Yakobo 2:14 - Indagano Inyaaya mu-Chijita

¹⁴ Abhayiri bhaani mu‑riikirisya, omuunu kaabhona omuriiro ki, akaayika ati, ari na eriikirisya keenu atari na ebhikorwa bhya ekisi? Ni chimari ati eriikirisya ryaye eryo ritakutura okumuchungura.

INDAGANO INYA:YA

¹⁴ Mbe ba:na ba:su, ?omu:nu kabonamo:ki, aka:ika ati, ni:kirisisye, ke:nu atana bikorwa? ?Okwikirisya era okufura okumuonya?

Yakobo 2:14 ပူးပေါင်းရင်းမြစ်များ

Matayo 5:20

Mbe, enibhabhwira ati, araabha obhurengeresi bhwemwe bhutakukira obhurengeresi bhwa Abhafarisaayo na obhwa abheeyigisya bha ebhiraagiro bhya Muusa, mutaringira noorwo na akatyari mu‑bhukama bhwa mu‑rwire.

Ruuka 3:11

Omwene ˆnaabhasubhya ati, “Omuunu akabha ari na emyenda ebhiri, agabhire‑ko omuunu unu atari nagwo. Omuunu akabha ari na ebhiryo, wone agabhire‑ko abha omweko.”

Ruuka 6:49

“Nawe, omuunu woonewoone unu kaategeresya emisango jaani, ˆnaarema okujigayuka, oyo ari rwa omuunu unu ꞉oombakire inju yaaye ku‑musenyi gwenyere, orufuka rutaabha‑wo wuri. Mbe, omusima gwejire gwejura amanji, amanji ago nigabhuma inju eyo, katungu katooto era niisararuka, niifuma, niisingaarika yoone.”

Ebikorwa 15:9

꞉Ataakorere isoroore yooneyoone agati yeeswe na abheene, kwa okubha abheene wone ꞉bheekirisiisye Yeesu na ku‑njira eyoeyo, ꞉eesiisye myoyo jeebhwe.

Ebikorwa 8:13

Noorwo Simooni wone ˆneekirisya Yeesu, ˆnaabhatiijibhwa, ˆnaaruubhana na Firipo bhuri orubhaara. Omwanya gunu ꞉aarorere ebhibharikisyo na ebhiruguusyo bhyafu bhinu Firipo aariga ˆnaakora, ꞉aaruguurire.

Ebikorwa 8:21

Awe utari na choonechoone ku‑mirimu ja Nyamuwanga jinu, kwa okubha omwoyo gwawo guteemire mu‑meeso gaaye.

Barumi 2:25

Okutendwa kwawo kuri na omuriiro, araabha owukora rwa kutyo ebhiraagiro ebhiragirira. Nawe ukabha nuubhinyamura, owubha rwa omuunu unu atatenderwe.

1 Bakorinto 15:2

Araabha omugenderera okuruubha emisango jinu ꞉naabharaasisiisye, awo niwo omubhona obhuchungusi. Nawe araabha mutakujiruubha, eriikirisya ryemwe eribha ritari na omuriiro.

1 Bakorinto 16:22

Omuunu woonewoone unu atakwenda Raatabhugenyi Yeesu, eeyiimwe. Raatabhugenyi weeswe iija!

Bagalatia 5:13

Abhayiri bhaani, Nyamuwanga abhabhirikiiye, korereki mubhe abhaanu bhanu muri na obhwitaage. Nawe mwasiga okukorera obhwitaage bhwemwe wuti omwanya gwa okuruubha okurigira kwa omubhiri, tari musakirane mu‑ryenda.

Bagalatia 5:6

Mbe araabha chiri na obhumwi na Kirisito Yeesu, okutendwa amwi okurema okutendwa kutari na obhugajuro bhwonebhwone. Echiinu cha bhusibhusi ni riikirisya ryeswe rinu erikora emirimu mu‑ryenda.

