Yowana 1:19 - Indagano Inyaaya mu-Chijita

¹⁹ Rusuku rumwi, abhatangasya bha Abhayawudi ꞉bhaatumire abhagabhisi na Abharaawi okusooka Yerusareemu, okuja ku‑Yowana. Bhejire bhaakinga nibhamubhuusya ati, “Naawe ga?” Yowana ˆnaasoosya obhubhambaasi,

INDAGANO INYA:YA

¹⁹ Kunu nikwo okwimako kwa Yoana, Abayaudi be:jire bamutumira abagabisi na Barawi, korereki bamubu:sye ati, Na:we:ga?

Yowana 1:19 ပူးပေါင်းရင်းမြစ်များ

Yowana 1:7

Yowana ꞉eejire okusoosya obhubhambaasi inguru ya obhweru obhwo, korereki abhaanu bhoone bhature okubhwikirisya okutura ku‑bhubhambaasi bhwaye.

Yowana 10:24

Abhayawudi abharebhe nibhamwiyinda, nibhamubhuusya ati, “Ni kurwa ki owuchinyaasya kutyo? Araabha awe naawe Kirisito, nuuchibhwire abhwerubhweru.”

Yowana 10:31

Awo niwo Abhayawudi nibhabhooja amabhuyi rindi, korereki bhamubhume nago na okumwita.

Yowana 11:19

Abhayawudi bhaafu okusooka Yuudeya bhaariga bheejire Bheetaniya okusiiriisya Maarita na Maryamu, ku‑songa ya orufu rwa Rajaaro omundurume weebhwe.

Yowana 2:18

Abhatangasya bha Abhayawudi bhejire bhaarora jinu Yeesu aakora, nibhamubhuusya ati, “Owuja okukora echibharikisyo ki okweresya ati uri na obhuturo bhwa okukora emisango ejo?”

Yowana 2:20

Niwo abheene nibhamubhwira ati, “Riyekaru rinu ꞉ryombakirwe omwanya gwa miguuga makumi gana na etaanu na gumwi! Awe owutura kutiki okuryumbaka ku‑mwanya gwa siku esatu era?”

Yowana 5:10

Kurwa ejo, abhatangasya bha Abhayawudi nibhabhwira omuunu unu ꞉aawosiibhwe ati, “Reero ni rusuku rwa Isabhaato. Ebhiraagiro bhyeswe bhitakuchiikirisisya okugega riraro.”

Yowana 5:15

Awoawo, omuunu oyo ˆnaagenda ku‑bhatangasya bha Abhayawudi, ˆnaabhabhwira ati, Yeesu niwe ꞉aamuwosiisye.

Yowana 5:16

Niwo abhatangasya bha Abhayawudi nibhaamba okunyaasya Yeesu, kwa okubha aawosyaga abhaanu ku‑rusuku rwa Isabhaato.

Yowana 5:18

Mbe, okuruubhana na ejo, abhatangasya bha Abhayawudi nibhaamba okuyenjeresya muno injira ya okwita Yeesu. Jitari ku‑songa ya okunyamura orusuku rwa Isabhaato era, tari kwa okubha wone ꞉aayikire ati, Nyamuwanga ni Semwene. Mu‑kwayika kutyo, aariga ˆneeringʼaanya na Nyamuwanga.

Yowana 6:41

Mbe, Abhayawudi bheenda‑wo, nibhaamba okutongʼanira Yeesu, kwa okubha ꞉eeyayikire ati, “Anye naanye ebhiryo bhinu bhiikire okusooka mu‑rwire.”

Yowana 6:52

Mbe, Abhayawudi abho nibhaamba okubhambasyanya muno, nibhabhuusyanyaga ati, “Omuunu unu, kaatura kutiki okuchiyaana omubhiri gwaye, korereki chigurye?”

Yowana 7:1

Ejo jejire jaawa, Yeesu ˆnaamba okwiyinda mu‑mukoowa gwa Gariraaya. ꞉Ateendere okwiyinda mu‑mukoowa gwa Yuudeya, kwa okubha abhatangasya bha Abhayawudi bhaayenjaga okumwita.

Yowana 7:11

Mbe, omwanya gwa ichikukuru, abhatangasya bha Abhayawudi nibhayenja Yeesu. Nibhabhuusyaga abhaanu ati, “Ari aaki omuunu urya?”

Yowana 7:15

Niwo abhatangasya bha Abhayawudi nibharuguura inguru ya ameeyigisyo gaaye, nibhaayika ati, “Omuunu unu kaatura kutiki okumenya emisango joone jinu, keenu ꞉ataasomere?”

Yowana 8:22

Niwo abhatangasya bha Abhayawudi nibhaamba okubhuusyanya ati, “Angu, kaja okwiyita? Okubha kaayika ati, ‘Anu kaagenda, eswe chitakutura okujaa‑wo?’”

Yowana 8:48

Abhayawudi nibhabhuusya Yeesu ati, “Chitakwayika echimari ati, awe uri Musamaariya, ka wone uri na risambwa?”

Yowana 8:52

Mbe, Abhayawudi abho nibhamubhwira Yeesu ati, “Woori echimenya ati, awe uri na risambwa! Bhurayimu ꞉aafuuwe, na abharagi wone ꞉bhaafuuwe. Nawe awe owaayika ati, ‘Omuunu woonewoone unu kaagayuka ameeyigisyo gaani, atarifwa wuri.’

Yowana 8:57

Mbe, Abhayawudi nibhabhwira Yeesu ati, “Awe uchaari kukingya emiguuga makumi gataanu. ꞉Waarorere aaki Bhurayimu?”

Ebikorwa 13:25

Yowana ejire aarebherera okumara emirimu jaaye, ꞉aayikire ati, ‘Mutegeresye, omurora ati naanye ga? Anye nitari Kirisito unu omutendesya! Omwene ariija inyuma yaani, anye niteeyire noorwo okusuruumura jingoye ja ebhiraato bhyaye!’

Ebikorwa 19:4

Niwo Pawuro ˆnaabhabhwira ati, “Yowana aariga ˆnaabhatiija abhaanu bhanu bhaariga nibhata ebhibhiibhi bhyebhwe. Omwene ꞉aabheeyigisiisye ati, ari‑wo omuunu ariija inyuma yaaye, niwe Yeesu. Bhamwikirisye oyo.”

1 Yoana 1:5

Mbe, omusango gunu ꞉choonguuwe ku‑Yeesu Kirisito, nigwo echibharaasisya ati, Nyamuwanga ari rwa obhweru, echisuute choonechoone chitari mu‑nda yaaye sirisiri.