Tiito 1:4 - Indagano Inyaaya mu-Chijita

⁴ Enikukaamira awe Tiito, omwana waani wa echimari mu‑riikirisya rinu echisangira aamwi. Obhwitiriranya na omurembe okusooka ku‑Raata Nyamuwanga na ku‑Kirisito Yeesu Omuchungusi weeswe, bhibhe aamwi na awe.

INDAGANO INYA:YA

⁴ Ku Tito, omwana wani kata mu kwikirisya kweswe bo:ne. Ecigongo no murembe bibega kwawe, binu ebiso:ka ku Nyamuanga Rata na ku Kristo Yesu Mukisya weswe.

Tiito 1:4 ပူးပေါင်းရင်းမြစ်များ

Ruuka 2:11

Reero inu, mu‑musi gwa Dawudi, eebhurwa‑mo Omuchungusi weemwe. Omuchungusi oyo niwe Kirisito Raatabhugenyi.

Yowana 4:42

Nibhabhwira omugasi oyo ati, “Woori cheekirisya omuunu unu jitari ku‑misango jinu waachibhwira. Tari kwa okubha eswe abheene cheeyungwirwa emisango jinu kaayika. Woori chimenyere chimari ati, omuunu unu niwe Omuchungusi wa echaaro.”

Barumi 1:12

Chinu eneenda ni ati, eriikirisya ryemwe rindumatanye, na eriikirisya ryani ribharumatanye.

Barumi 1:7

Enibhakaamira emwe abheekirisya bhoone bhanu muri Ruumi eyo. Nyamuwanga kaabheenda muno, na abhabhirikiiye, korereki mubhe abhaanu bhaaye abheeru. Obhwitiriranya na omurembe okusooka ku‑Nyamuwanga Raata weeswe, na ku‑Raatabhugenyi Yeesu Kirisito, bhibhe aamwi na emwe.

2 Bakorinto 12:18

꞉Neerembeeresiisye Tiito aaje kw‑imwe, aamwi na omuyiri weeswe owundi mu‑riikirisya. Woori, Tiito ꞉aabhateesiisye echiinu choonechoone? Angu, mutakurora ati anye na omwene chiri chiinu chimwi ku‑mirimu, ka wone noorwo akatungiiywe keeswe ni kamwi?

2 Bakorinto 2:13

Nawe ꞉niteeyunguuywe kisi mu‑mwoyo gwani, kwa okubha ꞉nitaasongʼeene‑yo Tiito, omuyiri waani mu‑riikirisya. Kurwa ejo, nindaga abhaanu bheende eyo, ninsooka‑wo ningenda Makedooniya.

2 Bakorinto 4:13

Jikaamirwe mu‑Bhikaame Ebhyeru ati, “꞉Neekirisiisye Nyamuwanga, nikwo okukora ꞉naayikire.” Nyabhuriko, eswe wone chiri na omwoyo ogwoogwo gwa eriikirisya, nikwo okukora echaayika.

2 Bakorinto 7:6

Nawe Nyamuwanga unu kaafungʼamya abha obhusurumbaaye, ꞉aachifungʼamiisye mu‑kuuja kwa Tiito.

2 Bakorinto 8:16

Enisiima Nyamuwanga unu ayaaye Tiito omwoyo gwa okubhasakira, rwa gunu anye wone niri nagwo.

2 Bakorinto 8:23

Woori araabha omuunu keenda okusombookerwa emisango inguru ya Tiito, omwene ni mukosi weejaasu, unu kaakora emirimu aamwi na anye ku‑njira ya okubhasakira emwe. Araabha omuunu keenda okusombookerwa emisango inguru ya abhandi bhanu abhaaja aamwi nage, abho ni bhayiri bheeswe mu‑riikirisya, bhatumirwe na amakanisa, abheene wone abhakusya Kirisito.

2 Bakorinto 8:6

Kurwa ejo, ꞉cheerembeeresiisye Tiito ati, aaje abhasakire okumara omurimu gwa obhwitiriranya ogwo, kwa okubha niwe ꞉aagwambisiisye kw‑imwe.

Bagalatia 2:3

Nibheekirisyanya aamwi na anye. Noorwo kutyo oweejaasu Tiito aariga atari Muyawudi, ꞉ataasinyirisiibhwe okutendwa.

Bagalatia 3:26

Woori, emwe bhoone muri bhaana bha Nyamuwanga kwa eriikirisya ryemwe, kwa okubha muri na obhumwi na Kirisito Yeesu.

Bagalatia 3:28

Kurwa ejo, bhutari‑wo obhutaasyanya agati ya Omuyawudi na Omuyunaani, amwi omugaya na omuunu omwitaage, amwi omurume na omugasi. Bhoone muri chiinu chimwi, kwa okubha muri na obhumwi na Kirisito Yeesu.

