Yowana 1:17 - Indagano Inyaaya mu-Chijita

¹⁷ Okubha, Nyamuwanga ꞉aasoosiisye ebhiraagiro bhyaye okutura ku‑Muusa, na woori asoosiisye obhwitiriranya bhwaye na echimari chaaye okutura ku‑Yeesu Kirisito.

INDAGANO INYA:YA

¹⁷ Okuba ebiragiro byare:terwe na Musa, nawe ecigongo no kumasya byare:terwe na Yesu Kristo.

Yowana 1:17 ပူးပေါင်းရင်းမြစ်များ

Yowana 1:14

Mbe, Musango oyo ˆnaabha omuunu, ˆneekara agati yeeswe. Eswe bhoone nichirora rikusyo ryaye, rikusyo rya Omwana eenyere wa Raata Nyamuwanga, eejuuywe obhwitiriranya bhwafu na echimari choone.

Yowana 14:6

Yeesu ˆnaamusubhya ati, “Anye naanye injira, echimari, na obhuwanga. Atari‑wo omuunu woonewoone unu kaatura okuuja ku‑Raata araabha ataturire kw‑anye.

Yowana 18:37

Mbe, Piraato ˆnaamubhuusya ati, “Kutyo mbe, awe uri mukama?” Yeesu ˆnaamusubhya ati, “Naawe waayika ati, anye niri mukama. Anye ꞉neebhuuywe na okuuja ku‑chaaro kunu, korereki niiyigisye abhaanu echimari. Omuunu woonewoone unu kaaruubha echimari, kaategeresya emisango jaani.”

Yowana 5:45

Mwasiga okwitogera ati, anye enija okubhasitaaka ku‑Raata. Unu kaja okubhasitaaka ni Muusa, kwa okubha omwene oyo niwe omwiyikanya.

Yowana 7:19

Yeesu ˆnaagenderera okwayika ati, “Mumenyere ati, Muusa ꞉aabhayaaye ebhiraagiro bhya Nyamuwanga. Nawe atari‑wo omuunu noorwo umwi mw‑imwe unu kaagayuka ebhiraagiro ebhyo. Kurwa ki woori omwenda okunyita?”

Yowana 8:32

Ka wone omuja okumenya echimari, na echimari echo, echija okubhakora mubhe abheetaage.”

Yowana 9:29

Eswe chimenyere ati Nyamuwanga ꞉aayikire na Muusa, nawe chitakumenya ati omuunu oyo asookere aaki.”

Ebikorwa 28:23

Mbe, nibhaayikana na Pawuro orusuku rwa okubhugana rindi. Orusuku orwo rwejire rwakinga, Abhayawudi ꞉bheekumanyiisye bhaafu muno mu‑nju yaaye. Pawuro ˆnaabhamenyesya bhwa kisikisi inguru ya obhukama bhwa Nyamuwanga, okwambira katondo okukingira keegoro. Aariga ˆnaaregeeja okubhakora bheekirisye emisango ja Yeesu, kwa okukorera Ebhikaame Ebhyeru, ebhiraagiro bhya Muusa na ebhitabho bhya abharagi abhandi.

Ebikorwa 7:38

Niwe unu aariga ari aamwi na Abhayisirayeeri ibhara. Niwe unu ꞉aaromere na maraayika wa Nyamuwanga mu‑chiima cha Sinaayi, ˆnaaramira okusooka ku‑mwene emisango ja obhuwanga, korereki achibhwire.

Barumi 6:14

Echibhiibhi chitaribhatunga rindi, kwa okubha mutakutangasibhwa na obhuturo bhwa ebhiraagiro, tari omutangasibhwa na obhwitiriranya bhwa Nyamuwanga.

2 Bakorinto 1:20

Nikwo kutyo jiri, kwa okubha joone jinu Nyamuwanga ꞉aaragire, jaakuumira ku‑Yeesu Kirisito. Nikwo okukora okutura ku‑mwene, echaayika ati, “Jibhe kutyo,” inguru ya okukusya Nyamuwanga.

Bagalatia 3:17

Omusango gunu eneenda okwayika ni gunu, Nyamuwanga ꞉aakorere indagano yaaye na okuyirumatanya emiguuga magana gana na makumi gasatu (430) ebhiraagiro bhya Muusa bhichaari okubha‑wo. Kurwa ejo, ebhiraagiro ebhyo, bhitakutura okunyamura indagano eyo, noorwo okuyindura omurago gwaye.

Baeburania 9:22

Okuruubhana na ebhiraagiro bhya Muusa, orwamba nirwo rwariga nirwesya wuti bhuri chiinu. Araabha orwamba ruteetikire, Nyamuwanga atakufwira echigongo abhaanu ebhibhiibhi bhyebhwe.