Tiito 3:3 - Indagano Inyaaya mu-Chijita

³ Okubha eswe wone, kara awo chaariga chiri bhataamutaamu, bhanyatagayuka na chijigirwe. Chaariga chitungirwe na okurigira na jitungwa jimbiibhi ja bhuri mbaga. Nyabhuriko chaariga chiikaaye mu‑bhujabhi na orwiso, nichibhiiyisya na chisokeene eswe abheene kwa abheene.

INDAGANO INYA:YA

³ Okuba eswe one kara cariga ciri batamutamu na banyantongwa, na barubebeibwa, nicikorera marigire no rumura rundi na rundi, cariga bo rwango na bo rwiso, na bo busoko, nicitamanganwa.

Tiito 3:3 ပူးပေါင်းရင်းမြစ်များ

Matayo 21:29

Omwana waaye oyo, ˆnaamusubhya ati, ‘Nitakugenda eyo!’ Nawe neeya, ˆnaayindura obhwiganirisya bhwaye, ˆnaagenda, ˆnaakora.

Ruuka 21:8

Yeesu ˆnaabhasubhya ati, “Mwangarire, omuunu woonewoone aasiga okubhajiga. Abhaanu bhaafu bhariija nibhakoreraga emirimu risiina ryani, bharyayikaga ati, ‘Anye naanye Kirisito!’ Ka wone bharyayikaga ati, ‘Omwanya gwa obhuteero gwafogeeye!’ Abhaanu abho, mwasiga okubharuubha!

Yowana 8:34

Yeesu ˆnaabhasubhya ati, “Ni chimari enibhabhwira ati, omuunu woonewoone unu kaagenderera okukora ebhibhiibhi, oyo ni mugaya wa ebhibhiibhi.

Barumi 11:30

Omwanya gunu guturire, emwe mwariga mutakugayuka Nyamuwanga, tari woori mwafwiriiywe echigongo na Nyamuwanga, kwa okubha Abhayisirayeeri ꞉bhataamugayukire.

Barumi 6:12

Kurwa ejo, mwasiga okwikirisya echibhiibhi chitunge emibhiri jeemwe jinu ejifwa. Mwasiga okwikirisya okukururwa na okurigira okubhiibhi kwa emibhiri jeemwe.

Barumi 6:17

Kara, emwe mwariga muri bhagaya bha echibhiibhi. Nawe enisiima Nyamuwanga, kwa okubha woori mweekirisya na emyoyo jeemwe joone okugayuka ameeyigisyo ga echimari ganu ꞉mwaramiiye.

Barumi 6:22

Woori musuruumuuywe na Nyamuwanga okusooka mu‑bhugaya bhwemwe bhwa echibhiibhi. Ka wone, abhakorere okubha abhakosi bhaaye, na okuruubhana na ejo mubhwene omuriiro. Omuriiro ogwo ni kukorera emirimu Nyamuwanga kwa omwoyo gwone na ku‑bhuteero ni kuramira obhuwanga bhwa akajaanende koone.

Barumi 6:6

Echimenya ati bhumuunu bhweswe bhwa kara ꞉bhwafuuwe aamwi na Kirisito ku‑musarabha, korereki amanaga ga echibhiibhi mu‑myoyo jeeswe gaasiga okuchitunga rindi, na okuchikora chibhe abhagaya bha echibhiibhi.

2 Bakorinto 12:20

Enuubhaya ati, omwanya gunu niribhaaja‑ko, amwi niribhasongʼana muri na akatungiiywe kanu katakunkondisya. Eryo ririreterera nikore jinu jitaribhakondera emwe. Enuubhaya ati enitura okubhasongʼana muri na inyombo, orwiso, risungu, orwango, okuromana, okwitemeeka, orwikuuya na injogere.

Bagalatia 6:3

Mbe, omuunu woonewoone unu keerora ati ni wa obhugajuro okukira abheejaabho, oyo atari wa obhugajuro, keejiga omwene era.

Bakolosai 1:21

Emwe wone ku‑mwanya gunu guturire mwariga muri kura na Nyamuwanga. Mwariga muri bhasoko bhaaye mu‑bhwiganirisya bhwemwe obhubhiibhi bhunu obhuretereraga jitungwa jeemwe jimbiibhi. Nawe woori, abhagwatanyiisye aamwi nage

Bakolosai 3:7

Ku‑mwanya gunu guturire, emwe abheene mwariga nimukora ejo, omwanya gunu mwariga mwikaaye okuruubhana na emisango emijabhi ejo.

2 Timoteo 3:13

Nawe bhanu abhakora ebhibhiibhi na abhajigi, bharigenderera okukora ebhibhiibhi muno, bharibhaga nibhajiga na okujigwa.

2 Timoteo 3:6

Mu‑bheene abho bhari‑mo bhanu abheengira kwa obhwira bhwa ebhibhiibhi mu‑misi ja abhaanu na okujiga abhagasi abhamuumu. Abhagasi abho bhatungirwe na ebhibhiibhi, ka wone abhakururwa na obhurigire bhwa ebhibhiibhi bhya bhuri mbaga.

Tiito 1:16

Abheene abhaayika ati bhamenyere Nyamuwanga, nawe ebhikorwa bhyebhwe ebhyeresya ati abhamwigaana. Abho ni bhaanu bhanu abhafuruurusya muno, ni bhanyatagayuka, bhateeyire ku‑bhikorwa bhyonebhyone bhya ekisi.

Tiito 2:12

Obhwitiriranya obhwo, obhuchiiyigisya okurema ebhibhiibhi na obhurigire bhwa echaaro, korereki chirame obhurame bhwa okwiyingirira, bhwa obhurengeresi na obhwa okuramya Nyamuwanga ku‑chaaro cha woori chinu.

Yakobo 1:26

Araabha omuunu keerora ati kaaramya Nyamuwanga, nawe atakuyingirira orurimi rwaye okwayika emibhiibhi, keejiga omwene, okuramya Nyamuwanga kwaye kutari‑mo omuriiro.

1 Petero 1:14

Emwe muri bhaana bha Nyamuwanga. Mbe woori, mumugayuke, musige okuruubha rindi okurigira kunu mwariga muri nakwo muchaari okumenya Emisago ja Ekisi inguru ya Yeesu Kirisito.

Obhusweruro 12:9

Riyoka eryo, niryeswa ku‑chaaro anu. Eryo, niyo injoka ya kara irya, inu eyitogwa ati, Mubheeyeresya amwi Syetaani. Eyijiga abhaanu bhoone ku‑chaaro bhakore ebhibhiibhi. Chimari ryeserwe ku‑chaaro anu aamwi na bhamaraayika bhaaryo.

Obhusweruro 13:14

Ku‑bhibharikisyo bhinu ꞉ryayaaywe okukora imbere ya rityanyi rya okwamba rirya, nirijiga abhaanu bha ku‑chaaro anu. Niribhwira abhaanu bhabhaaje risusano rya okuyaana echibharo rityanyi rya okwamba, rinu ꞉ryawutasiibhwe kwa imbanda, nawe niriwora, nirigenderera okwikara.

Obhusweruro 18:2

ˆNaamura obhuraka bhunene muno, ˆnaayika ati, “Gwasingaarika! Omusi omukuru gwa Bhaabheeri gwasingaarika! Woori gwabha obhwikaro bhwa okwiyibhisa‑mo amasambwa ga bhuri mbaga. Gwabha obhwigamo bhwa bhuri inyonyi joone jimbiibhi na jinu ejifuruurusya.