Yakobo 1:26 - Indagano Inyaaya mu-Chijita

²⁶ Araabha omuunu keerora ati kaaramya Nyamuwanga, nawe atakuyingirira orurimi rwaye okwayika emibhiibhi, keejiga omwene, okuramya Nyamuwanga kwaye kutari‑mo omuriiro.

INDAGANO INYA:YA

²⁶ Omu:nu wo:ne ake:ganirisya ati, ndi wa dini, nawe akarema okuingirira orurimi rwae, nawe ne:bebeya omutima gwae omwene, mbe idini yo mu:nu oyo ni ya kutyo era.

Yakobo 1:26 ပူးပေါင်းရင်းမြစ်များ

Matayo 15:9

Abhandamya kutyo era, kwa okubha emisango jinu abheeyigisya ni maragiriro ga abhaanu era.’”

Mariko 7:7

Abhandamya kutyo era, kwa okubha emisango jinu abheeyigisya ni maragiriro ga abhaanu era.’”

Ruuka 8:18

“Kurwa ejo, jinu omuungwa, mujiganirisyega kisi! Omuunu unu kaagwata jinu koongwa, Nyamuwanga kaja okumuswerurira noorwo na ejindi. Nawe omuunu unu atakuungwa emisango ejo, mbe oyo kaja okuteesibhwa noorwo obhusombookerwa bhunu keetogera ati ari nabhwo.”

1 Bakorinto 15:15

Ka wone chikabhonekeene wuti abhabhambaasi bha orubheeyi inguru ya emisango ja Nyamuwanga, kwa okubha echisoosya obhubhambaasi ati Nyamuwanga ꞉aasuuruuye Kirisito okusooka mu‑bhafuuwe. Nawe araabha abhafuuwe bhatakusuururwa, mbe Nyamuwanga ꞉ataasuuruuye Kirisito.

1 Bakorinto 15:2

Araabha omugenderera okuruubha emisango jinu ꞉naabharaasisiisye, awo niwo omubhona obhuchungusi. Nawe araabha mutakujiruubha, eriikirisya ryemwe eribha ritari na omuriiro.

1 Bakorinto 3:18

Omuunu woonewoone agati yeemwe aasiga okwijiga ati ari na obhwengeeso. Araabha omuunu aakeerora ati ari na obhwengeeso ku‑chaaro chinu, abhe ˆneekora ati ni mumuumu korereki abhone obhwengeeso bhwa echimari.

Bagalatia 2:6

Nawe abhatangasya bharya bha rikanisa bhanu abhayaanwa echibharo muno na abhaanu, bhaariga bhatari na omusango gwonegwone omuyaaya gwa okumbwira. Ni chimari ꞉bhaayaaywe echibharo muno, nawe kw‑anye eryo chitari echiinu, kwa okubha Nyamuwanga atakuringira echibharo cha omuunu.

Bagalatia 2:9

Mbe Yakobho, Peetero na Yowana, nibho bhaariga bhari abhatangasya abhakuru, nibhasombookerwa ati Nyamuwanga niwe ꞉aanaaye emirimu jinu ku‑bhwitiriranya bhwaye. Kurwa ejo, nibhachiyaana amabhoko, anye na Bharinaabha rwa echibharikisyo cha obhusangi. ꞉Cheekirisyanyiisye nabho ati eswe chigende okukora emirimu ku‑bhanu bhatari Bhayawudi, na abheene bhakore emirimu ku‑Bhayawudi.

Bagalatia 3:4

Angu, jinyaako joone jinu ꞉jaabhabhwene, omwitogera ati jaariga jiri ja okufwirwa‑mo? Jaariga jitari ja okufwirwa‑mo!

Bagalatia 6:3

Mbe, omuunu woonewoone unu keerora ati ni wa obhugajuro okukira abheejaabho, oyo atari wa obhugajuro, keejiga omwene era.

Baefeso 4:29

Omusango gwonegwone omujabhi gusige okusooka mu‑kanwa keemwe, tari gwa ekisi gunu gwiyire okukomeesya bhanu bhari na obhukene, korereki bhanu abhaguungwa bhayaanwe obhwitiriranya.

Baefeso 5:4

Musige wone okwayika emisango ja jiswaro, amwi okusimura emisango ja obhutaamutaamu, amwi emisango ja obhuseegu, ejo joone jitabheeyire. Nawe musiimega Nyamuwanga ku‑jinu abhakoreeye.

Bakolosai 4:6

Emisango jinu omwayika jibhe ja ekisi. Ka wone, jibhe ja okukongya, korereki mumenye okusubhya bhuri muunu kisi.

Yakobo 1:19

Abhayiri bhaani abheendwa, muntegeresye kisi. Bhuri muunu abhe omwangu wa okuungwa, nawe asige okubha omwangu wa okwayika noorwo okubhiyirwa,

Yakobo 1:22

Musigega okwijiga abheene. Musige okubha abhaanu bhanu omutegeresya era omusango gwa Nyamuwanga, tari mukorega kutyo ogwayika.

Yakobo 2:20

Awe uri mumuumu! Uchaakena okumenya ati, eriikirisya rinu ritari na ebhikorwa bhya ekisi, ritari na omuriiro?

1 Petero 3:10

Rwa kutyo jikaamirwe mu‑Bhikaame Ebhyeru ati, “Omuunu akeenda okubha na obhuwanga na rikonderwa, asige okuroma abheejaabho noorwo okubhabheeyeresya.