Yakobo 1:25 - Indagano Inyaaya mu-Chijita

²⁵ Nawe omuunu unu kaarora etegeresiisye echiraagiro chinu chikuumiiye na okureeta obhwitaage, ˆnaagenderera okukora ejo okurabhirwa wuri jinu ꞉oonguuwe na okujiruubhirira, oyo niwe aribhona amabhando mu‑kukora kutyo.

INDAGANO INYA:YA

²⁵ Nawe unu karora mu biragiro ebiku:miye ebye ci:bure, nagumamo, atari unu kongwa no kurabirwa, nawe ni mukosi unu kakora. Oyo arayabwaga ribando mu kukora kwae.

Yakobo 1:25 ပူးပေါင်းရင်းမြစ်များ

Ruuka 11:28

Nawe Yeesu ˆnaayika ati, “Ni chimari! Tari, bhari na ribhando muno abhaanu bhanu abhoongwa omusango gwa Nyamuwanga na okugugayuka!”

Yowana 13:17

Araabha mwasombookerwa ejo, mbe Nyamuwanga kaja okubhayaana amabhando mukajikora rwa kutyo naabhabhwira.

Yowana 8:36

Kurwa ejo, araabha anye Omwana wa Nyamuwanga nibhasoosiisye mu‑bhibhiibhi bhyemwe, mutaribha abhagaya rindi, tari muribha abhaanu abheetaage kata.

Ebikorwa 13:43

Omwanya gunu abhaanu abho ꞉bhaanyarambukire, Abhayawudi bhaafu, aamwi na abhaanu abhandi bhanu ꞉bhaagwateene na Abhayawudi bhanu bhaaramyaga Nyamuwanga, nibharuubha Pawuro na Bharinaabha. Abheene wone nibhasimura na abhaanu abho nibhabhakomeeresyaga ati, bhagenderere okwiyikanya obhwitiriranya bhwa Nyamuwanga.

Ebikorwa 2:42

Abheekirisya bhoone nibheekomeesya okwiyigira ameeyigisyo ga jitumwa ja Yeesu, okusangira aamwi, okurya ebhiryo aamwi na okusabhwa Nyamuwanga aamwi.

Ebikorwa 26:22

Nawe, Nyamuwanga ꞉aansakiiye okukingira orusuku rwa reero. Akorere niniimereeguru anu imbere ya abhaanu bhoone, abhakuru na abharera, korereki okusoosya obhubhambaasi. Emisango jinu enaayika, nijo jirya era Muusa na abharagi abhandi ꞉bhaayikire ati jirikorekana.

Barumi 11:22

Murore kutyo Nyamuwanga kaakorera ja ekisi abhaanu abhandi, na kutyo kaayaana ebhitiibha ebhiruru abhaanu abhandi. Kaayaana ebhitiibha bhanu ꞉bhaaremere okwikirisya, na kaakukorera ja ekisi, araabha owugenderera okwikirisya. Nawe ukarema okumwikirisya, awe wone uritemwa.

Barumi 2:13

Bhariramurwa, kwa okubha Nyamuwanga atakubhara omuunu okubha omurengeresi kwa okuungwa ebhiraagiro ebhyo era, tari unu kaakora jinu ebhiraagiro ebhimuragirira akore.

Barumi 7:12

Noorwo kutyo, jibhe abhweru ati, ebhiraagiro ni bhyeru, na amaragiriro wone ni meeru, ni ga obhurengeresi, ka wone ni ga ekisi era.

Barumi 8:15

Nyamuwanga ꞉ataabhayaaye Mwoyo Mweru, korereki mubhe rindi abhagaya bhanu abhamuubhaya, tari ꞉aabhayaaye Mwoyo Mweru, korereki mubhe abhaana bhaaye. Mwoyo oyo, niwe kaachiyaana obhuturo bhwa okubhirikira Nyamuwanga ati, “Abha,” obhugajuro bhwaryo “Raata!”

Barumi 8:2

Ku‑njira ya okubha na obhumwi na Kirisito Yeesu, amanaga ga Mwoyo Mweru unu kaareeta obhuwanga bhwa akajaanende koone, gankorere nibhe na obhwitaage, korereki nisige okutungwa na amanaga ga ebhibhiibhi na orufu.

1 Bakorinto 15:58

Kutyo, abhayiri bhaani abheendwa mu‑riikirisya, murumatane mu‑riikirisya eryo, okufwa omwoyo wuri. Mugenderere okukora emirimu ja Raatabhugenyi nimukomeeraga bhuri rusuku, kwa okubha mumenyere ati emirimu jinu omukora inguru ya Raatabhugenyi, jitari ja okufwirwa‑mo wuri.

