Tiito 1:8 - Indagano Inyaaya mu-Chijita

⁸ Tari abhe mufura, abhe omwendi wa ja ekisi, abhe na obhwengeeso, abhe omurengeresi, abhe omweru, abhe na obhuturo bhwa okwiyingirira omwene.

INDAGANO INYA:YA

⁸ Nawe abega mukumi wa bagenyi, unu kenda ebire:si, unu ke:baririra, no murenge:resi, no mweru, na mwirindi.

Tiito 1:8 ပူးပေါင်းရင်းမြစ်များ

Ruuka 2:25

Yerusareemu awo, aariga ari‑wo omuunu umwi unu aatogwaga ati, Simiyooni. Simiyooni oyo aariga ari murengeresi na aagayukaga Nyamuwanga. Omuunu oyo aarindiriraga okurora obhuchungusi bhwa Nyamuwanga ku‑Bhayisirayeeri. Mwoyo Mweru aariga ari aamwi nage.

Ebikorwa 24:25

Omwanya gunu Pawuro ꞉aayikire inguru ya obhurengeresi, okwiyingirira na inguru ya orusuku runu Nyamuwanga ariramura bhuri muunu. Feeriki ˆnoobhaya, ˆnaayika ati, “Woori, nuugende. Nikabhona omwanya enija okukubhirikira rindi.”

1 Batesalonika 2:10

Emwe omumenya, Nyamuwanga wone kaamenya ati, bhunu ꞉cheekaaye kw‑imwe abheekirisya, itungwa yeeswe yaariga iri ya ekisi na eya obhurengeresi, ka wone chaariga chitari na esoro.

1 Timoteo 3:2

Mbe, bhuri mwangarisi wa rikanisa, abhe omuunu unu atari‑ko esoro. Abhe murume wa omugasi umwi era, abhe omwiyingirisi, ka wone abhe na obhwengeeso, omuunu unu kaayaanwa echibharo, omufura na abhe omuunu unu kaamenya okwiyigisya.

1 Timoteo 4:12

Omuunu woonewoone asige okukugaya, kwa okubha ati uchaari musigaji, tari wiikomeesye okubha echijekekanyo cha ekisi ku‑bheekirisya mu‑nyaayika, mu‑tungwa, mu‑ryenda, mu‑riikirisya na mu‑bhwima.

1 Timoteo 6:11

Nawe awe, omuunu wa Nyamuwanga, wiiruke ejo. Uruubhega rirenga, okurama rwa kutyo Nyamuwanga keenda, eriikirisya, eryenda, okwigumiirisya na obhworooro.

2 Timoteo 2:22

Wiiruke obhurigire bhwa echisigaji, uruubhega rirenga, eriikirisya, eryenda na omurembe. Ugwatirire ejo, aamwi na bhoone bhanu abhasabhwa Raatabhugenyi kwa omutima omweru.

2 Timoteo 3:3

Ka wone, bhataryendaga omuunu woonewoone, bhataryendaga okugwatanyibhwa, bharibhaga abharomi bha abhaanu, bhatariyingirira, abharuru na bhataryendaga ebhikorwa bhya ekisi,

Tiito 2:7

Awe wone, ku‑misango ejo joone, ubhe echijekekanyo cha okwiyikanyibhwa cha ebhikorwa bhya ekisi. Mu‑meeyigisyo gaawo, weeresye echimari na echibharo.

1 Yoana 3:14

Eswe chimenyere ati chaasookere mu‑managa ga orufu na woori chiri na obhuwanga bhwa akajaanende koone. Echimenya kutyo, kwa okubha woori echeenda abheejaasu. Omuunu woonewoone unu atakwenda abheejaabho, oyo chimari achaari mu‑managa ga orufu.

1 Yoana 5:1

Woori, omuunu woonewoone unu keekirisya ati Yeesu ni Kirisito, omuunu oyo niwe omwana wa Nyamuwanga. Ka wone, woonewoone unu keenda omwibhusi wa omwana, keenda na abhaana bha omwibhusi oyo.