Tiito 3:1 - Indagano Inyaaya mu-Chijita

¹ Ubhe nuwichukya abhaanu bhabhe na echibharo ku‑bhatungi na ku‑bhatangasya bhoone na okubhagayuka. Ni bhusibhusi wone, bhabhega bhatengeejere okukora bhuri echikorwa cha ekisi.

INDAGANO INYA:YA

¹ Ube:cukyega okworoberaga abatungi na bakuru no kubongwa, bamaririrega okukora omurimu gwone ogwo bwana.

Tiito 3:1 ပူးပေါင်းရင်းမြစ်များ

Matayo 22:21

Abheene nibhamusubhya ati, “Ni bhya Kayisaari.” Yeesu ˆnaabhabhwira ati, “Mbe, bhya Kayisaari, muyaane Kayisaari na ebhya Nyamuwanga, muyaane Nyamuwanga.”

1 Bakorinto 15:58

Kutyo, abhayiri bhaani abheendwa mu‑riikirisya, murumatane mu‑riikirisya eryo, okufwa omwoyo wuri. Mugenderere okukora emirimu ja Raatabhugenyi nimukomeeraga bhuri rusuku, kwa okubha mumenyere ati emirimu jinu omukora inguru ya Raatabhugenyi, jitari ja okufwirwa‑mo wuri.

Baefeso 2:10

Okubha Nyamuwanga achichunguuye na okuchibhumba bhuyaaya echinyamwoyo mu‑Kirisito Yeesu, korereki chikore ebhikorwa bhya ekisi, bhinu ꞉aachiiraabhiiye okusookerera kara, korereki chibhikorega.

Bafilipi 1:11

Obhurame bhwemwe bhuriijura emisango ja rirenga jinu ejibhonekana ku‑njira ya Yeesu Kirisito. Ejo joone jirikumya Nyamuwanga na okumukusya.

Bakolosai 1:10

Niwo muritura okurama rwa kutyo Raatabhugenyi Yeesu keenda na okumukondisya ku‑misango joone. Obhurame bhwemwe bhurimukondisya inguru ya emirimu jeemwe ja ekisi, ka wone murigenderera okukura mu‑kumenya Nyamuwanga.

1 Timoteo 2:2

Omukenwa okusabhirwa abhakama na abhatangasya abhandi bhoone, korereki chiikare na omurembe, nichikoraga rwa kutyo Nyamuwanga keenda na chiri na jitungwa ja ekisi.

1 Timoteo 4:6

Ukeeyigisya abheejaasu bhoone emisango ejo, niwo uribha omukosi wa ekisi wa Kirisito Yeesu. Ka wone, uribhaga urererwe kisi mu‑chimari cha eriikirisya na ameeyigisyo ga ekisi ganu awe uruubhire.

1 Timoteo 5:10

Abhe omuunu wa jikuma ja ekisi, abhe eeyigisiisye abhaana bhaaye jitungwa ja ekisi, abhe akumire abhagenyi, abhe oosiisye abheeru amaguru, abhe asakiiye abhaanu bhanu bhari mu‑nyaako, ka wone, abhe eekomeesiisye okukora ebhikorwa bhyone bhya ekisi.

2 Timoteo 1:6

Niyo isonga, enikwichukya ati komeera okukorera emirimu echiyaanwa chinu Nyamuwanga ꞉aakuyaaye omwanya gunu ꞉naakutereeye‑ko amabhoko.

2 Timoteo 2:14

Wiichukye abheekirisya emisango ejo. Ubharagirire imbere ya Nyamuwanga, bhasige okubhambasyanya inguru ya emisango emitoototooto. Jimamba ejo jitari‑mo omuriiro, tari ejinyamura bhanu abhoongwa.

2 Timoteo 2:21

Woori, omuunu aakeeyesya na okusigana na ameeyigisyo geebhwe, kaabha rwa echiinu cha okukorera emirimu ja echibharo chinu chaawuuywe, aribhaga eeyire ku‑Raatabhugenyi waaye. Omuunu oyo aribhaga emariiriiye okukora ebhikorwa bhya ekisi.

Tiito 1:16

Abheene abhaayika ati bhamenyere Nyamuwanga, nawe ebhikorwa bhyebhwe ebhyeresya ati abhamwigaana. Abho ni bhaanu bhanu abhafuruurusya muno, ni bhanyatagayuka, bhateeyire ku‑bhikorwa bhyonebhyone bhya ekisi.

Tiito 2:14

Omwene ꞉aasoosiisye obhurame bhwaye inguru yeeswe, korereki acheerure okusooka mu‑bhibhiibhi bhyone. ꞉Aacheesiisye, korereki chibhe abhaanu bhaaye omwene, bhanu echiigomba okukora ebhikorwa bhya ekisi.

Tiito 3:14

Abheejaasu bhoone, bheeyigire okwikomeesye okukora ebhikorwa bhya ekisi, korereki bhabhe na obhuturo bhwa okusakira abhaanu bha obhukene bhwa bhusibhusi. Bhaakakora kutyo obhurame bhwebhwe bhutaribhurwa amatwasyo.

Tiito 3:8

Inyaayika eyo ni ya echimari. Woori enikusabhwa awe ukomeeresye muno inguru ya emisango ejo ku‑bhaanu, korereki abhaanu bhanu abheekirisya Nyamuwanga, bhakabhuke na okukomeera okukora ebhikorwa bhya ekisi. Emisango ejo nijo ja ekisi, ka wone ejireeta omuriiro ku‑bhaanu bhoone.

Baeburania 13:21

Nyamuwanga abhayaane amanaga ga okukora okwenda kwaye. Ka wone akore mu‑myoyo jeeswe jinu ejimukondisya ku‑njira ya Yeesu Kirisito. Omwene akusibhwe akajaanende koone. Jibhe kutyo.

2 Petero 1:12

Kurwa ejo, nirigenderera okubheechukya emisango ejo siku joone, noorwo kutyo omujimenya na okwimaririra mu‑chimari chinu ꞉mweeyigiiye.

Yuuda 1:5

Noorwo kutyo mumenyere kisi ejo joone, enikena okubheechukya kutyo Raatabhugenyi ꞉aawoniisye Abhayisirayeeri okusooka mu‑chaaro cha Miisiri munu bhaariga nibhanyaaka, nawe ejire aamara ˆnaasingaarisya abhaanu bhanu ꞉bhaaremere okumwikirisya.