Tiito 3:13 - Indagano Inyaaya mu-Chijita

¹³ Ikomeesya okusakira Jeena, omumenyi urya wa ebhiraagiro aamwi na Apooro. Ubhayaane ebhiinu bhyone bhya okubhasakira mu‑rugendo rwebhwe, bhaasiga okukeeyerwa echiinu choonechoone.

INDAGANO INYA:YA

¹³ Ikome:sya okusakwa Jena, nyabiragiro, aamwi na Apolo, mu rugendo rwebwe, basige kuburwa ci:nu.

Tiito 3:13 ပူးပေါင်းရင်းမြစ်များ

Matayo 22:35

Niwo, nibhagenda ku‑Yeesu, na umwi weebhwe unu aariga ari mwiyigisya wa ebhiraagiro bhya Muusa, ˆnaaregeeja okumuteganya. ˆNaamubhuusya ati,

Ruuka 10:25

Rusuku rumwi, omwiyigisya umwi wa ebhiraagiro bhya Muusa ˆneemereeguru, ˆnaabhuusya Yeesu omusango gwa okumuregeeja ati, “Omwiyigisya, nikore kutiki korereki nibhone obhuwanga bhwa akajaanende koone?”

Ruuka 11:45

Awoawo, owumwi wa abheeyigisya bha ebhiraagiro bhya Muusa ˆnaabhwira Yeesu ati, “Omwiyigisya, ku‑misango jaawo ejo, owuchifuma eswe wone.”

Ruuka 11:52

“Jiribhabhona, emwe abheeyigisya bha ebhiraagiro bhya Muusa! Okubha musibhire orwiguriro rwa okwigurira omuryango gunu abhaanu bhaakaturire‑mo korereki bhasombookerwe Nyamuwanga. Emwe abheene mutakwingira, ka wone omuyingirira abhaanu abhandi bhanu abheenda okwingira.”

Ruuka 14:3

Yeesu ˆnaabhuusya Abhafarisaayo na abheeyigisya bha ebhiraagiro bhya Muusa ati, “Angu, ebhiraagiro bhya Muusa ebhichiikirisisya okuwosya abhaanu ku‑rusuku rwa Isabhaato tere wuri?”

Ruuka 7:30

Nawe Abhafarisaayo na abheeyigisya bha ebhiraagiro bhya Muusa, nibharema jinu Nyamuwanga aariga ˆneenda, kwa okubha ꞉bhaaremere okubhatiijibhwa na Yowana.

Ebikorwa 15:3

Abheekirisya abho nibhabharaga, ka wone nibhayaana Pawuro na abheejaabho abho ebhiinu bhyebhwe bhya bhusibhusi. Niwo bha Pawuro nibheemuka, nibhatura mu‑mikoowa ja Foyeenike na Samaariya, nibhabhwiraga abhaanu kutyo abhaanu bhanu bhatari Bhayawudi wone abheekirisya Yeesu. Omusango ogwo nigukondera muno abheekirisya abheejaabho bhoone bheende‑yo.

Ebikorwa 18:24

Mbe Omuyawudi umwi, omwibhurwa wa mu‑musi gwa Arekijandiriya risiina ryaye Apooro, ˆnaaja Yefeeso. Apooro oyo aariga ari muunu owa obhuturo bhunene bhwa okusimura na okusombookerwa kisi Ebhikaame Ebhyeru.

Ebikorwa 19:1

Omwanya gunu Apooro aariga ari Koriito eyo, Pawuro ꞉aaturire mu‑misi ja mu‑bhiima, ˆnaakinga mu‑musi gwa Yefeeso. Eyo ꞉aasongʼeene‑yo abheeyigisibhwa abharebhe,

Ebikorwa 21:5

Nawe omwanya gweswe gwa okubha‑wo gwejire gwawa, abheekirisya abho bhoone nibhachiyeregesya, abharume na abhagasi bheebhwe na abhaana bheebhwe, nibhachikingya ku‑njekekera ya inyanja. Awo nichiifukama bhoone, nichisabhwa Nyamuwanga.

Ebikorwa 28:10

Abheenengo nibhachiyaana echibharo echinene muno. Bhunu chaariga chiri yeeyi okwimuka, nibhachituurira mu‑ngarabha bhuri echiinu chinu chaariga nichikena mu‑rugendo rweswe.

Barumi 15:24

Kurwa ejo, eniiyikanya okubhagosorera na okubha aamwi na emwe kwa omwanya mufuyi, omwanya gunu niribhaga niyitingʼana okugenda mu‑chaaro cha Sipaaniya. Enisabhwa munaane obhusakisi bhwa okunkingya Sipaaniya.

1 Bakorinto 16:11

Omuunu woonewoone aasiga okumugaya. Tari mumusakire asooke eyo kwa omurembe, korereki asubhe kw‑anye, okubha anye enimurindirira aamwi na abheekirisya abheejaasu.

1 Bakorinto 16:12

Woori, inguru ya omwikirisya oweejaasu Apooro, naamwirembeeresya muno ati aaje kw‑imwe aamwi na abheekirisya abhandi. Nawe omwene atakwenda okuuja woori. Nawe aribha aabhona omwanya ariija.