Tiito 1:3 - Indagano Inyaaya mu-Chijita

³ Omwanya gwejire gwakuumira, Nyamuwanga ꞉aaramuuye okuswerura abhweru Emisango jaaye ja Ekisi. Nyamuwanga Omuchungusi weeswe, ku‑chiraagiro chaaye, anaaye omurimu gwa okuraasya emisango ejo.

INDAGANO INYA:YA

³ Nawe e:resisye omusango gwae mu mwanya gwae mu busimusi bunu nabi:kisi:bwe anye, rwa kutyo Nyamuanga Omukisya weswe aragiriye.

Tiito 1:3 ပူးပေါင်းရင်းမြစ်များ

Mariko 1:15

Aaraasyaga, ˆnaayikaga ati, “Omwanya gunu ꞉gwaragirwe, gwakinga, obhukama bhwa Nyamuwanga bhuri yeeyi. Mbe, mute ebhibhiibhi bhyemwe ku‑Nyamuwanga na okwikirisya Emisango ja Ekisi ejo.”

Mariko 13:10

Emisango ja Ekisi jeenderwe okuraasibhwa okwamba ku‑bhaanu bha ebhyaro bhyone.

Mariko 16:15

Niwo ˆnaabhabhwira ati, “Mugende mu‑chaaro choone, muraasisye abhaanu bhoone Emisango jaani ja Ekisi.

Ruuka 1:47

na omwoyo gwani, ogukondererwa Nyamuwanga, Omuchungusi waani.

Ebikorwa 10:36

Emwe abheene, mumenyere omusango gunu Nyamuwanga ꞉aasiriiye Abhayisirayeeri. Nibharaasibhwa Emisango ja Ekisi korereki bhabhe na omurembe na Nyamuwanga ku‑njira ya Yeesu Kirisito. Yeesu oyo niwe Raatabhugenyi wa abhaanu bhoone.

Ebikorwa 17:26

꞉Aabhumbire abhaanu bha amaanga goone okusooka ku‑muunu umwi, korereki bheekare mu‑chaaro choone. ꞉Aabhatereeye‑wo na omwanya gwa okwikara okusookerera kara, nyabhuriko ꞉aabhatereeye‑wo na jimbibhi anu abhaja okwikara.

Barumi 15:19

꞉Bhaakongiibhwe okumugayuka, kwa okubha okutura kw‑anye ꞉bhaarorere amanaga ga Kirisito mu‑bhibharikisyo na ebhiruguusyo. ꞉Naabhikorere ku‑managa ga Mwoyo wa Nyamuwanga. Mbe, ꞉neeyindire bhuri rubhaara nindaasyaga Emisango ja Ekisi inguru ya Kirisito, okwambira mu‑musi gwa Yerusareemu okukingira mu‑mukoowa gwa Yiruriko.

Barumi 16:25

Woori, chikusye Nyamuwanga! Omwene kaatura okukora mubhe nimurumatana mu‑riikirisya ryemwe, okutura ku‑Misango ja Ekisi inguru ya Yeesu Kirisito jinu naariga nindaasya kw‑imwe. Emisango ejo nijo obhutinge bhwa imbisike bhunu bhwariga bhubhisirwe kara,

Barumi 16:26

nawe woori, bhwatuurwa abhweru. Okutura mu‑Bhikaame Ebhyeru bhya abharagi, obhutinge obhwo, obhumenyekana ku‑bhaanu bha amaanga goone ku‑chaaro. Nyamuwanga wa akajaanende koone, niwe aaragirira ati obhutinge obhwo bhuraasibhwe ku‑bhaanu bhoone, korereki abho wone bheekirisye na okugayuka Raatabhugenyi Yeesu.

Barumi 5:6

Mbe, omwanya gunu eswe chaariga chitari na amanaga, Kirisito ꞉eejire ˆnaachifwira eswe abhajabhi, ku‑mwanya gunu ꞉gwateeywe‑wo.

1 Bakorinto 9:17

Araabha naakabheeye ninkora omurimu gunu mu‑kwenda kwani omwene, nakeeyikanyiisye okubhona omuyeero. Nawe jitari kutyo kw‑anye, kwa okubha Nyamuwanga anaaye omurimu gunu mu‑kwenda kwaye, korereki nigukore.

