Yakobo 3:17 - Indagano Inyaaya mu-Chijita

¹⁷ Nawe obhwengeeso bhunu obhusooka ku‑Nyamuwanga, cha okwamba ni obhweru, ka wone ni murembe na ni bhworooro, ni bhwangu okutegeresya abhaanu abhandi, bhwijuuye echigongo na ebhikorwa bhya ekisi, bhutakusoroora abhaanu noorwo bhutari na obhwirimaanya.

INDAGANO INYA:YA

¹⁷ Nawe obwenge bunu obuso:ka inguru, okwamba bwerere, ka ni bwo murembe, ni bwo bwororo, ni bwangu kungwa, bwijuye ecigongo na matwasyo go bwana, amwi butana soro:re, amwi butana burigerige.

Yakobo 3:17 ပူးပေါင်းရင်းမြစ်များ

Matayo 23:28

Nikwo kutyo emwe wone, anja omubhonekana okubha abhaanu abharengeresi imbere ya Nyamuwanga, nawe echimari ni ati mu‑myoyo jeemwe mwijuuye obhwirimaanya na obhunyamuke.

Matayo 5:8

Bhari na ribhando abha emyoyo emyeru, kwa okubha bharirora Nyamuwanga.

Matayo 5:9

Bhari na ribhando bhanu abhagwatanya abhaanu bhanu bhasokeene, kwa okubha Nyamuwanga aribhatoga ati, ni bhaana bhaaye.

Ruuka 21:15

Anye omwene, niribhayaana obhwengeeso, na emisango jinu muryayika, abhasoko bheemwe bhataritura okuyaajana najo, noorwo okujirema.

Ruuka 6:36

“Mufwirwega echigongo abhaanu abhandi, rwa kutyo Esomwana kaabhafwira echigongo.

Yowana 1:14

Mbe, Musango oyo ˆnaabha omuunu, ˆneekara agati yeeswe. Eswe bhoone nichirora rikusyo ryaye, rikusyo rya Omwana eenyere wa Raata Nyamuwanga, eejuuywe obhwitiriranya bhwafu na echimari choone.

Yowana 1:47

Yeesu ejire aarora Natanayeri ˆnaamuujaga‑ko, ˆnaayika ati, “Ringira, oyo niwe Omuyisirayeeri wa echimari, unu atari‑mo bhurigerige bhwonebhwone.”

Ebikorwa 11:24

Bharinaabha aariga ari muunu wa ekisi, eejuuywe Mwoyo Mweru na eriikirisya enene. Abhaanu bhaafu ꞉bheekirisiisye Raatabhugenyi Yeesu, kurwa ejo obhukumi bhwa abheekirisya bhwariga nibhwiyongesya muno.

Ebikorwa 9:36

Mu‑musi gwa Yoopa aariga ari‑mo omugasi umwi, omwiyigisibhwa wa Raatabhugenyi Yeesu, risiina ryaye aatogwaga Tabhiija, mu‑nyaayika ya Echiyunaani, risiina rinu ni Dorikaasi. Tabhiija aariga ˆnaasakira abhanare, na okukora ebhikorwa ebhindi bhya ekisi.

Barumi 12:18

Mbe, rwa kutyo ejiturikana, emwe ku‑rubhaara rwemwe, mubhe na omurembe na abhaanu bhoone.

Barumi 12:9

Mwende abheejaanyu kwa omutima omweru. Musige chimwi okukora obhujabhi, tari mukorega ja ekisi omwanya gwone.

Barumi 15:14

Abhayiri bhaani, anye omwene enimenya chimari ati muri bhaanu bha ekisi muno, na mumenyere kisi jinu mwenderwe okukora, ka wone muri na obhuturo bhwa okwiyigisyanya.

1 Bakorinto 12:8

Mwoyo kaayaana omuunu owumwi okwayika emisango ja obhwengeeso, owundi Mwoyo oyooyo kaamuyaana okwayika emisango ja obhumenyi.

2 Bakorinto 10:1

Mbe, anye Pawuro omwene, enibheerembeeresya mu‑bhwikeeya na mu‑bhworooro bhwa Kirisito. Nawe abhaanu abhandi abhaayika ati, anye enibhaga mworooro omwanya gunu owubha niri aamwi na emwe na enibhaga omururu omwanya gunu owubha niri kura na emwe.

2 Bakorinto 6:6

Ka wone echiibhuurisya okubha abhakosi bha Nyamuwanga mu‑bhwiyikanyibhwa, mu‑bhumenyi, mu‑bhwigumiirisya na mu‑bhwa ekisi, mu‑kutangasibhwa na Mwoyo Mweru, mu‑ryenda rya echimari,

2 Bakorinto 7:11

Ringira kutyo obhusurumbaaye obhwo Nyamuwanga ꞉aakarariiye, obhubhareterera omuriiro omunene! Bhwareterera obhwira bhunene bhwa okukora jinu jiiyire, bhwabhareterera okwibhagira ku‑jinu omukora. Ka wone bhwabhakora mubhiyirirwe ebhibhiibhi, bhwabhakora muramye Nyamuwanga, okwigomba okundora, na okwikomeesya okurora ati unu ꞉aakayire, aaramira ebhitiibha bhyaye. Ku‑njira ejo joone, mweresya ati mutari na echikayo ku‑misango ejo.

2 Bakorinto 9:10

Nyamuwanga niwe kaayaana omuunu jimbibho ja okuyamba na ebhiryo. Nyabhuriko, aribhayaana jimbibho ja okuyamba na okujoongesya. Nikwo okwayika ati, aribhayaana na okubhoongesya omwoyo gwa obhufura.

Baefeso 5:9

kwa okubha ritwasyo rya obhweru obhwo ni tungwa joone ja ekisi, obhurengeresi na echimari.

