Tiito 1:5 - Indagano Inyaaya mu-Chijita

⁵ ꞉Naakusigire Kireete awo, korereki utuure‑wo obhwisombooro bhwa ekisi ku‑misango ejindi jinu jisigaaye, aamwi na okusora abhakaruka bha rikanisa mu‑bhuri rara, rwa kutyo ꞉naakweresiisye.

INDAGANO INYA:YA

⁵ Kwonakorere ninkusiga mu Kerete, ukorereki ucumega binu byasigariye, utega abakaruka mu misi jo:ne, rwanye kutyo nakuragiriye.

Tiito 1:5 ပူးပေါင်းရင်းမြစ်များ

Ebikorwa 11:30

Nibhakora kutyo, nibhayaana Bharinaabha na Saawuri ebhiyaanwa bhyebhwe, korereki bhabhisire ku‑bhakaruka bha rikanisa rya Yerusareemu.

Ebikorwa 14:23

Pawuro na Bharinaabha nibhasora abhakaruka mu‑bhuri rikanisa. Mu‑kwiyima okurya na okubhasabhirwa, nibhabhatuura mu‑mabhoko ga Raatabhugenyi Yeesu, unu ꞉bheekirisiisye.

Ebikorwa 2:11

Bhari‑wo abhandi ni Abhakireete na abhandi ni Abhaarabhu. Eswe bhoone, echuungwa nibhakuuya Nyamuwanga ku‑bhikorwa bhyaye ebhinene, mu‑nyaayika jeeswe!”

Ebikorwa 27:12

Aamwi na ejo, echigobho echo chaariga chiri‑ko chaariga chiteeyire okubha‑ko omwanya gwa imbewo. Kurwa ejo, abhaanu bhaafu mu‑ngarabha nibhatema echiina ati, bhasooke awo, jikaturikana bhagende ku‑chigobho echindi kw‑isinga rya Kireete rinu eritogwa Fiinekisi. Bhabhe awo omwanya gwa imbewo ogwo, kwa okubha echigobho cha Fiinekisi echiroreerera ebhurimbe ya ebhugwa esuubha na ebhuwanga ya ebhugwa esuubha.

Ebikorwa 27:13

Mbe, omuyaga gwa ekisi nigwamba okuyemba okusooka orubhaara rwa ebhurimbe. Nigukora abha ingarabha eyo okwiganirisya ati bhaabhona injira ya okugenderera na orugendo rwebhwe, rwa kutyo bhaariga bheendere. Kurwa ejo, nibheeya inanga, nibhasooka‑wo, nibhatura ku‑njekekera ya risinga rya Kireete.

Ebikorwa 27:21

Gwejire gwatura omwanya omureera bhachaari okurya ebhiryo, Pawuro ˆneemereeguru agati yeebhwe, ˆnaabhabhwira ati, “Bhamura, ku‑mwanya gurya chiri Kireete ꞉naabhabhwiriiye ati chisige okusooka‑wo, jaariga jiiyire muntegeresye. Mukantegeresiisye, ebhiinu bhyemwe bhitakasingaarikire noorwo okufwirwa‑mo kutya.

Ebikorwa 27:7

Nichigenderera na orugendo rweswe bhwombobhwombo kwa siku nyafu na kwa nyaako muno. Ku‑bhuteero, nichirebherera omusi gwa Niido, ku‑mbarimbari ya omukoowa gwa Asiya. Omwanya gunu omuyaga gwa ebhutwe ꞉gwachiyingiriiye, nichiyinda orubhaara rwa ebhurimbe rwa risinga rya Kireete nichituraga ayeeyi na omusi gwa Sarimoone.

1 Bakorinto 11:34

Araabha omuunu ari na omweko, aryega iika ewaaye, korereki okwikumanya kwemwe aamwi, kwasiga okukora muramurwe. Amaragiriro agandi ganu gasigaaye, niribhayaana omwanya gunu niriija.

1 Bakorinto 14:40

Nawe emisango joone jikorekane kisi, ka wone kwa obhwisombooro.

1 Bakorinto 4:17

Ku‑songa eyo, ꞉naatumire Timoteewo, omwana waani omwendwa, unu ari mwiyikanyibhwa ku‑mirimu ja Raatabhugenyi. Omwene kaja okubheechukya kutyo anye eniruubha Kirisito, jiri rwa kutyo eniiyigisya abhaanu bhuri rubhaara mu‑makanisa goone.

Bakolosai 2:5

Enaayika ejo noorwo kutyo nitari aamwi na emwe echinyamubhiri, nawe niri aamwi na emwe echinyamwoyo. Enikonderwa, kwa okubha enuungwa inguru ya obhumwi bhwemwe na okurumatana kwa eriikirisya ryemwe ku‑Kirisito.

1 Timoteo 1:3

Omwanya gunu ꞉neemukire okugenda mu‑mukoowa gwa Makedooniya, ꞉naakusabhirwe ubhe mu‑musi gwa Yefeeso. ꞉Naakusabhirwe ukore kutyo korereki ugonye abhaanu bhanu abheeyigisya ameeyigisyo ga orubheeyi.

2 Timoteo 2:2

Awe ꞉woonguuwe ameeyigisyo ganu neeyigisyaga imbere ya abhabhambaasi bhaafu. Mbe, awe wone uyaane abhaanu abheeyikanyibhwa, bhanu abhatura okwiyigisya abhandi.

Tiito 1:12

Noorwo owumwi wa abharagi bha Abhakireete, ꞉aayikire ati, “Abhakireete ni bhabheeyi siku joone, ni tyanyi mbiibhi ja mw‑ibhara, ni bhananamba ka ni bharenga.”