Tiito 3:7 - Indagano Inyaaya mu-Chijita

⁷ ꞉Aakorere kutyo na okuchibhara ati chiri abharengeresi kwa obhwitiriranya bhwaye, korereki chibhe na obhwiyikanyo ati chiryanjura obhuwanga bhwa akajaanende.

INDAGANO INYA:YA

⁷ korereki cibarirwe oburenge:resi kurwe cigongo cae, cibe bari bo mwandu mu kwiikanya kwo buanga bwa kajanende.

Tiito 3:7 ပူးပေါင်းရင်းမြစ်များ

Matayo 25:34

“Niwo anye Omukama, niribhwira abhaanu bhanu bhari orubhaara rwani rwa ebhuryo ati, ‘Muuje, emwe bhanu Raata waani ayaaye amabhando. Mwingire mu‑bhukama bhunu Nyamuwanga abheeraabhiiye okusookerera bhunu ꞉aabhumbire echaaro.

Mariko 10:17

Yeesu ejire aamba orugendo, omuunu umwi ˆnaamubhirimira, ˆnaamwifukamira. ˆNaabhuusya Yeesu ati, “Omwiyigisya wa ekisi, nikore kutiki korereki nibhone obhuwanga bhwa akajaanende koone ku‑chaaro chinu echiija?”

Barumi 11:6

Bhaasorwa kwa obhwitiriranya bhwa Nyamuwanga, kurwa ejo bhatakuchungurwa ku‑songa ya ebhikorwa bhyebhwe. Araabha bhakachunguuywe ku‑songa ya ebhikorwa bhyebhwe, mbe obhwitiriranya obhwo bhutaakabheeye obhwitiriranya rindi.

Barumi 3:24

Nawe ku‑bhwitiriranya bhwa Nyamuwanga, abhabharwa ati ni bharengeresi imbere yaaye, bhatasoosiisye echiinu choonechoone wuri. Bheeruuywe okusooka mu‑bhibhiibhi bhyebhwe okutura ku‑Kirisito Yeesu.

Barumi 3:28

Chimenyere ati Nyamuwanga niwe kaabhara omuunu okubha omurengeresi kwa okwikirisya Yeesu era, kutari kwa okuruubha ebhiraagiro bhya Muusa.

Barumi 4:16

Echo nicho echireterera omurago gwa Nyamuwanga gwiyikanye eriikirisya era, kwa okubha ogusookana na obhwitiriranya bhwaye. Ku‑njira eyo, joone jinu ꞉bhaaragirwe abhaanu bhoone bha orwibhuro rwa Bhurayimu, jibhe ja echimari, jitari ku‑Bhayawudi era bhanu bhari na ebhiraagiro, tari noorwo ku‑bhanu abheekirisya Nyamuwanga rwa kutyo Bhurayimu ꞉aakorere. Bhurayimu niwe raata weeswe bhoone bhanu echiikirisya Nyamuwanga.

Barumi 4:4

Mbe, omwanya gunu omuunu kaakora emirimu, omuyeero gwaye gutari chiyaanwa, tari ni chiinu chinu eeyire ariywe.

Barumi 8:17

Mbe, araabha chiri bhaana bha Nyamuwanga, chaabha abhanjusi bhaaye. Chiriramira omwandu gweswe aamwi na Kirisito. Nawe chinu echikenwa kw‑iswe woori ni ati, chisangire mu‑bhinyaasyo aamwi na Kirisito, korereki eswe wone chisangire aamwi nage mw‑ikusyo ryaye.

1 Bakorinto 6:11

Abhandi agati yeemwe bhaariga bhari kutyo. Nawe woori, kwa okutura ku‑Raatabhugenyi weeswe Yeesu Kirisito, na ku‑managa ga Mwoyo wa Nyamuwanga weeswe, mwosibhwa obhujabhi bhwemwe, mwesibhwa, na okubharwa ati muri bharengeresi imbere ya Nyamuwanga.

Bagalatia 2:16

Nawe eswe echimenya ati, omuunu atakutura okubharwa ati ni murengeresi imbere ya Nyamuwanga kwa okuruubha ebhiraagiro bhya Muusa, tari ni kwa okwikirisya Yeesu Kirisito omwene era. Nikwo kutyo eswe wone chiikirisiisye Kirisito Yeesu korereki chibharwe ati chiri abharengeresi imbere ya Nyamuwanga kwa okwikirisya Kirisito, kutari kwa okuruubha ebhiraagiro bhya Muusa. Chimari atari‑wo omuunu unu kaatura okubharwa ati ni murengeresi imbere ya Nyamuwanga kwa okuruubha ebhiraagiro bhya Muusa.

