Tiito 3:9 - Indagano Inyaaya mu-Chijita

⁹ Nawe, wiikenge jimamba ja obhutaamutaamu, emiroobho ja amasiina ga bhasaaja, inyombo na riremo inguru ya ebhiraagiro bhya Muusa. Mu‑misango ejo joone gutari‑mo omuriiro gwonegwone.

INDAGANO INYA:YA

⁹ Nawe wikengega jimamba jo butamutamu, ne bitabo byo kwiburwa, na inyombo, no kubambasyanya ebye biragiro, okuba ebyo bitana rinu ci:ire ka ni bya kutyo era.

Tiito 3:9 ပူးပေါင်းရင်းမြစ်များ

1 Bakorinto 13:2

Ka wone noorwo nikasoosya obhuragi na okusombookerwa jimbisike joone na okumenya joone kisi, noorwo nikabha na eriikirisya enene rya okutura okufurusya ebhiima, nawe araabha nitari na eryenda, anye nitari chiinu.

1 Bakorinto 8:1

Woori enija okwayika inguru ya ebhiryo bhinu bhisyengeeywe ku‑masusano. Rwa kutyo omwayika, chimenyere ati, “Eswe bhoone chiri na obhumenyi.” Nawe obhumenyi obhukora abhaanu okwikuuya. Tari eryenda niryo erikomeesya abhaanu mu‑riikirisya.

1 Timoteo 4:7

Awe usige chimwi jingani ja abhaanu bha kara jinu jitari na obhugajuro bhwonebhwone, nawe wiikomeesye siku joone okwikara rwa kutyo Nyamuwanga keenda.

2 Timoteo 2:14

Wiichukye abheekirisya emisango ejo. Ubharagirire imbere ya Nyamuwanga, bhasige okubhambasyanya inguru ya emisango emitoototooto. Jimamba ejo jitari‑mo omuriiro, tari ejinyamura bhanu abhoongwa.

2 Timoteo 2:16

Wiikenge na emisango emijabhi jinu jitari na obhugajuro bhwonebhwone na jinu jitakuyaana Nyamuwanga rikusyo. Okubha ejo ejisoosya abhaanu ku‑mwene nijibhasira kura muno.

2 Timoteo 2:23

Nawe wiikenge na jimamba ja echitaamutaamu, kwa okubha jitari‑mo omuriiro na owumenya ati ejo ejiibhura inyombo.

Tiito 1:14

Bhasige okutegeresya jingani ja Echiyawudi jinu jitari na obhugajuro bhwonebhwone na amaragiriro ga abhaanu bhanu bhasigire echimari.

Yakobo 4:1

Riremo na inyombo bhinu bhiri mw‑imwe ebhisooka aaki? Angu, bhitakusooka mu‑kurigira kwemwe okubhiibhi kunu okukora riremo mu‑bhiwuga bhyemwe?