Tiito 3:11 - Indagano Inyaaya mu-Chijita

¹¹ Okubha woori, owumenya ati omuunu rwa oyo ni munyamuke ka omukosi wa ebhibhiibhi. Ebhikorwa bhyaye ebhibhiibhi ebhimuramura ati omwene ni muunu owa ebhibhiibhi.

INDAGANO INYA:YA

¹¹ Umenye ati, omu:nu unu ari kutyo ayabibwe, ka anyamuye, ne:temera omwene eci:na.

Tiito 3:11 ပူးပေါင်းရင်းမြစ်များ

Ruuka 19:22

“Omukama oyo, ˆnaamubhwira ati, ‘Awe omugaya omubhiibhi! Enija okukuramura okuruubhana na obhwayiki bhwawo omwene. Waayika ati, umenyere ati, anye niri mururu kabhukabhu, enigega anu ꞉nitaateeye echiinu wuri, na enigesa anu ꞉nitaayambire echiinu wuri.

Ruuka 7:30

Nawe Abhafarisaayo na abheeyigisya bha ebhiraagiro bhya Muusa, nibharema jinu Nyamuwanga aariga ˆneenda, kwa okubha ꞉bhaaremere okubhatiijibhwa na Yowana.

Yowana 3:18

Nyamuwanga atakuramura abhaanu bhanu abheekirisya Omwana waaye. Nawe abhaanu bhanu bhatakumwikirisya, bharamuuywe kwa okubha bhateekirisiisye Omwana eenyere wa Nyamuwanga.

Ebikorwa 13:46

Noorwo kutyo, Pawuro na Bharinaabha nibhabhasubhya kwa ribhaasi nibhaayikaga ati, “Jaariga jiiyire omusango gwa Nyamuwanga, guraasibhwe kw‑imwe, emwe Abhayawudi okwamba. Nawe kwa okubha mwagurema na okwiramura abheene ati muteeyire obhuwanga bhwa akajaanende, woori echibhasiga echigenda okuraasisya abhaanu bhanu bhatari Bhayawudi.

Ebikorwa 15:24

Choongwa ati abhaanu abhandi okusooka mw‑iswe ꞉bhaabhabhwiriiye emisango ja okubhayabhya, ka wone ja okunyaasya emyoyo jeemwe, eswe ꞉chitaabhatumire.

Ebikorwa 23:25

Neeya ˆnaakaama inyarubha ku‑Feeriki ati,

Barumi 3:19

Mbe, eswe chimenyere ati, omwanya gunu Ebhikaame Ebhyeru ebhisimura inguru ya echiinu choonechoone, ebhisimura inguru ya abhaanu bhanu ꞉bhaayaaywe Ebhikaame ebhyo. Ebhikaame ebhyo, ꞉bhyakaamirwe korereki abhaanu bhoone, Abhayawudi na abhaanu bhanu bhatari Bhayawudi bhasige okubha na isonga ya okwibhagira omwanya gunu Nyamuwanga ariramura echaaro. Jiribha abhwerubhweru ati abhaanu bhoone bheeyire okuramurwa na Nyamuwanga.

2 Timoteo 2:14

Wiichukye abheekirisya emisango ejo. Ubharagirire imbere ya Nyamuwanga, bhasige okubhambasyanya inguru ya emisango emitoototooto. Jimamba ejo jitari‑mo omuriiro, tari ejinyamura bhanu abhoongwa.

Tiito 1:11

Abho abhasingaarisya eriikirisya rya abhaanu mu‑misi myafu. Abheeyigisya emisango jinu jiteeyire, korereki bheebhonere jipirya ku‑njira imbiibhi eyo.

Tiito 1:14

Bhasige okutegeresya jingani ja Echiyawudi jinu jitari na obhugajuro bhwonebhwone na amaragiriro ga abhaanu bhanu bhasigire echimari.

Baeburania 10:26

Araabha echigenderera okukora ebhibhiibhi kwa okukararira keenu chaamarire okumenya echimari cha Nyamuwanga, mbe chitari‑wo echoogo echindi chinu echitura okuchisoosisya‑wo echibhiibhi.