Tiito 2:8 - Indagano Inyaaya mu-Chijita

⁸ Ameeyigisyo gaawo gabhe ga echimari ganu abhaanu bhatakubhona‑mo echikayo choonechoone. Noorwo omuunu unu kaabha atakwimire‑ko eesware, kwa okubha, atari na omusango gwonegwone omubhiibhi gwa okwayika inguru yeeswe.

INDAGANO INYA:YA

⁸ Ube wo kwaika bwima, kunu batakutura kubonamo cikayo, korereki unu atakwimireko e:sware, atana cibi:bi ca kukwaikako.

Tiito 2:8 ပူးပေါင်းရင်းမြစ်များ

Mariko 12:17

Yeesu ˆnaabhabhwira ati, “Ebhiinu bhya Kayisaari muyaane Kayisaari, na ebhya Nyamuwanga muyaane Nyamuwanga.” Bhoone nibhamuruguura muno.

Mariko 12:28

Omwanya gunu Yeesu aariga ˆnaabhambasyanya na Abhasadukaayo, omwiyigisya umwi wa ebhiraagiro bhya Muusa ˆnaakinga, ˆnoongwa chinu chaariga nichikora nibhabhambasyanya. Ejire oongwa ati Yeesu aabhasubhya kisi, ˆnaamubhuusya ati, “Mu‑bhiraagiro bhyone, ni chiraagiro ki chinu chiri cha okwamba?”

Mariko 12:32

Omwiyigisya wa ebhiraagiro oyo ˆnaabhwira Yeesu ati, “Waayika kisi Mwiyigisya! Waayika chimari ati Raatabhugenyi Nyamuwanga ni umwi era, atari‑wo owundi wuri, tari ni mwene eenyere.

Mariko 12:34

Yeesu ejire aarora ati omuunu oyo aasubhya kwa obhwengeeso, ˆnaamubhwira ati, “Awe utari kura mu‑kwingira mu‑bhukama bhwa Nyamuwanga.” Okwambira omwanya ogwo, atari‑wo omuunu noorwo umwi unu ꞉aaregeejere okubhuusya Yeesu amabhuusyo agandi.

Ruuka 13:17

Yeesu ejire aayika kutyo, abhaanu bhanu bhaariga nibhabhambasyanya nage, nibheeswara. Nawe abhaanu abhandi, nibhakonderwa muno, ku‑songa ya emisango ja ebhiruguusyo jinu aariga ˆnaakora.

2 Batesalonika 3:14

Araabha omuunu woonewoone, atakwenda okuruubha emisango jeeswe jinu jiri ku‑nyarubha inu, mwikenge omuunu oyo. Musige okubha na obhumwi nage, korereki eesware.

1 Timoteo 5:14

Woori, anye enikena abhatumbagasi abhasigaji, bhabhe nibhatwarwa, bheebhure abhaana na okwangarira jinyuumba jeebhwe abheene, korereki abhasoko bheeswe bhaasiga okuchayika kubhiibhi.

1 Timoteo 6:3

Bhari‑wo abhaanu bhanu abheeyigisya ameeyigisyo ga orubheeyi. Abheeyigisya ameeyigisyo ganu gatakwikirisyanya na ameeyigisyo ga echimari ga Raatabhugenyi weeswe Yeesu Kirisito, ka wone gatakwikirisyanya na ameeyigisyo ganu agasakira abhaanu okwikara rwa kutyo Nyamuwanga keenda.

Tiito 3:14

Abheejaasu bhoone, bheeyigire okwikomeesye okukora ebhikorwa bhya ekisi, korereki bhabhe na obhuturo bhwa okusakira abhaanu bha obhukene bhwa bhusibhusi. Bhaakakora kutyo obhurame bhwebhwe bhutaribhurwa amatwasyo.

1 Petero 2:12

Mubhe na jitungwa ja ekisi agatigati ya abhaanu bhanu bhatakwikirisya Nyamuwanga, korereki araabha abhabhakuurisya ati, muri bhajabhi, bhaakarora ebhikorwa bhyemwe bhya ekisi, bhakusye Nyamuwanga ku‑songa yeemwe, orusuku rwa okusubha kwaye.

1 Petero 2:15

Nyamuwanga keenda ati, mukore ebhikorwa bhya ekisi, korereki mujibhisye abhaanu abhamuumu bhanu bhatakumenya emisango jaaye.

1 Petero 3:16

Mubhega na emitima emyeru, korereki bhanu abhabhakuurisya amabhiibhi bhaakarora akatungiiywe keemwe ka ekisi ku‑Kirisito, bheesware.