Yakobo 1:12 - Indagano Inyaaya mu-Chijita

¹² Ari na ribhando omuunu unu keegumiirisya omwanya gunu kaaregeejibhwa, kwa okubha omwanya gunu ariyiga amaregeejo ago, Nyamuwanga arimuyaana orutengya rwa obhuwanga bhwa akajaanende runu ꞉aaragire okuyaana bhoone bhanu abhamwenda.

INDAGANO INYA:YA

¹² Ari na ribando omu:nu unu ke:gumirisya okusakwa, okuba ariba aiga ariyabwa orutenga rwo buanga, runu Ratabugenyi aragire banu abamwenda.

Yakobo 1:12 ပူးပေါင်းရင်းမြစ်များ

Matayo 10:22

Abhaanu bhoone bharibhasoka ku‑songa yaani. Nawe, omuunu woonewoone unu ariigumiirisya okukingira ku‑bhuteero, niwe Nyamuwanga arichungura.

Matayo 25:34

“Niwo anye Omukama, niribhwira abhaanu bhanu bhari orubhaara rwani rwa ebhuryo ati, ‘Muuje, emwe bhanu Raata waani ayaaye amabhando. Mwingire mu‑bhukama bhunu Nyamuwanga abheeraabhiiye okusookerera bhunu ꞉aabhumbire echaaro.

Ruuka 6:22

Muri na ribhando emwe, araabha abhaanu abhabhasoka na okubhakindika, abhaja okubhafuma na okubhabhwira ati, emwe muri bhajabhi, inguru yaani anye Omwana wa Omuunu.

Barumi 5:4

Obhwigumiirisya nibhwo obhuchireetera ribhaasi, ribhaasi wone erichireetera obhwiyikanyo.

Barumi 8:28

Chimenyere ati, mu‑joone Nyamuwanga kaakorera eja ekisi abhaanu bhanu abhamwenda, nibho bhabhirikiiywe okuruubhana na obhutinge bhwaye.

1 Bakorinto 2:9

Nawe jiri rwa kutyo jikaamirwe mu‑Bhikaame Ebhyeru ati, “Atari‑wo omuunu unu areraabhire okujirora noorwo okujuungwa, atari‑wo omuunu unu areraabhire okujituura mu‑mwoyo gwaye, emisango jinu Nyamuwanga ꞉eeraabhiiye bhanu abhamwenda.”

1 Bakorinto 8:3

Nawe omuunu unu keenda Nyamuwanga, oyo niwe kaamenyekana ku‑Nyamuwanga omwene.

1 Bakorinto 9:25

Abhaanu bhanu abhayaajana ku‑bhwenywa, abheeyingirira ku‑myafu inguru ya okuyaajana. Abhakora kutyo korereki bharamire orutengya rwa obhuyigi rwa akatungu kafuyi era. Nawe eswe echikora kutyo, korereki chiramire orutengya rwa obhuyigi runu orurama akajaanende koone.

2 Timoteo 2:15

Ikomeesya okwiyigisya omusango gwa echimari, rwa kutyo Nyamuwanga keenda. Niwo owuja okubha omukosi wa emirimu unu atakwiswara inguru ya emirimu jaaye. Ejo nijo Nyamuwanga keekirisya.

2 Timoteo 4:8

Woori nirindirira era okuyaanwa orutengya rwa okurama kwa obhurengeresi. Raatabhugenyi Yeesu, omuramusi wa rirenga, arinaana orusuku runu arisubha. Orutengya orwo nitariyaanwa anye era, tari na abhandi bhoone bhanu abharindirira kwa obhwiro okusubha kwaye.

Baeburania 10:32

Nawe mwichuke jisiku jinu ꞉mwaambire okwikirisya Kirisito. Noorwo kutyo ꞉mwabhwene ebhinyaasyo bhyafu, nawe mwariga nimwigumiirisya ebhinyaasyo ebhyo.

