibhi bhyone. ꞉Aacheesiisye, korereki chibhe abhaanu bhaaye omwene, bhanu echiigomba okukora ebhikorwa bhya ekisi.

Baeburania 1:3

Omwene oyo niwe orungʼarabhyo rwa rikusyo rya Nyamuwanga. Ka wone niwe orususo rwa echimari rwa kutyo Nyamuwanga ari. Omwene niwe kaakora ebhiinu bhyone bhigwatane aamwi ku‑musango gwaye ogwa amanaga. ꞉Eesiisye abhaanu ebhibhiibhi bhyebhwe, ˆnaagenda mu‑rwire, ˆneenyanja orubhaara rwa ebhuryo rwa Nyamuwanga owa obhuturo bhwone.

Baeburania 2:17

Ku‑songa eyo, ꞉aakenerwe aaje ari rwa kutyo abhayiri bhaaye bhari mu‑joone, korereki abhe Omugabhisi Omukuru unu ari owa echigongo na omwiyikanyibhwa ku‑mirimu jaaye imbere ya Nyamuwanga. Omugabhisi oyo niwe ꞉aakorere echoogo korereki Nyamuwanga afwire echigongo abhaanu ebhibhiibhi bhyebhwe.

Baeburania 9:28

Nyabhuriko Kirisito ꞉aasoosiibhwe okubha echoogo rumwi era, korereki asoosye‑wo ebhibhiibhi bhya abhaanu bhaafu. Kirisito ariija rwa kabhiri, nawe omwanya ogwo atariija okusoosya‑wo ebhibhiibhi. Tari ariija okuchungura abhaanu bhanu abhamurindirira mu‑bhwikomeesya.

1 Petero 1:19

Tari, ꞉mweruuywe kwa isagama ya obhurambu obhunene ya Kirisito. Omwene aariga ari rwa omwana wa inaama unu atari‑ko esoro noorwo ekoomo.

1 Petero 2:24

Yeesu omwene ꞉aagegere ebhibhiibhi bhyeswe ku‑mubhiri gwaye, ˆnaabhambwa ku‑musarabha. ꞉Aakorere kutyo, korereki chisige okutungwa rindi na ebhibhiibhi, tari chiikare nichikondisya Nyamuwanga. Mu‑kuwutaasibhwa kwa Yeesu, emwe ꞉mwawosiibhwe.

1 Petero 3:18

Kirisito omwene ꞉aanyaakire rumwi era inguru ya ebhibhiibhi bhya abhaanu bhanu bhatari bha rirenga, korereki achigwatanye na Nyamuwanga. Nawe omwene aariga ari murengeresi. ꞉Eetirwe echinyamubhiri, nawe ˆnaakorwa omuwanga ku‑bhuturo bhwa Mwoyo Mweru.

1 Yoana 2:2

Yeesu niwe echoogo cha okusoosya‑wo ebhibhiibhi bhyeswe na okuchigwatanya na Nyamuwanga. Ka wone ꞉ataasoosisye‑wo ebhibhiibhi bhyeswe era, tari na ebhibhiibhi bhya abhaanu bhoone bha ku‑chaaro choone.

1 Yoana 3:5

Emwe mumenyere kisikisi ati isonga ya Kirisito okuuja ku‑chaaro kunu ni kugega ebhibhiibhi bhyeswe. Ka wone, mumenyere ati omwene atari na echibhiibhi choonechoone.

1 Yoana 4:10

Rinu niryo eryenda, jitari ati, eswe ꞉chaatangatire okwenda Nyamuwanga. Tari omwene niwe ꞉aatangatire okucheenda eswe. Nikwo okukora ˆnaatuma Omwana waaye, abhe echoogo cha okusoosya‑wo ebhibhiibhi bhyeswe na okuchigwatanya na Nyamuwanga.

Obhusweruro 1:5

na okusooka ku‑Yeesu Kirisito. Omwene niwe omubhambaasi omwiyikanyibhwa. ꞉Aabheeye wa okwamba okusuururwa korereki abhe omukama wa abhakama bhoone mu‑chaaro. Yeesu acheendere. Okutura ku‑sagama yaaye ꞉aachoosiisye ebhibhiibhi bhyeswe.

Obhusweruro 12:11

Woori abheekirisya abheejaasu bhaayigire Syetaani ku‑sagama ya Omwana wa Inaama na ku‑bhubhambaasi bhunu bhasoosiisye. Okubha ꞉bhateeganire obhurame bhwebhwe, bhaariga bhatengeejere noorwo okufwa.

Obhusweruro 13:8

Abhaanu bhoone ku‑chaaro choone bhariramya rityanyi eryo, nawe abhaanu bhoone bhanu amasiina geebhwe gakaamirwe mu‑chitabho cha obhuwanga, okusookerera echaaro chichaari okubhumbwa bhataririramya. Echitabho echo ni cha Omwana wa Inaama unu ꞉aatemerwe omutwe.

Obhusweruro 14:1

Nejire neeya, nindingira, nindora Omwana wa Inaama eemereeguuyu ku‑chiima chinu echitogwa Sayuuni na aariga ari aamwi na abhaanu bhisira egana na makumi gana na bhana (144,000). Abhaanu abho bhaariga bhakaamirwe ku‑bhisuusu bhyebhwe, risiina rya Omwana wa Inaama na risiina rya Esemwene.

Obhusweruro 14:10

omuunu oyo wone arinywa echifuufu. Eryo niryo risungu rya Nyamuwanga, ni ruru kabhukabhu rwa obhwarwa bhunu bhutasasiibhwe‑mo amanji. Nyamuwanga omwene ariisuka mu‑mutawo gwaye gwa risungu, na okuyaana omuunu oyo korereki anywe. Omuunu oyo arinyaaka, mu‑muriro omururu gwa emisimu ja echibhiriiti gunu ogwaka, imbere ya bhamaraayika abheeru na imbere ya Omwana wa Inaama.