Bafilipi 1:11

Obhurame bhwemwe bhuriijura emisango ja rirenga jinu ejibhonekana ku‑njira ya Yeesu Kirisito. Ejo joone jirikumya Nyamuwanga na okumukusya.

Bafilipi 4:8

Ku‑bhuteero, abhayiri bhaani, emisango ja echimari, emisango jinu jiiyire jiyanwe echibharo, emisango ja obhurengeresi, emisango emyeru, emisango jinu ejikondisya, emisango jinu jiri ja ekisi, emisango jinu jiiyire okukuuyibhwa, ejo nijo mwiganirisye.

Bakolosai 1:10

Niwo muritura okurama rwa kutyo Raatabhugenyi Yeesu keenda na okumukondisya ku‑misango joone. Obhurame bhwemwe bhurimukondisya inguru ya emirimu jeemwe ja ekisi, ka wone murigenderera okukura mu‑kumenya Nyamuwanga.

1 Batesalonika 2:7

Chaariga chiri bhoorooro kw‑imwe rwa kutyo omugasi kaarera abhaana bhaaye.

1 Timoteo 5:21

Enikuragirira imbere ya Nyamuwanga, imbere ya Kirisito Yeesu na imbere ya bhamaraayika abhasorwa ati, ukorega ejo, waasiga okwiwuta okusoosya indamu amwi okubha na isoroore ku‑rubhaara rumwi.

2 Timoteo 2:24

Ka wone, omukosi wa Raatabhugenyi ateeyire abhe omuunu wa inyombo. Nawe abhe omwigumiirisya, omworooro ku‑bhaanu bhoone na unu kaamenya okwiyigisya kisi.

Tiito 1:15

Ku‑bhaanu bhanu emitima jeebhwe ni myeru imbere ya Nyamuwanga, ebhiinu bhyone bhyesiibhwe. Nawe, ku‑bhaanu abhajabhi na bhanyateekirisya, ebhiinu bhyone ni bhijabhi, kwa okubha obhwiganirisya bhwebhwe na emitima jeebhwe, bhijabhiyaaye.

Tiito 3:2

Bhatongere bhasige okufuma omuunu woonewoone, bhasigega okuyomba, bhabhe na jitungwa ja ekisi na bhabhe bhoorooro muno ku‑bhaanu bhoone.

Baeburania 12:11

Atari‑wo omuunu unu kaakonderwa omwanya gunu kaayaanwa ebhitiibha, tari kaasurumbara. Nawe, abhaanu bhanu bheeyigiiye okubha na jitungwa ja ekisi ku‑njira ya ebhitiibha, bheekaaye na omurembe na abhakora emisango ja obhurengeresi.

Baeburania 12:14

Mbe, mwikomeesyega okwikara kwa omurembe na abhaanu bhoone. Ka wone mwikomeesyega okubha abheeru mu‑bhurame bhwemwe, kwa okubha atari‑wo omuunu unu kaatura okurora Raatabhugenyi akabha atari mweru.

Yakobo 1:17

Bhuri echiinu cha ekisi chinu echiyaanwa, echisooka mu‑rwire ku‑Nyamuwanga Omubhumbi wa risuubha, okwesi na jinjota. Omwene ni wa ekisi siku joone, atakuyindukayinduka rwa rirengesi rinu erichuukurukachuukuruka.

Yakobo 1:5

Nawe araabha ari‑wo omuunu mw‑imwe unu akeeyeeywe obhwengeeso, kaakenwa asabhwe Nyamuwanga, omwene arimuyaana. Okubha Nyamuwanga kaayaana abhaanu bhoone, ku‑bhwafu, noorwo atakugonya wuri.

Yakobo 2:13

Nyamuwanga ataribha na echigongo ku‑unu atari na echigongo ku‑bhandi. Nawe Nyamuwanga arifwira echigongo abha echigongo orusuku runu ariramura.

Yakobo 2:4

Araabha nikwo kutyo, mutakurora ati, omubha mukorere isoroore agati yeemwe na okubha abharamusi abha obhwiganirisya obhubhiibhi?

Yakobo 3:15

Obhwengeeso bhwa imbaga eyo, bhutakusooka ku‑Nyamuwanga, tari ni bhwengeeso bhunyachaaro, bhunyamuunu na obhusooka ku‑Syetaani.

Yakobo 4:8

Mufogererega Nyamuwanga, niwo omwene wone aribhafogerera. Emwe abha ebhibhiibhi, musige ebhibhiibhi bhyemwe na mukore ja ekisi. Emwe abha emitima ebhiri, muruubhe Nyamuwanga kwa emyoyo jeemwe joone.

1 Petero 1:22

Mbe, kwa okubha omuruubha ameeyigisyo ga echimari inguru ya Yeesu, emyoyo jeemwe jeesiibhwe. Woori mukomeerega okwenda abheejaanyu mu‑mwoyo gwa echimari,

1 Petero 2:1

Mbe, musige obhujabhi bhwone, obhujigi bhwone, obhwirimaanya, orwiso noorwo okuroma oweejaanyu.

1 Petero 2:18

Emwe abhagaya, mugayuke abhaami bheemwe muno, ka wone mubhayaane echibharo, bhabhe bhari bhoorooro amwi bharuru.

1 Yoana 3:18

Abhaana bhaani mu‑riikirisya, chisige okwayika mu‑kanwa era ati echeendana. Tari cheendane kwa eryenda rya echimari kwa okusakirana abheene kwa abheene.

1 Yoana 3:3

Kurwa ejo, omuunu woonewoone unu ari na obhwiyikanyo obhwo, keendwa asigane na ebhibhiibhi, rwa kutyo Kirisito atakukora ebhibhiibhi.