Yowana 1:18 - Indagano Inyaaya mu-Chijita

¹⁸ Atari‑wo omuunu woonewoone unu ararorere Nyamuwanga noorwo na akatyari. Tari Mwana waaye eenyere, unu wone ari Nyamuwanga, ka wone ari yeeyi na Raata Nyamuwanga, oyo niwe asweruuye Nyamuwanga kw‑iswe.

INDAGANO INYA:YA

¹⁸ Atario unu ararorere Nyamuanga anu cikabere:ga. Nyamuanga unu e:buywe enyere, unu ari mu cifuba ca Rata, Oyo niwe amubu:risisye.

Yowana 1:18 ပူးပေါင်းရင်းမြစ်များ

Matayo 11:27

Neeya Yeesu ˆnaabhwira abhaanu ati, “Raata waani anaaye bhyone. Atari‑wo omuunu unu kaamenya kutyo anye Omwana wa Nyamuwanga niri, tari Raata wenyere. Ka wone, atari‑wo omuunu unu kaamenya Raata kutyo ari, tari anye Omwana waaye era, na bhuri muunu unu Omwana waaye keenda okumuswerurira.

Ruuka 10:22

Neeya Yeesu ˆnaabhwira abhaanu ati, “Raata waani anaaye bhyone. Atari‑wo omuunu unu kaamenya kutyo anye Omwana wa Nyamuwanga niri, tari Raata wenyere. Ka wone, atari‑wo omuunu unu kaamenya Raata kutyo ari, tari anye Omwana waaye era, na bhuri muunu unu Omwana waaye keenda okumuswerurira.”

Yowana 1:14

Mbe, Musango oyo ˆnaabha omuunu, ˆneekara agati yeeswe. Eswe bhoone nichirora rikusyo ryaye, rikusyo rya Omwana eenyere wa Raata Nyamuwanga, eejuuywe obhwitiriranya bhwafu na echimari choone.

Yowana 12:41

Iisaya ꞉aayikire emisango ejo inguru ya Yeesu, kwa okubha ꞉aarorere rikusyo ryaye.

Yowana 13:23

Aariga ari‑wo omwiyigisibhwa umwi, unu Yeesu aariga eendere muno. Omwiyigisibhwa oyo, omwanya gwa okurya, aariga eenyanjire ayeeyi muno na Yeesu.

Yowana 14:9

Yeesu ˆnaamusubhya ati, “Firipo, niikaaye aamwi na emwe omwanya omureera gunu, uchaari kummenya? Omuunu woonewoone unu andorere, ararorere Raata. Mbe, kurwa ki owumbwira ati, ‘Cheeresye Raata’?

Yowana 17:26

Anye nibheeyigisiisye kutyo uri, ka wone enija okugenderera okukora kutyo, korereki bheendane rwa kutyo awe unyendere, ka wone nibhe na obhumwi nabho.”

Yowana 17:6

“Raata, naakuswerura kutyo uri ku‑bhaanu bhanu kara awo bhaariga bhari bha ku‑chaaro kunu. Abheene bhaariga bhari bhaawo, awe nuubhanaana. Ka wone bhagayukire omusango gwawo.

Yowana 3:11

Ni chimari enikubhwira ati, eswe echaayika jinu chimenyere, na echisoosya obhubhambaasi ku‑jinu chirorere. Nawe emwe mutakwikirisya obhubhambaasi bhweswe.

Yowana 6:46

Atari‑wo omuunu woonewoone unu ararorere Raata Nyamuwanga, tari anye omwene unu nisookere ku‑mwene.

2 Bakorinto 4:4

Abhaanu abho, bhatakwikirisya Yeesu, kwa okubha Syetaani omukama wa echaaro chinu, ayingiriiye obhwenge bhwebhwe. Eyo niyo isonga abhataamibhwa okurora obhweru bhwa Emisango ja Ekisi inguru ya rikusyo rya Kirisito, omwene niwe keeresya abhwerubhweru kutyo Nyamuwanga ari.

Bakolosai 1:15

Omwana keeresya abhwerubhweru kutyo Nyamuwanga ari, noorwo kutyo Nyamuwanga omwene atakubhonekana. Omwene ari na obhuturo inguru ya ebhibhumbwa bhyone.

1 Timoteo 1:17

Nyamuwanga niwe omukama unu atari na obhuteero, atakufwa na atakubhonekana, atari‑wo owundi rwa omwene. Omwene ayaanwe echibharo na rikusyo akajaanende koone. Jibhe kutyo.

1 Timoteo 6:16

Nyamuwanga era, niwe atakufwa, eenyanjire mu‑bhweru bhunu omuunu woonewoone atakutura okubhufogera‑ko. Ka wone, atari‑wo omuunu unu aramurorere, noorwo unu kaatura okumurora. Echibharo na obhuturo ari nabhyo omwene, akajaanende koone. Jibhe kutyo.

1 Yoana 4:12

Atari‑wo omuunu woonewoone unu arabhuganyiisye ameeso na Nyamuwanga. Nawe araabha chikeendana, Nyamuwanga ari na obhumwi na eswe. Ka wone eryenda ryaye eryo, niryo erikuumira mu‑myoyo jeeswe.

1 Yoana 4:20

Omuunu woonewoone unu kaayika ati keenda Nyamuwanga, keenu ˆnaasoka oweejaabho, ni mubheeyi. Echimenya ati ni mubheeyi, kwa okubha, aakasoka oweejaabho unu kaarora bhuri rusuku, atakutura okwenda Nyamuwanga unu achaariga okubhuganganya ameeso aamwi nage.

1 Yoana 4:9

Nyamuwanga omwene ꞉eeresiisye eryenda ryaye kw‑iswe, kwa okutuma Omwana waaye umwi wenyere era mu‑chaaro, korereki Omwana oyo achiyaane obhuwanga bhwa akajaanende koone.

1 Yoana 5:20

Ka wone, echimenya ati Omwana wa Nyamuwanga eejire mu‑chaaro munu, achiyaanire obhwenge, korereki chisombookerwe Nyamuwanga wa echimari. Chiri na obhumwi na Nyamuwanga wa echimari, kwa okubha chiri na obhumwi na Omwana waaye Yeesu Kirisito. Omwene niwe Nyamuwanga wa echimari, unu ari bhuwanga bhwa akajaanende koone.