Obhusweruro 14:4

Abhaanu abho nibho abharuubha Omwana wa Inaama woonewoone anu kaaja. Ka wone, ꞉bhateejabhiyasiisye na abhagasi, okubha bhaariga bhari bhimura. ꞉Bhaagurirwe okusooka agatigati ya abhaanu abhandi, nibhasoosibhwa wone okubha echoogo cha ebhigeswa cha okwamba ku‑Nyamuwanga na ku‑Mwana wa Inaama.

Obhusweruro 15:3

Abhaanu abho bhaariga nibheemba orwimbo rwa Muusa, omukosi wa Nyamuwanga. Orwimbo orwoorwo nirwo rwa Omwana wa Inaama. Bheembaga ati, “Raatabhugenyi awe Nyamuwanga owa obhuturo bhwone, ebhikorwa bhyawo ni bhikuru na ebhya okuruguusya. Awe, niwe Omukama wa amaanga goone, na jinjira jaawo ni ja obhurengeresi na ja echimari.

Obhusweruro 17:14

Bharigwatana na rityanyi eryo, okukora riremo na Omwana wa Inaama. Nawe Omwana wa Inaama aribhayiga, kwa okubha omwene niwe Raatabhugenyi wa bharaatabhugenyi na Omukama wa abhakama. Bhanu bhari aamwi nage nibho bhabhirikiiywe na okusorwa na Nyamuwanga, abheene ni bheeyikanyibhwa.”

Obhusweruro 19:7

Eswe wone, chikonderwe, chimusandabhire na okumukusya. Okubha obhuregesi bhwa Omwana wa Inaama bhwakinga, na omwenga emariiriiye.

Obhusweruro 19:9

Maraayika urya ˆnaambwira ati, “Kaama ati, bhari na ribhando bhanu bhakokerwe mu‑bhuregesi bhwa Omwana wa Inaama.” ˆNaambwira wone ati, “Ejo nijo emisango ja echimari ja Nyamuwanga.”

Obhusweruro 21:14

Indugu eyo, yaariga yumbakirwe ku‑mabhuyi ekumi na gabhiri ga orufuka. Bhuri ribhuyi ryariga rikaamirwe‑ko risiina rya owumwi wa jitumwa ekumi na bhabhiri bha Omwana wa Inaama.

Obhusweruro 21:27

Nawe echiinu choonechoone chinu chiri echijabhi chitariingira mu‑musi omwo noorwo na akatyari, noorwo omuunu woonewoone unu kaakora emisango jinu ejifuruurusya amwi ja orubheeyi. Tari bhanu bhariingira mu‑musi omwo ni bharya era bhanu amasiina geebhwe gakaamirwe mu‑chitabho cha obhuwanga cha Omwana wa Inaama.

Obhusweruro 21:9

Neeya owumwi wa bhamaraayika bhataanu na bhabhiri bharya, bhanu bhaariga bhari na amabhakuri gataanu na gabhiri ga jitambara etaanu na ebhiri ja obhuteero, ˆnaaja ˆnaambwira ati, “Iija enu, nikweresye omwenga, unu aribha omugasi wa Omwana wa Inaama.”

Obhusweruro 5:6

Niwo nindora Omwana wa Inaama eemereeguuyu ayeeyi na echitebhe cha ingʼoma. Wone aariga eyindirwe na ebhibhumbwa bhina bhirya na abhakaruka makumi gabhiri na bhana bharya. Omwana wa Inaama oyo, aariga ˆnaabhonekana wuti atemerwe omutwe. Ka wone aariga ari na amayembe gataanu na gabhiri na ameeso gataanu na gabhiri. Ameeso ago ni emyoyo etaanu na ebhiri ja Nyamuwanga jinu jaariga jitumirwe bhuri orubhaara ku‑chaaro choone.

Obhusweruro 5:8

Ejire aaramira echitabho echo, ebhibhumbwa bhirya na abhakaruka bharya nibhagwa bhwifumbike imbere yaaye. Bhuri umwi weebhwe aariga ari na indono na amabhakuri ga inaaryo geejuuywe obhubhaani. Obhubhaani obhwo niryo risabhwa rya abheeru bha Nyamuwanga.

Obhusweruro 6:1

Nejire neeya, nindora Omwana wa Inaama ˆnaasuruumuraga imboyero irya ya okwamba ya obhurimbo ku‑mboyero jirya etaanu na ebhiri. Ka wone, ninuungwa echibhumbwa echimwi ku‑bhina bhirya, nichaamura obhuraka rwa bhwa ribharuka, nichaayikaga ati, “Iija!”

Obhusweruro 6:16

Nibhabhwira ebhiima ebhyo na amabhuyi ago ati, “Muchigwire! Muchibhise, korereki unu eenyanjire ku‑chitebhe cha ingʼoma asige okuchirora. Muchibhise, chiiruke risungu rya Omwana wa Inaama.

Obhusweruro 7:14

Niimusubhya ati, “Mwami waani, awe naawe umenyere.” ˆNaambwira ati, “Abhaanu abho nibho ꞉bhaayigire ebhinyaasyo bhinene bhirya. ꞉Bhaafurire emingiro jeebhwe mu‑sagama ya Omwana wa Inaama, nijeera pee.

Obhusweruro 7:17

Okubha, Omwana wa Inaama unu ari yeeyi na echitebhe cha ingʼoma aribha omureefi weebhwe. Aribhatangasya bhoone okuja ku‑mimiro ja amanji ganu agasoosya obhuwanga akajaanende koone. Nyamuwanga omwene aribheeya amasiga geebhwe goone.”