Yakobo 1:21 - Indagano Inyaaya mu-Chijita

²¹ Kurwa ejo, musige ebhibhiibhi na ebhikorwa ebhibhiibhi bhyone. Mwikirisye kwa obhworooro omusango gunu Nyamuwanga ꞉aayambire mu‑myoyo jeemwe, kwa okubha ogwo, nigwo ogutura okubhachungura.

INDAGANO INYA:YA

²¹ Mbe mutega kura obujabi, no burangirangi bunu busagiriye, muramirega no bwororo omusango gwabibirwe, gunu ogutura okuonya emyoyo jemwe.

Yakobo 1:21 ပူးပေါင်းရင်းမြစ်များ

Matayo 5:5

Bhari na ribhando abhoorooro, kwa okubha Nyamuwanga aribhayaana echaaro choone.

Yowana 6:63

Mwoyo wa Nyamuwanga niwe kaayaana abhaanu obhuwanga. Omuunu atakutura okukora omusango gwonegwone ku‑managa gaaye omwene. Emisango jinu naabhabhwira ni ja Mwoyo wa Nyamuwanga, na ejireeta obhuwanga bhwa akajaanende koone.

Yowana 6:68

Simooni Peetero ˆnaamusubhya ati, “Raatabhugenyi, chigende ku‑ga? Awe wenyere naawe uri na emisango jinu ejichiyaana obhuwanga bhwa akajaanende koone.

Ebikorwa 10:33

Niyo isonga, awoawo ꞉naatumire abhaanu bhaaje bhakubhirikire na waakora ja ekisi okuuja. Woori eswe bhoone chiri anu imbere ya Nyamuwanga, korereki chuungwe bhuri omusango gunu Raatabhugenyi akuragiriiye okuchibhwira.”

Ebikorwa 13:26

“Abhayiri bhaasu, emwe abhaanu bha orwibhuro rwa Bhurayimu, na emwe abhaanu bhanu mutari Bhayawudi bhanu omuramya Nyamuwanga, emisango ja obhuchungusi bhunu jaaretwa kw‑iswe!

Barumi 1:16

Anye nitakwiswara okuraasya Emisango ja Ekisi ejo, kwa okubha nijo obhuturo bhwa Nyamuwanga bhwa okuchungura abhaanu bhoone bhanu abheekirisya Yeesu, okwambira Abhayawudi okukingira abhaanu bhanu bhatari Bhayawudi.

Barumi 11:17

Woori, amatabhi amarebhe ga omujeyituuni ꞉gaatemerwe, na amatabhi agandi ga omujeyituuni gwa ibhara nigongwa‑ko, nigabha agati ya amatabhi ga obhusimukwa ga omujeyituuni gunu. Amatabhi goone agabhona ebhiryo okusooka ku‑misi jiryajirya ja omujeyituuni. Woori emwe, neemwe amatabhi ga omujeyituuni gwa ibhara.

Barumi 6:17

Kara, emwe mwariga muri bhagaya bha echibhiibhi. Nawe enisiima Nyamuwanga, kwa okubha woori mweekirisya na emyoyo jeemwe joone okugayuka ameeyigisyo ga echimari ganu ꞉mwaramiiye.

1 Bakorinto 15:2

Araabha omugenderera okuruubha emisango jinu ꞉naabharaasisiisye, awo niwo omubhona obhuchungusi. Nawe araabha mutakujiruubha, eriikirisya ryemwe eribha ritari na omuriiro.

2 Bakorinto 7:1

Woori, abheendwa bhaani, Nyamuwanga ꞉aaragire okuchiyaana ejo joone. Kurwa ejo, chiiyesye kwa okusigana na obhujabhi bhwone, bhwa echinyamubhiri na obhwa echinyamwoyo. Chibhe abheeru ku‑misango joone, ku‑njira ya okuramya Nyamuwanga.

Baefeso 1:13

Emwe wone, bhanu mutari Bhayawudi ꞉mwoonguuwe omusango gwa echimari, nijo Emisango ja Ekisi ja obhuchungusi bhwemwe. Ka wone, mwejire mweekirisya Kirisito, Nyamuwanga ꞉aabhateeye‑ko orunabho kwa okubhayaana Mwoyo Mweru unu aariga abharagire. Kwa okukora kutyo, ꞉eeresiisye ati, muri abhaana bhaaye.

Baefeso 4:22

꞉Mweeyigisiibhwe okufuura jitungwa jeemwe jimbiibhi ja obhusimukwa, bhumuunu bhwemwe bhwa kara, bhunu obhunyamurwa na obhurigire bhwabho bhwa okujiga.