Baefeso 1:2

Obhwitiriranya na omurembe okusooka ku‑Nyamuwanga Raata weeswe na ku‑Raatabhugenyi Yeesu Kirisito, bhibhe aamwi na emwe.

Bakolosai 1:2

Echikaamira emwe abheeru bha Nyamuwanga bhanu mwikaaye mu‑musi gwa Korosaayi, emwe abhayiri bheeswe abheeyikanyibhwa mu‑kubha na obhumwi na Kirisito. Obhwitiriranya na omurembe okusooka ku‑Nyamuwanga, Raata weeswe, bhibhe aamwi na emwe.

1 Timoteo 1:12

Enisiima Kirisito Yeesu Raatabhugenyi weeswe unu ꞉aanaaye amanaga okukora emirimu jaaye. Enimusiima kwa okubha andorere ati niiyire okubha omukosi waaye,

2 Timoteo 1:1

Inyarubha inu, niikaamire anye Pawuro, itumwa ya Kirisito Yeesu mu‑kwenda kwa Nyamuwanga, korereki niraasye omusango gwa obhuwanga. Nyamuwanga ꞉aachiragire ati obhuwanga obhwo obhubhonekana kwa okwikirisya Kirisito Yeesu.

2 Timoteo 1:2

Enikukaamira awe Timoteewo, omwana waani omwendwa. Obhwitiriranya, echigongo na omurembe okusooka ku‑Raata Nyamuwanga na ku‑Kirisito Yeesu Raatabhugenyi weeswe, bhibhe aamwi na awe.

2 Timoteo 4:10

Okubha Deema ꞉eegombere bhya ku‑chaaro kunu, ˆnaansiga ˆnaabhirimira mu‑musi gwa Tesaroonike. Kireseke ꞉aagendere okukorera Nyamuwanga mu‑mukoowa gwa Garaatiya. Nyabhuriko Tiito ꞉aagendere okumukorera mu‑mukoowa gwa Daramaatiya.

Tiito 1:3

Omwanya gwejire gwakuumira, Nyamuwanga ꞉aaramuuye okuswerura abhweru Emisango jaaye ja Ekisi. Nyamuwanga Omuchungusi weeswe, ku‑chiraagiro chaaye, anaaye omurimu gwa okuraasya emisango ejo.

Tiito 2:13

Eswe, echirindirira chiiyikanyisye inguru ya orusuku rwa okuruguusya runu Yeesu Kirisito arisubha ari mw‑ikusyo ryaye. Omwene niwe Nyamuwanga omukuru na Omuchungusi weeswe.

2 Petero 1:1

Inyarubha inu niikaamire anye Simooni Peetero, omukosi na itumwa ya Yeesu Kirisito. Enikaamira emwe bhanu muyaaywe eriikirisya riryarirya rya obhurambu rinu eswe wone chibhwene, okutura rirenga rya Nyamuwanga na Omuchungusi weeswe Yeesu Kirisito.

2 Petero 1:11

Kutyo, murikumibhwa kisi mu‑bhukama bhwa akajaanende bhwa Raatabhugenyi na Omuchungusi weeswe Yeesu Kirisito.

2 Petero 2:20

Na abhaanu bhaakabha bhaasigire obhujabhi bhwa ku‑chaaro chinu kwa okumenya kisi Raatabhugenyi na Omuchungusi weeswe Yeesu Kirisito, nibheeya nibhakomwa rindi na okutaamibhwa okusooka mu‑bhujabhi obhwo, ku‑bhuteero itungwa ya abhaanu abho, eyibha mbiibhi muno okukira kutyo yaariga iri ku‑bhwambiro.

2 Petero 3:18

Tari mugenderere okukura mu‑bhwitiriranya bhwa Raatabhugenyi na Omuchungusi weeswe Yeesu Kirisito, na mu‑kumumenya. Omwene akusibhwe, woori na akajaanende koone. Jibhe kutyo.

2 Petero 3:2

Eneenda mwichuke emisango jinu ꞉bhaayikire kara abharagi abheeru na wone jinu ꞉aaragiriiye Raatabhugenyi na Omuchungusi okutura ku‑tumwa jaaye.

1 Yoana 5:14

Ribhaasi ryeswe imbere ya Nyamuwanga niryo rinu, echimenya ati kaachitegeresya araabha chikamusabhwa echiinu choonechoone mu‑kwenda kwaye.

Yuuda 1:3

Abheendwa bhaani, neegombaga muno okubhakaamira inguru ya obhuchungusi bhunu echisangira aamwi bhoone. Nawe, woori enirora ati, ni bhusibhusi nibhakaamire inyarubha inu, korereki nibheerembeeresye ati, murwanirire echimari cha eriikirisya rinu Nyamuwanga ꞉aayaaye abheeru bhaaye rumwi era.