Yakobo 3:13 - Indagano Inyaaya mu-Chijita

¹³ Niga mw‑imwe unu ari na obhwengeeso na okusombookerwa? Mbe, eeresye obhwengeeso bhwaye na okusombookerwa kwaye mu‑kukora ebhikorwa bhya ekisi, mu‑bhworooro bhunu obhusooka mu‑bhwengeeso.

INDAGANO INYA:YA

¹³ ?Niga mwimwe arino bwenge no kusombo:kerwa? Mbe, e:resyega ebikorwa byae mu ntungwa jo bwana, mu bwororo bwo bwenge.

Yakobo 3:13 ပူးပေါင်းရင်းမြစ်များ

Matayo 11:29

Anye niri mworooro, ka wone niri mwikeeya. Kurwa ejo, mwitwike ingurwema yaani, mwiyigire okusooka kw‑anye, niwo niribhayaana omurembe mu‑myoyo jeemwe.

Matayo 21:5

“Bhwira abhaanu bha omusi gwa Sayuuni ati, ‘Ringira, omukama weemwe kaaja kw‑imwe, ni mworooro, kaaja ariinyire ku‑sikiri, ka isikiri eyo ichaari chinyara.’”

Matayo 5:5

Bhari na ribhando abhoorooro, kwa okubha Nyamuwanga aribhayaana echaaro choone.

Matayo 7:24

“Mbe, omuunu woonewoone unu kaategeresya emisango jaani na okujigayuka, kaasusana na omuumbaki wa inju unu ꞉oombakire inju yaaye ku‑rutare.

1 Bakorinto 6:5

Enaayika kutyo korereki murore jiswaro. Angu, agati yeemwe atari‑wo noorwo omuunu umwi owa obhwengeeso, unu kaatura okutema echiina agati ya abheekirisya?

2 Bakorinto 10:1

Mbe, anye Pawuro omwene, enibheerembeeresya mu‑bhwikeeya na mu‑bhworooro bhwa Kirisito. Nawe abhaanu abhandi abhaayika ati, anye enibhaga mworooro omwanya gunu owubha niri aamwi na emwe na enibhaga omururu omwanya gunu owubha niri kura na emwe.

2 Bakorinto 8:24

Kurwa ejo, mweresye abhaanu abho eryenda ryemwe, korereki amakanisa gamenye ati, chiri na isonga ya okwikuuya inguru yeemwe.

Bagalatia 5:23

obhworooro na okwiyingirira. Chitari‑wo echiraagiro chinu echiyingirira omuunu asige okukora emisango ejo.

Bagalatia 6:1

Abhayiri bhaani mu‑riikirisya, araabha mukamenya ati oweejaanyu aakora echibhiibhi, emwe bhanu omutangasibhwa na Mwoyo Mweru, mumusubhye ku‑tungwa ja ekisi. Mukore kutyo mu‑mwoyo gwa obhworooro. Nawe mwiyangarire, mwasiga okusakwa na okubha na jitungwa rwa jaaye.

Bagalatia 6:4

Nawe bhuri muunu aringire jitungwa jaaye omwene. Araabha omuunu kaakora ja ekisi, niwo kaatura okwikuuya inguru ya emisango ja ekisi jinu akorere, noorwo aasiga okwiringʼaanya na emisango jinu omuunu owundi akorere.

Baefeso 4:2

Mwikarega mu‑bhwikeeya bhwone na mu‑bhworooro, mwigumiirisyanyega na okwendana bhuri muunu na oweejaabho.

Bafilipi 1:27

Mbe, omusango gwa bhusibhusi ni ati jitungwa jeemwe jingane na Emisango ja Ekisi ja Kirisito. Aribha naaja okubharora, amwi nikarema okuuja, eneenda okuungwa ati omugenderera okurumatana na okubha na obhumwi, ka wone ati muri aamwi mu‑kurwanirira eriikirisya rinu erisookana na Emisango ja Ekisi.

Bakolosai 3:12

Woori, kwa okubha emwe mwabha abhasorwa, abheeru na abheendwa bha Nyamuwanga, mubhe na omwoyo gwa echigongo, obhwa ekisi, obhwikeeya, obhworooro na obhwigumiirisya.

