Tiito 2:12 - Indagano Inyaaya mu-Chijita

¹² Obhwitiriranya obhwo, obhuchiiyigisya okurema ebhibhiibhi na obhurigire bhwa echaaro, korereki chirame obhurame bhwa okwiyingirira, bhwa obhurengeresi na obhwa okuramya Nyamuwanga ku‑chaaro cha woori chinu.

INDAGANO INYA:YA

¹² Ecici:igisya okurema obunyamusi na marigire ge ca:ro, korereki cibega ci:baririye mu magoro ga wori mu burenge:resi na mu kuru:baga Nyamuanga.

Tiito 2:12 ပူးပေါင်းရင်းမြစ်များ

Matayo 12:32

Ka wone, Nyamuwanga arifwira echigongo abhaanu bhanu abhanyayika kubhiibhi, anye Omwana wa Omuunu. Nawe atarifwira echigongo abhaanu bhanu abhaayika kubhiibhi Mwoyo Mweru, ku‑mwanya gunu, amwi gunu oguuja.

Matayo 16:24

Mbe, Yeesu ˆnaabhwira abheeyigisibhwa bhaaye ati, “Omuunu woonewoone unu keenda okunduubha, keendwa eeyigaane omwene, abhature omusarabha gwaye, anduubhe.

Matayo 28:20

na okubheeyigisya okugwata joone jinu ꞉naabharagiriiye. Mwichuke ati, anye niri aamwi na emwe siku joone, okukingira ku‑bhuteero bhwa echaaro.”

Ruuka 1:6

Abhaanu bhanu ku‑bhubhiri bhwebhwe, bhaariga bhari bharengeresi mu‑meeso ga Nyamuwanga. Ka wone bhaariga nibhagayuka ebhiraagiro bhyone bhya Raatabhugenyi, nibhabhiruubhiriraga, okubhisiga wuri.

Ruuka 1:75

Chiribha abheeyikanyibhwa na abharengeresi, mu‑meeso gaaye na mu‑bhurame bhweswe bhwone.

Yowana 14:30

Nitakutura okwayika na emwe emisango myafu rindi, kwa okubha Syetaani, omukuru wa echaaro chinu kaaja. Nawe atari na obhuturo inguru yaani.

Yowana 6:25

Abhaanu abho bhejire bhaakinga ku‑ngego ya inyanja, nibhasongʼana Yeesu, nibhamubhuusya ati, “Omwiyigisya, ꞉weejire ri enu?”

Ebikorwa 24:16

Kurwa ejo, eniikomeesya siku joone okubha na omutima omweru imbere ya Nyamuwanga na imbere ya abhaanu.

Ebikorwa 24:25

Omwanya gunu Pawuro ꞉aayikire inguru ya obhurengeresi, okwiyingirira na inguru ya orusuku runu Nyamuwanga ariramura bhuri muunu. Feeriki ˆnoobhaya, ˆnaayika ati, “Woori, nuugende. Nikabhona omwanya enija okukubhirikira rindi.”

Barumi 12:2

Mwasiga okuruubha jitungwa ja abhaanu bha echaaro chinu, nawe musige Nyamuwanga ayindure emitima jeemwe, korereki mubhe na obhwiganirisya obhuyaaya. Awo niwo muriiyigira okumenya jinu Nyamuwanga keenda kwa okujikora. Murimenya ati ni misango ki jinu jiri ja ekisi, jinu ejimukondisya, ka wone jinu jikuumiiye.

Barumi 6:12

Kurwa ejo, mwasiga okwikirisya echibhiibhi chitunge emibhiri jeemwe jinu ejifwa. Mwasiga okwikirisya okukururwa na okurigira okubhiibhi kwa emibhiri jeemwe.

Barumi 6:19

Naasimura na emwe ku‑chijekekanyo echo cha obhugaya, kwa okubha emwe mutari bhaangu okumenya chinu enaayika. Kara, mwariga nimusoosya ebhiwuga bhyone bhya emibhiri jeemwe okukora emisango emijabhi, mwariga muri bhagaya bha ebhibhiibhi, na ebhibhiibhi bhyemwe ꞉bhyeyongesiisye muno. Nawe woori, mubhe nimwisoosya ku‑Nyamuwanga ebhiwuga bhyone bhya emibhiri jeemwe, mubhe abhakosi bha emisango ja obhurengeresi, korereki mukorere emirimu Nyamuwanga kwa omwoyo gwone.