Baeburania 11:17

Eriikirisya niryo ꞉ryakorere Bhurayimu ˆneekirisya okusoosya Isaaka omwana waaye abhe echoogo ku‑Nyamuwanga. ꞉Eekirisiisye okukora kutyo omwanya gunu Nyamuwanga ꞉aamuregeejere. Bhurayimu niwe ꞉aaramiiye emirago okusooka ku‑Nyamuwanga, nawe ꞉eekirisiisye okusoosya omwana waaye eenyere abhe echoogo,

Baeburania 12:5

Angu, murabhiiywe emisango ja okusimbiisya omwoyo jinu Nyamuwanga ꞉aabhabhwiriiye emwe bhanu muri bhaana bhaaye? Nyamuwanga ꞉aayikire ati, “Omwana waani, waasiga okugaya jinu Raatabhugenyi waawo kaakukengya. Siga okufwa omutima omwanya gunu kaakugonya.

Baeburania 6:15

Kurwa ejo Bhurayimu ꞉aarindiriiye na okwigumiirisya, okukingira ˆnaabhona joone jinu Nyamuwanga ꞉aamuragire.

Yakobo 2:5

Abhayiri bhaani abheendwa, muntegeresye kisi. Mutakumenya ati Nyamuwanga ꞉aawuuwe abhataka bha ku‑chaaro, bhabhe abhaniibhi mu‑riikirisya, bhanjure obhukama bhunu ꞉aaragire bhanu abhamwenda?

Yakobo 5:11

Rwa kutyo mumenyere, echibhatoga ati bhari na amabhando bhanu ꞉bheegumiirisiisye. ꞉Mwoonguuwe emisango jinu ꞉jaabhwene Ayubhu na kutyo ꞉eegumiirisiisye. Ka wone mumenyere emisango ja ekisi jinu Raatabhugenyi ꞉aamukoreeye ku‑bhuteero. Okubha Raatabhugenyi eejuuywe obhufura bhwafu na echigongo.

1 Petero 3:14

Nyamuwanga aribhayaana amabhando araabha omunyaaka kwa okubha omukora ja obhurengeresi. Kurwa ejo, musige okuyaya noorwo musige okuubhaya bhanu abhabhanyaasya, tari mukusye Raatabhugenyi Yeesu Kirisito mu‑myoyo jeemwe.

1 Petero 4:13

Nawe mukondererwe ati omunyaaka rwa kutyo Kirisito ꞉aanyaakire. Mukonderwe woori, korereki mubhe na risandabha ryone, omwanya gunu arisubha na rikusyo ryaye niriswerurwa abhwerubhweru.

1 Petero 4:14

Araabha mukafumwa ku‑songa ya risiina rya Kirisito, mumenye ati muyaaywe amabhando. Omusango ogwo, ogweresya ati Mwoyo wa Nyamuwanga owa rikusyo ari aamwi na emwe.

1 Petero 5:10

Nyamuwanga wa obhwitiriranya bhwone, ꞉aabhabhirikiiye korereki musangire aamwi nage mw‑ikusyo ryaye rya akajaanende koone, aamwi na Kirisito. Omunyaaka kwa omwanya mutooto era, nawe Nyamuwanga omwene aribhakomeesya, aribhayaana amanaga na okubhakuumisya.

1 Petero 5:4

Mbe, Omureefi Omukuru wa rikanisa aribha aswerurwa, muriyaanwa orutengya rwa rikusyo runu rutakunyamuka.

1 Yoana 4:19

Woori, eswe echeenda Nyamuwanga na abheejaasu, kwa okubha omwene niwe ꞉aatangatire okucheenda eswe.

Obhusweruro 2:10

Musige okuubhaya ebhinyaasyo bhinu bhiribhaaja‑ko. Muringire! Syetaani aribharegeeja kwa okutuura abhandi agati yeemwe mw‑ibhoyero. Emwe murinyaaka siku ekumi. Nawe mubhe abheeyikanyibhwa kw‑anye noorwo okukingira mufwe, anye niribhayaana orutengya rwa obhuwanga bhwa akajaanende koone.

Obhusweruro 3:19

Anye, enigonya na okufyetura jisimbo abhaanu bhoone bhanu eneenda. Mbe, mwikomeesye na okuta ebhibhiibhi bhyemwe.

Obhusweruro 3:21

Omuunu woonewoone unu ariyiga, nirimwikirisisya okwinyanja aamwi na anye ku‑chitebhe chaani cha ingʼoma, rwa kutyo anye wone ꞉naayigire, woori niinyanjire na Raata waani ku‑chitebhe chaaye cha ingʼoma.