1 Timoteo 4:12

Omuunu woonewoone asige okukugaya, kwa okubha ati uchaari musigaji, tari wiikomeesye okubha echijekekanyo cha ekisi ku‑bheekirisya mu‑nyaayika, mu‑tungwa, mu‑ryenda, mu‑riikirisya na mu‑bhwima.

1 Timoteo 6:11

Nawe awe, omuunu wa Nyamuwanga, wiiruke ejo. Uruubhega rirenga, okurama rwa kutyo Nyamuwanga keenda, eriikirisya, eryenda, okwigumiirisya na obhworooro.

2 Timoteo 2:25

Eenderwe abhe ˆnaatongeraga kwa obhworooro abhaanu bhanu abhabhambasyanya nage, ˆneeyikanyaga ati Nyamuwanga kaatura okukora bhate na okumenya echimari.

Tiito 3:2

Bhatongere bhasige okufuma omuunu woonewoone, bhasigega okuyomba, bhabhe na jitungwa ja ekisi na bhabhe bhoorooro muno ku‑bhaanu bhoone.

Baeburania 13:5

Mwasiga okubha na jitungwa ja okwenda jipirya, tari mwiywega na ebhiinu bhinu muri nabhyo, okubha Nyamuwanga omwene ꞉aayikire ati, “Nitarikusiga noorwo nitari kurabhirwa wuri.”

Yakobo 1:21

Kurwa ejo, musige ebhibhiibhi na ebhikorwa ebhibhiibhi bhyone. Mwikirisye kwa obhworooro omusango gunu Nyamuwanga ꞉aayambire mu‑myoyo jeemwe, kwa okubha ogwo, nigwo ogutura okubhachungura.

Yakobo 2:18

Woori omuunu owundi akaayika ati, “Awe, wuri na eriikirisya na anye niri na ebhikorwa bhya ekisi.” Niwo nirimubhwira ati, “Nyeeresya eriikirisya ryawo, rinu ritari na ebhikorwa bhya ekisi. Anye wone nikweresye eriikirisya ryani ku‑njira ya ebhikorwa bhyani bhya ekisi.”

Yakobo 3:1

Abhayiri bhaani mu‑riikirisya, mw‑imwe kusige okubha‑wo abheeyigisya bhaafu bha omusango gwa Nyamuwanga, kwa okubha mumenyere ati, eswe abheeyigisya, indamu yeeswe okusooka ku‑Nyamuwanga iribha nduru muno okukira abhaanu abhandi.

Yakobo 3:17

Nawe obhwengeeso bhunu obhusooka ku‑Nyamuwanga, cha okwamba ni obhweru, ka wone ni murembe na ni bhworooro, ni bhwangu okutegeresya abhaanu abhandi, bhwijuuye echigongo na ebhikorwa bhya ekisi, bhutakusoroora abhaanu noorwo bhutari na obhwirimaanya.

1 Petero 1:15

Nyamuwanga unu ꞉aabhabhirikiiye ni mweru. Woori emwe wone omukenwa mubhe abheeru mu‑katungiiywe keemwe,

1 Petero 2:12

Mubhe na jitungwa ja ekisi agatigati ya abhaanu bhanu bhatakwikirisya Nyamuwanga, korereki araabha abhabhakuurisya ati, muri bhajabhi, bhaakarora ebhikorwa bhyemwe bhya ekisi, bhakusye Nyamuwanga ku‑songa yeemwe, orusuku rwa okusubha kwaye.

1 Petero 2:9

Nawe emwe muri rwibhuro orusorwa, muri bhugabhisi bhwa echikama, echise cha abheeru, abhaanu bhanu mwawuuywe na Nyamuwanga, korereki muraasye ebhikorwa bhyaye ebhikuru. Omwene ꞉aabhabhirikiiye okusooka mu‑chisuute, mwingire mu‑bhweru bhwaye bhwa okuruguusya.

1 Petero 3:4

Tari okwinojoorya kwemwe kwambire mu‑myoyo jeemwe, okwinojoorya okwo kutakunyamuka noorwo okukokora. Ogwo nigwo omwoyo gwa obhworooro na okufungʼama, nicho echiinu cha obhurambu obhunene ku‑Nyamuwanga.