Yakobo 5:9 - Indagano Inyaaya mu-Chijita

⁹ Abhayiri bhaani mu‑riikirisya, musige okujujuumirana abheene kwa abheene korereki mutariramurwa. Mwangarire! Omuramusi wa ebhiraagiro ari yeeyi okusubha.

INDAGANO INYA:YA

⁹ Musigega kwitoŋanira emwe abene:ra, ba:na ba:su, korereki musige kutemerwa eci:na. Mbe Omuramusi e:mereguyu ku rwigi.

Yakobo 5:9 ပူးပေါင်းရင်းမြစ်များ

Matayo 24:33

Kutyokutyo, emwe wone mukarora joone ejo nijikorekana, mumenye ati niri yeeyi okuuja.

Mariko 13:29

Kutyokutyo, emwe wone mukarora ejo nijamba okukorekana, mumenye ati, niri yeeyi okuuja.

1 Bakorinto 10:11

Mbe, emisango ejo joone ꞉jaabhabhwene, ꞉jaakaamirwe korereki bhibhe ebhijekekanyo bhya okuchikengya eswe bhanu chiri mu‑siku jinu ja obhuteero.

1 Bakorinto 4:5

Woori, mwasiga okuramura abhaanu omwanya guchaari kukinga, rindirira okukingira orusuku runu Raatabhugenyi Yeesu ariija. Omwene niwe arituura abhweru ebhiinu bhyone bhinu bhibhisirwe mu‑chisuute na okweresya bhinu bhiri mu‑myoyo ja abhaanu. Niwo bhuri muunu aribhona jikuma jinu jimwiyire, okusooka ku‑Nyamuwanga.

2 Bakorinto 9:7

Bhuri muunu asoosye rwa kutyo aramuuye mu‑mwoyo gwaye, aasiga okusoosya kwa obhusurumbaaye noorwo kwa okusinyiirisibhwa, kwa okubha Nyamuwanga keenda omuunu unu kaasoosya akondeeywe.

Bagalatia 5:14

Ebhiraagiro bhyone bhya Muusa ebhikuumisibhwa mu‑chiraagiro chimwi chinu echaayika ati, “Wendega oweejaanyu rwa kutyo owiyenda omwene.”

Bagalatia 5:26

Chisigega okwikumangya kutyo era, nichisoogorana na okujiranira orwiso.

Yakobo 4:11

Bhayiri bhaani, musigega okuromana, kwa okubha unu kaaroma oweejaabho, amwi okuramura oweejaabho, oyo niwe kaabha agayire ebhiraagiro bhya Nyamuwanga. Omwanya gunu owikora okubha omuramusi wa ebhiraagiro keenu awe utari omuramusi waabhyo, niwo owubha utakubhigayuka, waabha omuramusi wa okuramura ebhiraagiro.

Yakobo 4:12

Nyamuwanga omwene, niwe ateeye‑wo ebhiraagiro na niwe omuramusi waabhyo. Niwe kaatura okuchungura amwi okusingaarisya. Nawe, awe niga, okukingira okuramura oweejaanyu?

Yakobo 5:10

Abhayiri bhaani mu‑riikirisya, mwichuke abharagi bhanu bhaayikaga kw‑isiina rya Raatabhugenyi, bhabhe echijekekanyo cha obhwigumiirisya bhwemwe mu‑nyaako.

Yakobo 5:7

Kurwa ejo, abhayiri bhaani mu‑riikirisya, mwigumiirisyega okukingira anu Raatabhugenyi Yeesu arisubha. Murore kutyo omurimi kaarindirira amatwasyo ga omuriiro omunene, keegumiirisya na okurindirira okukingira anu agabhonera jingʼubha ja okwamba na ja obhuteero.

1 Petero 4:5

Nawe, abheene bharikenwa bheebhagire ku‑Nyamuwanga. Omwene atengeejere okuramura abhaanu bhoone abhaanga na abhafuuwe.

1 Petero 4:9

Mubhega abhafura emwe abheene kwa abheene mutajujuuma wuri.

Obhusweruro 3:20

Mutegeresye! Anye niimereeguuyu ku‑muryango enibhirikira. Omuunu akoongwa obhuraka bhwani na okunyiigurira omuryango, eningira mu‑nju yaaye na okurya aamwi nage.