Tiito 2:10 - Indagano Inyaaya mu-Chijita

¹⁰ Noorwo bhasige okubheebhira, tari bheeresye obhwiyikanyibhwa bhwone, korereki ku‑misango joone bhareete jikuma ja ekisi ku‑meeyigisyo ga Nyamuwanga Omuchungusi weeswe.

INDAGANO INYA:YA

¹⁰ Basigega kwiba, nawe be:resyega okwiikanyibwa kwone kwo bwana, korereki bakondyega okwiigisya kwa Nyamuanga Omukisya weswe mu byone.

Tiito 2:10 ပူးပေါင်းရင်းမြစ်များ

Matayo 24:45

Yeesu ˆnaabhuusya abheeyigisibhwa bhaaye ati, “Mbe, ni mugaya ki omwiyikanyibhwa na owa obhwengeeso? Ni mugaya unu omwami waaye ateeye‑wo okubha omwangarisi wa bhagaya abhandi mu‑nju yaaye, korereki abhe ˆnaabhayaana ebhiryo ku‑mwanya gwaye.

Matayo 5:16

Nikwo kutyo, obhweru bhwemwe obhukenwa bhumurikirega abhaanu, korereki bharore ebhikorwa bhyemwe bhya ekisi, bhakusye Esomwana unu ari mu‑rwire.

Ruuka 1:47

na omwoyo gwani, ogukondererwa Nyamuwanga, Omuchungusi waani.

Ruuka 1:80

Mbe omwana oyo Yowana, ˆnaakura, ˆnaabhona amanaga mu‑mwoyo gwaye. ˆNaagenda okwikara mw‑ibhara, okukingira ku‑mwanya gwa okwibhuurisya ku‑Bhayisirayeeri.

Ruuka 16:10

“Omuunu omwiyikanyibhwa ku‑misango emitooto, ni mwiyikanyibhwa noorwo ku‑misango eminene. Nyabhuriko, omuunu unu atari mwiyikanyibhwa ku‑misango emitooto, ataribha omwiyikanyibhwa noorwo ku‑misango eminene.

Yowana 12:6

Yuuda ꞉ataayikire kutyo inguru ya okwigana abhataka, tari kwa okubha aariga ari mwifi. Omwene niwe aabhiikaga isagwa ya jipirya. Ka wone eebhaga bhinu bhyabhiikwaga mu‑sagwa omwo.

1 Bakorinto 4:2

Woori, omuunu unu ayaaywe emirimu, keendwa abhe omukosi omwiyikanyibhwa.

Baefeso 4:1

Kurwa ejo, anye unu niri mubhoywa inguru ya obhukosi bhwani ku‑Raatabhugenyi, enibheerembeeresya ati, murame ku‑njira inu iiyire obhubhirikisi bhunu Nyamuwanga abhabhirikiriiye.

Bafilipi 1:27

Mbe, omusango gwa bhusibhusi ni ati jitungwa jeemwe jingane na Emisango ja Ekisi ja Kirisito. Aribha naaja okubharora, amwi nikarema okuuja, eneenda okuungwa ati omugenderera okurumatana na okubha na obhumwi, ka wone ati muri aamwi mu‑kurwanirira eriikirisya rinu erisookana na Emisango ja Ekisi.

Bafilipi 4:8

Ku‑bhuteero, abhayiri bhaani, emisango ja echimari, emisango jinu jiiyire jiyanwe echibharo, emisango ja obhurengeresi, emisango emyeru, emisango jinu ejikondisya, emisango jinu jiri ja ekisi, emisango jinu jiiyire okukuuyibhwa, ejo nijo mwiganirisye.

1 Timoteo 1:1

Inyarubha inu, niikaamire anye Pawuro, itumwa ya Yeesu Kirisito. Anye nitumirwe okubha itumwa ya Kirisito Yeesu ku‑chiragiriro cha Nyamuwanga Omuchungusi weeswe na Kirisito Yeesu niwe obhwiyikanyo bhweswe.

1 Timoteo 5:17

Abhakaruka bhanu abhaangarira rikanisa kisi, bhayaanwe echibharo na okukorerwa eja ekisi, chimwichimwi bhanu abheesoosya okuraasya na okwiyigisya.

1 Timoteo 6:1

Abhagaya bhoone bhanu bhari bheekirisya, bhagayuke abhaami bheebhwe. Bhaakakora kutyo, abhaanu bhatakuja okufumirisya Nyamuwanga noorwo ameeyigisyo geeswe.

1 Timoteo 6:3

Bhari‑wo abhaanu bhanu abheeyigisya ameeyigisyo ga orubheeyi. Abheeyigisya ameeyigisyo ganu gatakwikirisyanya na ameeyigisyo ga echimari ga Raatabhugenyi weeswe Yeesu Kirisito, ka wone gatakwikirisyanya na ameeyigisyo ganu agasakira abhaanu okwikara rwa kutyo Nyamuwanga keenda.

Tiito 1:3

Omwanya gwejire gwakuumira, Nyamuwanga ꞉aaramuuye okuswerura abhweru Emisango jaaye ja Ekisi. Nyamuwanga Omuchungusi weeswe, ku‑chiraagiro chaaye, anaaye omurimu gwa okuraasya emisango ejo.

Tiito 3:4

Nawe Nyamuwanga Omuchungusi weeswe, ꞉eeresiisye bhwa ekisi na eryenda ryaye ku‑bhaanu na okuchichungura.

1 Petero 2:12

Mubhe na jitungwa ja ekisi agatigati ya abhaanu bhanu bhatakwikirisya Nyamuwanga, korereki araabha abhabhakuurisya ati, muri bhajabhi, bhaakarora ebhikorwa bhyemwe bhya ekisi, bhakusye Nyamuwanga ku‑songa yeemwe, orusuku rwa okusubha kwaye.

1 Petero 3:16

Mubhega na emitima emyeru, korereki bhanu abhabhakuurisya amabhiibhi bhaakarora akatungiiywe keemwe ka ekisi ku‑Kirisito, bheesware.

2 Yoana 1:9

Omuunu woonewoone unu atakugenderera okuruubha ameeyigisyo ga Kirisito, ka wone kaagayindura, oyo atari na obhumwi na Nyamuwanga. Nawe, unu kaagenderera okugaruubha, oyo ari na obhumwi na Raata Nyamuwanga na Omwana waaye wone.