2 Bakorinto 13:5

Woori mwirenge emwe abheene, korereki mumenye araabha muri na eriikirisya. Mwitatirisye emwe abheene, angu, mutakumenya ati Yeesu Kirisito ari mu‑myoyo jeemwe? Araabha jitari kutyo, awo niwo omumenya ati, obhutatirisi bhwemwe, bhwataamibhwa okukingira indengo ya eriikirisya.

Bagalatia 2:4

Omusango gwa okutenda ogwo ꞉gwabhusiibhwe na abhaanu bhanu bhaariga nibheekora wuti ni bhayiri bheeswe. Abhaanu abho, ꞉bheeyingisiisye mu‑bhumbise okutatirisya obhwitaage bhweswe bhunu ꞉chaayaaywe na Kirisito Yeesu. Obhukarariiye bhwebhwe bhwariga bhuri kuchikora chibhe abhagaya bha ebhiraagiro bhya Muusa.

Bagalatia 5:1

Kirisito achiyaaye obhwitaage, korereki chiikare mu‑bhwitaage obhwo. Kurwa ejo, mwimereeguru murumateene, mwasiga okwikirisya okusubha rindi mu‑bhugaya bhwa ebhiraagiro.

Bagalatia 6:2

Musakiranega na okugegerana emigugu jeemwe emisito, niwo murikuumisya echiraagiro cha Kirisito.

Bakolosai 1:23

Nawe mwenderwe okugenderera okwikirisya Emisango ja Ekisi murumateene na okubha na amanaga. Mwasiga okwikirisya abhandi bhabhakongye okusiga obhwiyikanyo bhunu ꞉mwabhwene omwanya gunu ꞉mwoonguuwe Emisango ja Ekisi. Emisango ja Ekisi ejo, jiraasiibhwe ku‑bhaanu bhoone ku‑chaaro anu, anye Pawuro nibheeye omukosi waajo.

1 Timoteo 2:15

Nawe omugasi arichungurwa ku‑njira ya orwibhuro rwaye, akagenderera okwikomeesya mu‑riikirisya, mu‑ryenda, mu‑bhweru na okwiyingirira.

1 Timoteo 4:16

Iyangarira awe omwene, inguru ya jitungwa jaawo na ameeyigisyo gaawo na ugenderere okukora kutyo. Ukakora ejo urichunguka awe omwene aamwi na abhaanu bhanu abhakutegeresya.

Baeburania 12:15

Mwiyangarirega, korereki omuunu woonewoone aasiga okugerukirwa obhwitiriranya bhwa Nyamuwanga. Ka wone, aasiga okwibhuka omuunu agati yeemwe unu ari rwa riiti riruru. Omuunu rwa oyo kaja okubhanyaasya, na okujabhiyasya abhaanu bhaafu.

Yakobo 2:12

Kutyo mwayikega na okukora nimuruubhaga echiraagiro chinu echibhareetera obhwitaage. Mwichukega ati, Nyamuwanga aribharamurira echiraagiro echo.

1 Petero 2:16

Mwikare rwa abhaanu bhanu bhari na obhwitaage, nawe mu‑bhwitaage obhwo, mwasiga okukora ebhibhiibhi. Mwikare rwa kutyo Nyamuwanga kaakena abhakosi bhaaye bheekare.

1 Yoana 2:24

Kurwa ejo, mu‑myoyo jeemwe, mugenderere okuruubha emeeyigisyo garya ꞉mweeyigisiibhwe okusookerera omwanya gunu ꞉mwaambire okwikirisya Yeesu Kirisito. Okubha, araabha mukagenderera okuruubha ameeyigisyo ago, niwo omugenderera okubha na obhumwi na Omwana, aamwi na Raata Nyamuwanga.

Obhusweruro 14:13

Ninuungwa obhuraka okusooka mu‑rwire, nibhumbwira ati, “Kaama ati, okwambira woori, bhari na amabhando abhaanu bhoone bhanu abhafwa bheekirisiisye Raatabhugenyi Yeesu.” Neeya Mwoyo wa Nyamuwanga ˆnaayika ati, “Cha, bharibhona amabhando maafu. Bhariisya omwoyo okusooka ku‑mirimu jeebhwe emisito, okubha bhariyaanwa ebhiyaanwa inguru ya ebhikorwa bhyebhwe bhya ekisi.”

Obhusweruro 22:14

Bharibhona amabhando, abhaanu bhanu abhafura emingiro jeebhwe mu‑sagama ya Omwana wa Inaama, korereki bheekirisibhwe okwingira mu‑musi omuyaaya ogwo okutura ku‑marango gaagwo na okurya amatwasyo ga riiti rinu erisoosya obhuwanga bhwa akajaanende koone.