Yakobo 1:18 - Indagano Inyaaya mu-Chijita

¹⁸ Rwa kutyo omwene ꞉eendere, ꞉aachikorere chibhe abhaana bhaaye, ku‑njira ya omusango gwaye gwa echimari. ꞉Aakorere kutyo, korereki chibhe rwa abhaana bha obhubhere ku‑bhiinu bhyone bhinu ꞉aabhumbire.

INDAGANO INYA:YA

¹⁸ Niwe aci:buye no musango gwae rwa kutyo akarariye, korereki cibe rwo mutongoro gwa binu ayangire.

Yakobo 1:18 ပူးပေါင်းရင်းမြစ်များ

Yowana 1:13

Abho nibho abhaana bha Nyamuwanga, bhanu ꞉bheebhuuywe kutari ku‑sagama, amwi mu‑kwenda kwa omubhiri, amwi mu‑kwenda kwa omuunu, tari Nyamuwanga omwene ꞉aabhakorere okubha abhaana bhaaye.

Barumi 4:17

Ni rwa kutyo Nyamuwanga ꞉aabhwiriiye Bhurayimu mu‑Bhikaame Ebhyeru ati, “Nikuteeye‑wo ubhe raata wa amaanga amaafu.” Bhurayimu ꞉oonguuwe emisango ejo ari imbere ya Nyamuwanga, ˆneekirisya Nyamuwanga unu kaayaana abhafuuwe obhuwanga, na unu kaaragirira ebhiinu bhinu bhichaariga okubha‑wo bhibhe‑wo.

1 Bakorinto 4:15

kwa okubha noorwo kutyo muri na abheeyigisya bhaafu muno bhanu abhabhaangarira mu‑Kirisito, esomwana ni umwi. Anye naariga niri esomwana mu‑Kirisito Yeesu, kwa okubharaasisya Emisango ja Ekisi.

2 Bakorinto 6:7

na mu‑kuraasya omusango gwa echimari. Echikora ejo joone, ku‑bhuturo bhwa Nyamuwanga. Obhurengeresi nibhyo ebhigwato bhyeswe, orubhaara rwa ebhuryo na orwa ebhumoosi.

Baefeso 1:12

Nyamuwanga aariga akarariiye ati, eswe bhanu ꞉chaatangatire okwiyikanya Kirisito, chirikuuya Nyamuwanga inguru ya rikusyo ryaye.

Baefeso 1:13

Emwe wone, bhanu mutari Bhayawudi ꞉mwoonguuwe omusango gwa echimari, nijo Emisango ja Ekisi ja obhuchungusi bhwemwe. Ka wone, mwejire mweekirisya Kirisito, Nyamuwanga ꞉aabhateeye‑ko orunabho kwa okubhayaana Mwoyo Mweru unu aariga abharagire. Kwa okukora kutyo, ꞉eeresiisye ati, muri abhaana bhaaye.

2 Timoteo 2:15

Ikomeesya okwiyigisya omusango gwa echimari, rwa kutyo Nyamuwanga keenda. Niwo owuja okubha omukosi wa emirimu unu atakwiswara inguru ya emirimu jaaye. Ejo nijo Nyamuwanga keekirisya.

Baeburania 12:23

Emwe mwakingire mw‑ikofyanyo rinene rya abheebhurwa bha obhubhere bha Nyamuwanga, bhanu amasiina geebhwe gakaamirwe mu‑rwire. Mwakingire imbere ya Nyamuwanga, unu ari muramusi wa abhaanu bhoone na imbere ya abhaanu abharengeresi bhanu ꞉bhaafuuwe na bhanu woori bhakuumisibhwe.

Yakobo 1:15

Omwanya gunu okurigira okubhiibhi okukomeera, okureterera ebhibhiibhi. Ebhibhiibhi ebhyo bhikakomeera, ebhireterera orufu.

Yakobo 1:21

Kurwa ejo, musige ebhibhiibhi na ebhikorwa ebhibhiibhi bhyone. Mwikirisye kwa obhworooro omusango gunu Nyamuwanga ꞉aayambire mu‑myoyo jeemwe, kwa okubha ogwo, nigwo ogutura okubhachungura.

Yakobo 3:14

Nawe mukabha na orwiso, obhururu na orwango mu‑mitima jeemwe, musige okwikuuya ati muri na obhwengeeso, noorwo musige okwayika orubheeyi inguru ya echimari.

1 Petero 1:23

kwa okubha mwibhuuywe rwa kabhiri. Okwibhurwa okwo, kutakusooka ku‑bheesomwana, abheene abhafwa, tari mwibhuuywe kwa omusango omuwanga gwa Nyamuwanga, ogwene ogugenderere okubha gwa echimari akajaanende koone.

1 Petero 1:3

Akusibhwe Nyamuwanga, Esemwene Raatabhugenyi weeswe Yeesu Kirisito. Ku‑chigongo chaaye echaafu, ꞉aachiibhuuye rwa kabhiri ku‑njira ya okusuurura Yeesu Kirisito okusooka mu‑bhafuuwe. Kurwa ejo, chibhwene obhwiyikanyo obhwa obhuwanga.

1 Yoana 3:9

Omwana woonewoone wa Nyamuwanga, atakugenderera okukora ebhibhiibhi, kwa okubha ari na itungwa ya Nyamuwanga mu‑mwoyo gwaye. Kurwa ejo, atakutura okugenderera okukora ebhibhiibhi kwa okubha ni mwana wa Nyamuwanga.

Obhusweruro 14:4

Abhaanu abho nibho abharuubha Omwana wa Inaama woonewoone anu kaaja. Ka wone, ꞉bhateejabhiyasiisye na abhagasi, okubha bhaariga bhari bhimura. ꞉Bhaagurirwe okusooka agatigati ya abhaanu abhandi, nibhasoosibhwa wone okubha echoogo cha ebhigeswa cha okwamba ku‑Nyamuwanga na ku‑Mwana wa Inaama.