Barumi 8:13

Araabha mukeekara nimutangasibhwaga na obhusimukwa bhwa echibhiibhi, murifwa. Nawe, mukasingaarisya chimwi ku‑managa ga Mwoyo Mweru, ebhikorwa bhya obhusimukwa bhwa echibhiibhi, murirama akajaanende koone.

2 Bakorinto 1:12

Mbe, eswe echiikuuya ku‑musango gumwi. Emitima jeeswe ejichibhambaarira ati, chiikaaye kwa obhurengeresi na okwa obhwiyikanyibhwa bhunu obhusooka ku‑Nyamuwanga. ꞉Chitaakorere kutyo okuruubhana na obhwengeeso bhwa echinyamuunu, tari ku‑bhwitiriranya bhwa Nyamuwanga. Nikwo kutyo chiikaaye ku‑chaaro anu, na chimwichimwi mu‑bhungwani bhweswe na emwe.

2 Bakorinto 7:1

Woori, abheendwa bhaani, Nyamuwanga ꞉aaragire okuchiyaana ejo joone. Kurwa ejo, chiiyesye kwa okusigana na obhujabhi bhwone, bhwa echinyamubhiri na obhwa echinyamwoyo. Chibhe abheeru ku‑misango joone, ku‑njira ya okuramya Nyamuwanga.

Bagalatia 1:4

Kirisito ꞉aasoosiisye obhurame bhwaye, inguru ya okusoosya‑wo ebhibhiibhi bhyeswe, korereki achichungure okusooka mu‑bhibhiibhi bhyone bhya echaaro chinu cha woori. ꞉Aakorere kutyo, okuruubhana na okwenda kwa Nyamuwanga Raata weeswe.

Bagalatia 5:24

Abhaanu bhanu bhari na obhumwi na Kirisito Yeesu, bhatakutungwa na okurigira kwebhwe kwa omubhiri aamwi na obhwiganirisya bhwebhwe obhubhiibhi. Bhaabhambire okurigira okwo, ku‑musarabha gwa Yeesu.

Baefeso 1:4

Okubha, Nyamuwanga ꞉aachisorere chibhe na obhumwi na Kirisito, noorwo achaari okubhumba echaaro, korereki mu‑ryenda ryaye chibhe abheeru bhanyamburwa esoro mu‑meeso gaaye.

Baefeso 2:2

Ku‑mwanya ogwo, mwaruubhaga jitungwa jimbiibhi ja echaaro chinu. ꞉Mweekaaye nimuruubhaga Syetaani, omutungi wa obhuturo bhwa echinyamwoyo mu‑rutumba, niryo risambwa rinu woori ritungire abhaanu bhanu bhatakugayuka Nyamuwanga.

Bakolosai 1:22

ku‑njira ya orufu rwa Kirisito. ꞉Aakorere kutyo, korereki abhareete imbere yaaye muri bheeru, bhanyataayikwa kubhiibhi noorwo mutari na esoro.

1 Batesalonika 4:7

Okubha Nyamuwanga ꞉ataachibhirikiiye korereki chikore obhujabhi, tari ꞉aachibhirikiiye chirame mu‑bhweru.

1 Batesalonika 4:9

Mbe, bhutari‑wo obhukene bhwa okubhakaamira inguru ya okwendana, kwa okubha Nyamuwanga omwene ꞉aabheeyigisiisye kutyo jeenderwe mwendane abheene kwa abheene.

1 Timoteo 4:12

Omuunu woonewoone asige okukugaya, kwa okubha ati uchaari musigaji, tari wiikomeesye okubha echijekekanyo cha ekisi ku‑bheekirisya mu‑nyaayika, mu‑tungwa, mu‑ryenda, mu‑riikirisya na mu‑bhwima.

1 Timoteo 6:17

Ukomeeresyega abhaniibhi bha ebhiinu bhya mu‑chaaro munu ati bhasige okwikuuya, noorwo okwiyikanya obhuniibhi bhwebhwe. Obhuniibhi obhwo ni bhwa kasinjeeke era. Tari bheeyikanye Nyamuwanga unu mu‑bhufura bhwaye kaachiyaana ebhiinu bhyone bhinu echikena, korereki chibhikondererwe.

