Yakobo 5:8 - Indagano Inyaaya mu-Chijita

⁸ Nyabhuriko emwe wone, mwigumiirisyega na okurumatana mu‑mitima jeemwe, kwa okubha okusubha kwa Raatabhugenyi Yeesu kuri yeeyi.

INDAGANO INYA:YA

⁸ Mbe emwe one mwigumirisyega. Murumyega emitima jemwe, okuba oku:ja kwa Ratabugenyi kuri yei.

Yakobo 5:8 ပူးပေါင်းရင်းမြစ်များ

Ruuka 21:19

Obhurame bhwemwe bhurichungurwa, mu‑kwigumiirisya kwemwe.

Yowana 21:22

Yeesu ˆnaamusubhya ati, “Araabha nikeenda ati arame okukingira omwanya gunu nirisubha, ogwo ogukusaasa ki? Awe nuunduubhe.”

Barumi 8:25

Nawe chikeeyikanya okuyaanwa echiinu chinu chitakutura okuchirora, echirindirira kwa obhwigumiirisya okufwa omwoyo wuri.

Bagalatia 5:22

Nawe araabha chikatangasibhwa na Mwoyo Mweru, chiribha na ritwasyo ryaye. Ritwasyo eryo ni eryenda, rikonderwa, omurembe, okwigumiirisya, obhwa ekisi, obhufura, okwiyikanyibhwa,

Bafilipi 4:5

Obhworooro bhwemwe bhumenyekane ku‑bhaanu bhoone. Raatabhugenyi Yeesu ari yeeyi.

1 Batesalonika 1:10

Wone abhatonda kutyo omurindirira Omwana waaye, asubhe rindi okusooka mu‑rwire. Oyo niwe Nyamuwanga ꞉aasuuruuye okusooka mu‑bhafuuwe. Niwe Yeesu unu kaachichungura okusooka mu‑ndamu ya Nyamuwanga inu eyiija.

1 Batesalonika 2:19

Chaariga cheendere okubhagosorera kwa okubha, Raatabhugenyi Yeesu aribha aasubha, emwe muribha obhwiyikanyo bhweswe, rikonderwa ryeswe na orutengya rwa obhuyigi bhunu chiriikuuyisya.

1 Batesalonika 3:13

Akomeesye emitima jeemwe, korereki mubhe abheeru, bhanyamburwa esoro mu‑meeso ga Nyamuwanga Raata weeswe, omwanya gunu Raatabhugenyi weeswe Yeesu arisubha aamwi na abheeru bhaaye bhoone.

2 Batesalonika 3:5

Raatabhugenyi atangasye emyoyo jeemwe mu‑ryenda rinu erisooka ku‑Nyamuwanga na okwigumiirisya kunu okusooka ku‑Kirisito.

Yakobo 5:3

Inaaryo na jipirya jeemwe, jaajirire obhutaretare. Obhutaretare obhwo nibhwo bhuribha obhubhambaasi kw‑imwe kutyo omukorera emirimu kubhiibhi obhuniibhi bhwemwe. Ka wone obhutaretare obhwo bhurisingaarisya emibhiri jeemwe rwa omuriro kutyo ogusingaarisya. Emwe mwibhiikiiye ebhiinu ku‑siku ja obhuteero.

Yakobo 5:9

Abhayiri bhaani mu‑riikirisya, musige okujujuumirana abheene kwa abheene korereki mutariramurwa. Mwangarire! Omuramusi wa ebhiraagiro ari yeeyi okusubha.

1 Petero 4:7

Obhuteero bhwa emisango joone, bhuri yeeyi. Kurwa ejo, mwiyingirire na okwiyangarira mu‑misango joone, korereki mubhe na obhuturo bhwa okusabhwa.

Obhusweruro 22:20

Omwene unu kaasoosya obhubhambaasi bhwa emisango jinu kaayika ati, “Chimari, eniija bhwangu.” Jibhe kutyo. Iija Raatabhugenyi Yeesu!