Bagalatia 3:29

Araabha emwe muri ku‑Kirisito, kurwa ejo woori, emwe muri rwibhuro rwa Bhurayimu, na muriramira omwandu gunu Nyamuwanga ꞉aaragire.

Bagalatia 4:7

Kurwa ejo, woori emwe mutari bhagaya rindi, tari muri bhaana bha Nyamuwanga. Mukabha muri bhaana, mbe muriramira omwandu gunu Nyamuwanga atereeye‑wo abhaana bhaaye.

2 Batesalonika 2:16

Raata weeswe Nyamuwanga, kaacheenda na ku‑bhwitiriranya bhwaye, arichisimbiisya akajaanende na okuchiyaana obhwiyikanyo ati arichiyaana ebhiinu bhya ekisi bhinu ꞉aachiragire. Echisabhwa omwene na Raatabhugenyi weeswe Yeesu Kirisito ati,

Tiito 1:2

Niwo bharibha na obhwiyikanyo bhwa obhuwanga bhwa akajaanende bhunu Nyamuwanga ꞉aachiragire noorwo achaari okubhumba echaaro. Omwene atakutura okwayika orubheeyi.

Tiito 2:11

Okubha obhwitiriranya bhwa Nyamuwanga bhunu obhureeta obhuchungusi ku‑bhaanu bhoone bhwasweruuywe.

Tiito 2:13

Eswe, echirindirira chiiyikanyisye inguru ya orusuku rwa okuruguusya runu Yeesu Kirisito arisubha ari mw‑ikusyo ryaye. Omwene niwe Nyamuwanga omukuru na Omuchungusi weeswe.

Baeburania 1:14

Mbe woori, bhamaraayika ni chiinu ki? Ni myoyo jinu ejikorera emirimu Nyamuwanga, omwene kaajituma jigende okukorera emirimu abhaanu bhanu bharichungurwa.

Baeburania 11:7

Eriikirisya niryo ꞉ryakorere Nuuwu ˆnaagayuka Nyamuwanga, omwanya gunu Nyamuwanga ꞉aamukengiisye inguru ya emisango jinu jaariga jichaari okukorekana. ꞉Aakonjere echiinu rwa ingarabha inene, korereki achungure abhaanu bhaaye. Ku‑njira ya eriikirisya eryo, ˆneekindika okusooka ku‑bhaanu bha ku‑chaaro bhanu ꞉bhateekirisiisye Nyamuwanga, korereki bharamurwe. Ka wone, ku‑njira ya eriikirisya eryoeryo, Nyamuwanga ˆnaabhara Nuuwu okubha omurengeresi imbere yaaye.

Baeburania 11:9

Eriikirisya niryo ꞉ryakorere Bhurayimu ˆneekara rwa omugenyi mu‑chaaro chinu ꞉aaragirwe na Nyamuwanga. Aariga eekaaye eyo mu‑bhiwuuna. Isaaka na Yakobho wone ꞉bheekaaye mu‑bhiwuuna. Abheene bhaariga nibhasangira aamwi omurago guryagurya gwa echaaro chinu Bhurayimu ꞉aaramiiye.

Baeburania 6:17

Nyabhuriko Nyamuwanga wone ꞉aarumatanyiisye omurago gwaye ku‑njira ya echirayiro. ꞉Aakorere kutyo, okweresya abhwerubhweru ku‑bhanu ꞉aaragire ati, atariyindura wuri obhukarariiye bhwaye.

Yakobo 2:5

Abhayiri bhaani abheendwa, muntegeresye kisi. Mutakumenya ati Nyamuwanga ꞉aawuuwe abhataka bha ku‑chaaro, bhabhe abhaniibhi mu‑riikirisya, bhanjure obhukama bhunu ꞉aaragire bhanu abhamwenda?

1 Petero 3:7

Nyabhuriko, emwe abharume, mwikare na abhagasi bheemwe muri na obhwenge, mumenyere ati bhatari na amanaga rwa emwe. Mubhaangarire, nimubhaayanaga echibharo, kwa okubha Nyamuwanga ꞉aaragire ati emwe na abheene muryanjura obhwitiriranya bhwa obhuwanga. Kurwa ejo, emwe abharume, mukore kutyo, korereki risabhwa ryemwe risige okuyingirirwa.