1 Timoteo 6:9

Nawe abhaanu bhanu bhari na obhurigire bhwa obhuniibhi, abhagwa mu‑maregeejo, nibhakomwa mu‑tuura na mu‑namba nyafu ja obhutaamutaamu. Obhurigire obhwo obhubhanyamura okukingira bhasingaarisibhwe.

2 Timoteo 3:12

Nyabhuriko, bhoone bhanu abheekirisya Kirisito Yeesu na abhakena okurama na okuramya Nyamuwanga, bharinyaasibhwa.

2 Timoteo 4:10

Okubha Deema ꞉eegombere bhya ku‑chaaro kunu, ˆnaansiga ˆnaabhirimira mu‑musi gwa Tesaroonike. Kireseke ꞉aagendere okukorera Nyamuwanga mu‑mukoowa gwa Garaatiya. Nyabhuriko Tiito ꞉aagendere okumukorera mu‑mukoowa gwa Daramaatiya.

Tiito 3:3

Okubha eswe wone, kara awo chaariga chiri bhataamutaamu, bhanyatagayuka na chijigirwe. Chaariga chitungirwe na okurigira na jitungwa jimbiibhi ja bhuri mbaga. Nyabhuriko chaariga chiikaaye mu‑bhujabhi na orwiso, nichibhiiyisya na chisokeene eswe abheene kwa abheene.

Baeburania 8:11

Ataribha‑wo omuunu woonewoone unu aribhaga ˆneeyigisya oweejaabho, amwi omuunu okubhwira omuyiri waaye ati, ‘Umenye Raatabhugenyi.’ Okubha bhoone, okwambira ku‑mutooto okukingira ku‑mukuru bharimmenya.

Yakobo 1:27

Okuramya kunu okukondera Raata Nyamuwanga weeswe, kunu kutari‑ko esoro ni okusakira abhaana bhanu bhafwiriiywe abheebhusi bheebhwe na abhatumbagasi mu‑nyaako jeebhwe na okwiyangarira omwene, korereki asige okunyamurwa na ebhibhiibhi bhya echaaro chinu.

2 Petero 2:9

Kurwa ejo, Raatabhugenyi kaamenya kutyo kaawonʼya okusooka mu‑maregeejo abhaanu bhanu abhamugayuka. Ka wone, kaamenya kutyo kaja okuyaana ebhitiibha abhakosi bha ebhibhiibhi orusuku rurya rwa okuramurwa,

2 Petero 3:11

Mbe, kwa okubha ebhiinu bhyone bhirisingaarisibhwa ku‑njira eyo, angu, emwe mwenderwe okubha abhaanu bha jitungwa ki mu‑chaaro chinu? Mwenderwe okwikara mu‑bhweru na okuyaana echibharo Nyamuwanga,

1 Yoana 2:27

Nawe emwe, Kirisito abhayaaye Mwoyo Mweru unu ari mu‑myoyo jeemwe. Mutakukena omuunu owundi wa okubheeyigisya emisango ja echimari. Okubha Mwoyo Mweru kaabheeyigisya bhuri chiinu chinu omukena okumenya. Ameeyigisyo gaaye ni ga echimari, gatari ga orubheeyi. Kurwa ejo, mugenderere okubha na obhumwi na Kirisito.

1 Yoana 2:6

Omuunu unu kaayika ati ari na obhumwi na Nyamuwanga, kaakenwa akore rwa kutyo Yeesu aariga ˆnaakora.

1 Yoana 5:19

Eswe echimenya ati, chiri bhaana bha Nyamuwanga. Omubhiibhi urya atungire abhaanu abhandi bhoone bhanu bhatari na obhumwi na Nyamuwanga.

Yuuda 1:18

Bhaabhabhwiraga ati, “Mu‑siku ja obhuteero bhariibhuka abhaanu abha okusiijaaka, bhanu bhariruubhaga okurigira kwebhwe okubhiibhi.”

Obhusweruro 14:12

Woori, abheeru bha Nyamuwanga abhakenwa bheegumiirisye. Abho nibho abhagwata ebhiraagiro bhya Nyamuwanga na okwikirisya Yeesu.