Baefeso 4:25

Mbe, musige chimwi okubhwirana orubheeyi, mubhwiranega echimari bhuri muunu na oweejaabho, okubha bhuri owumwi weeswe ni chiwuga ku‑weejaabho.

Baefeso 5:4

Musige wone okwayika emisango ja jiswaro, amwi okusimura emisango ja obhutaamutaamu, amwi emisango ja obhuseegu, ejo joone jitabheeyire. Nawe musiimega Nyamuwanga ku‑jinu abhakoreeye.

1 Batesalonika 1:5

Echimenya kutyo, kwa okubha omwanya gunu ꞉chaabharaasisiisye Emisango ja Ekisi inguru ya Yeesu, ꞉chitaabharaasisiisye emisango era. Tari okuraasya kweswe, ꞉kwaruubheene na ebhiruguusyo bhinu bhyakorwaga na Mwoyo Mweru. ꞉Chaaraasiisye chimenyere kisi ati, emisango ejo ni ja echimari. Emwe abheene mumenyere kutyo chaariga chiri aamwi na emwe, korereki chibhasakire.

1 Batesalonika 2:13

Kurwa ejo, eswe chitakuyigwa okusiima Nyamuwanga, kwa okubha mwejire mwoongwa emisango jaaye okusooka kw‑iswe, ꞉mutaajiikirisiisye wuti ni misango ja abhaanu. Nawe, ꞉mwajiikirisiisye mumenyere ati ejisooka ku‑Nyamuwanga. Chimari, nikwo kutyo jiri. Emisango ejo, nijo ejikora emirimu mu‑myoyo jeemwe, emwe abheekirisya.

Tiito 2:11

Okubha obhwitiriranya bhwa Nyamuwanga bhunu obhureeta obhuchungusi ku‑bhaanu bhoone bhwasweruuywe.

Baeburania 12:1

Mbe, kwa okubha chiri na echise echinene echo cha abhabhambaasi bhanu bhachisingiiye, chisoosye‑wo joone jinu ejichiyingirira na okusiga ebhibhiibhi bhinu bhichumiriiye‑ko. Ka wone chiikomeesye okukora jinu Nyamuwanga ateeye imbere yeeswe, rwa omuunu unu kaabhirima muno mu‑bhwigumiirisya.

Baeburania 2:3

Araabha ꞉jaakorekeene kutyo ku‑bheene, angu, eswe chiritura kutiki okuwona okuyaanwa ebhitiibha, chikabha chitakwigana obhuchungusi obhunene rwa bhunu chibhwene? Raatabhugenyi Yeesu niwe ꞉aambire okuraasya obhuchungusi obhwo, na abhaanu bhanu bhaariga nibhamutegeresya wone nibhachibhwira ati, omusango gwa obhuchungusi ogwo ni gwa echimari.

Baeburania 4:2

Eswe chiraasisiibhwe emisango ja ekisi ejo ja orubhaara rwa okwisya omwoyo rwa kutyo bhasaaja weeswe wone ꞉bhaaraasisiibhwe. Nawe emisango ejo ꞉jitaabhasakiiye gwonegwone, kwa okubha ꞉bhaajuunguuwe tari ꞉bhataajiikirisiisye.

Yakobo 4:8

Mufogererega Nyamuwanga, niwo omwene wone aribhafogerera. Emwe abha ebhibhiibhi, musige ebhibhiibhi bhyemwe na mukore ja ekisi. Emwe abha emitima ebhiri, muruubhe Nyamuwanga kwa emyoyo jeemwe joone.

Yakobo 5:20

mumenye ati, unu kaasubhya owa ebhibhiibhi okusooka mu‑bhibhiibhi bhyaye, kaabha awoniisye omwoyo gwa omuunu oyo okusooka mu‑rufu na okufwirwa echigongo ebhibhiibhi bhyaye ebhyafu.

1 Petero 1:22

Mbe, kwa okubha omuruubha ameeyigisyo ga echimari inguru ya Yeesu, emyoyo jeemwe jeesiibhwe. Woori mukomeerega okwenda abheejaanyu mu‑mwoyo gwa echimari,

1 Petero 1:9

kwa okubha omuramira obhuchungusi bhwemwe. Obhuchungusi obhwo, nibhwo obhwira bhwa eriikirisya ryemwe.

1 Petero 2:1

Mbe, musige obhujabhi bhwone, obhujigi bhwone, obhwirimaanya, orwiso noorwo okuroma oweejaanyu.

1 Petero 2:11

Abheendwa, emwe muri rwa abhagenyi na abhayitingʼani ku‑chaaro kunu. Kurwa ejo, enibheerembeeresya ati, mwikenge obhurigire bhwa emibhiri jeemwe bhunu obhuyaajana na emitima jeemwe.