1 Batesalonika 1:3

Bhunu echibhasabhirwa ku‑Nyamuwanga Raata weeswe, echiichuka imbere yaaye, emirimu jeemwe jinu omukora mu‑riikirisya. Echiichuka okukomeera kwemwe kunu okuruubhana na eryenda ryemwe, ka wone, okwigumiirisya kwemwe kunu okuruubhana na obhwiyikanyo bhwemwe bhwa okusubha rindi Raatabhugenyi Yeesu Kirisito.

1 Timoteo 1:5

Obhukarariiye bhwa amaragiriro ago ni ati abheekirisya bheendane kwa omwoyo gwa ekisi, mu‑mutima mweru na mu‑riikirisya rya echimari.

1 Timoteo 4:8

Jimenyekeene ati, “Okunasya omubhiri okubhona amanaga, kuri‑mo omuriiro mutooto era. Tari, okwikomeesya okwikara rwa kutyo Nyamuwanga keenda, kuri‑mo omuriiro gwa bhuri mbaga, kwa okubha rinu erichiyaana omurago gwa okubhona obhuwanga bhwa woori na bhunu bhuriija.”

Tiito 1:16

Abheene abhaayika ati bhamenyere Nyamuwanga, nawe ebhikorwa bhyebhwe ebhyeresya ati abhamwigaana. Abho ni bhaanu bhanu abhafuruurusya muno, ni bhanyatagayuka, bhateeyire ku‑bhikorwa bhyonebhyone bhya ekisi.

Tiito 3:8

Inyaayika eyo ni ya echimari. Woori enikusabhwa awe ukomeeresye muno inguru ya emisango ejo ku‑bhaanu, korereki abhaanu bhanu abheekirisya Nyamuwanga, bhakabhuke na okukomeera okukora ebhikorwa bhya ekisi. Emisango ejo nijo ja ekisi, ka wone ejireeta omuriiro ku‑bhaanu bhoone.

Baeburania 11:17

Eriikirisya niryo ꞉ryakorere Bhurayimu ˆneekirisya okusoosya Isaaka omwana waaye abhe echoogo ku‑Nyamuwanga. ꞉Eekirisiisye okukora kutyo omwanya gunu Nyamuwanga ꞉aamuregeejere. Bhurayimu niwe ꞉aaramiiye emirago okusooka ku‑Nyamuwanga, nawe ꞉eekirisiisye okusoosya omwana waaye eenyere abhe echoogo,

Baeburania 13:9

Musigega okugegwagegwa na ameeyigisyo maafumaafu amagenyi, kwa okubha obhwitiriranya bhwa Nyamuwanga nibhwo obhurumatanya emyoyo jeemwe, noorwo bhitari ebhiraagiro inguru ya ebhiryo. Ebhiraagiro ebhyo bhitakusakira gwonegwone ku‑bhaanu bhanu abhabhiruubha.

Yakobo 1:16

Abhayiri bhaani abheendwa, mwasiga okujigwa.

Yakobo 2:16

na owumwi weemwe ˆnaamubhwira ati, “Genda na omurembe, ubhire omuriro na okwiguta,” keenu atamuyaaye emyenda amwi ebhiryo, emisango ejo jiri na omuriiro ki?

Yakobo 2:18

Woori omuunu owundi akaayika ati, “Awe, wuri na eriikirisya na anye niri na ebhikorwa bhya ekisi.” Niwo nirimubhwira ati, “Nyeeresya eriikirisya ryawo, rinu ritari na ebhikorwa bhya ekisi. Anye wone nikweresye eriikirisya ryani ku‑njira ya ebhikorwa bhyani bhya ekisi.”

Yakobo 2:26

Nyabhuriko, araabha omuunu ari na eriikirisya, nawe atari na ebhikorwa bhya ekisi, eriikirisya ryaye eryo rifuuwe. Omuunu oyo, kaasusana rwa omubhiri gunu gukabha gutari‑mo omwoyo, gutari na obhuwanga.

2 Petero 1:5

Ku‑songa ya ejo, mwikomeesye muno korereki eriikirisya ryemwe ryongesibhwe bhwa ekisi, bhwa ekisi obhwo bhwongesibhwe obhumenyi.