Bagalatia 4:4

Nawe jisiku jinu jaariga jiteeywe‑wo jejire jaakuumira, Nyamuwanga ˆnaatuma Omwana waaye ku‑chaaro chinu. Omwana waaye oyo, ꞉eebhuuywe na omugasi rwa eswe, ˆnaatungwa na ebhiraagiro bhya Muusa.

Baefeso 1:10

Obhutinge bhwaye ni ati, aribha gwakuumira omwanya gunu omwene ateeye‑wo, niwo ariwumbanya aamwi ebhiinu bhyone bhibhe emwaro ya obhutungi bhwa Kirisito, ebhiinu bhinu bhiri mu‑rwire na bhinu bhiri mu‑chaaro.

Baefeso 2:17

Kirisito ˆnaaja, ˆnaaraasya Emisango ja Ekisi inguru ya omurembe ku‑bhaanu bhoone, kw‑imwe bhanu mwariga muri kura na Nyamuwanga na ku‑Bhayisirayeeri, bhanu bhaariga bhari yeeyi nage.

Bafilipi 1:13

Abhariisi bhoone bha mw‑iyumba rya obhutungi anu, aamwi na abhandi bhoone, bhamenyere ati nibhoyerwe ku‑songa ya okukora emirimu ja Kirisito.

Bakolosai 1:23

Nawe mwenderwe okugenderera okwikirisya Emisango ja Ekisi murumateene na okubha na amanaga. Mwasiga okwikirisya abhandi bhabhakongye okusiga obhwiyikanyo bhunu ꞉mwabhwene omwanya gunu ꞉mwoonguuwe Emisango ja Ekisi. Emisango ja Ekisi ejo, jiraasiibhwe ku‑bhaanu bhoone ku‑chaaro anu, anye Pawuro nibheeye omukosi waajo.

Bakolosai 1:6

Emisango ja Ekisi jinu ꞉jaakingire kw‑imwe, woori ejiswirana mu‑chaaro choone. Ejigenderera okukora abhaanu bhatwasye amatwasyo na okukura echinyamwoyo, rwa kutyo ꞉jaakorekeene kw‑imwe okusookerera orusuku runu ꞉mwoonguuwe inguru ya obhwitiriranya bhwa Nyamuwanga na okusombookerwa kisi kutyo obhwitiriranya bhwaye bhuri.

1 Batesalonika 2:4

Nawe echiraasya kwa okubha Nyamuwanga ꞉aachiikirisisiisye, ˆnaachiyaana emirimu ja okuraasya Emisango ja Ekisi. Jitari ati, echikena okukondisya abhaanu, tari echikena okukondisya Nyamuwanga unu kaamenya kutyo emyoyo jeeswe jiri.

1 Timoteo 1:1

Inyarubha inu, niikaamire anye Pawuro, itumwa ya Yeesu Kirisito. Anye nitumirwe okubha itumwa ya Kirisito Yeesu ku‑chiragiriro cha Nyamuwanga Omuchungusi weeswe na Kirisito Yeesu niwe obhwiyikanyo bhweswe.

1 Timoteo 1:11

Ameeyigisyo ago agabhonekana mu‑Misango ja Ekisi, jinu ejeeresya rikusyo rya Nyamuwanga wa amabhando goone. Emisango ejo nijo ꞉naayaaywe na Nyamuwanga nijiraasye.

1 Timoteo 2:3

Omusango ogwo ni gwa ekisi, ka wone gukondeeye Nyamuwanga Omuchungusi weeswe.

1 Timoteo 4:10

Ogwo nigwo ogukora nichiikomeesya na okukora emirimu ku‑managa goone, kwa okubha, echiiyikanya Nyamuwanga omuwanga. Omwene niwe Omuchungusi wa abhaanu bhoone, chimwichimwi bhanu abhamwikirisya.

2 Timoteo 4:17

Nawe Raatabhugenyi Yeesu aariga ari aamwi na anye. ꞉Aanaaye amanaga ga okuraasya Emisango joone ja Ekisi, korereki abhaanu bhoone bhanu bhatari Bhayawudi wone bhajuungwe. Ka wone Yeesu ꞉aamonʼyiisye okusooka mu‑rufu, kwa okubha naariga wuti niri mu‑kanwa ka itare.

Tiito 2:10

Noorwo bhasige okubheebhira, tari bheeresye obhwiyikanyibhwa bhwone, korereki ku‑misango joone bhareete jikuma ja ekisi ku‑meeyigisyo ga Nyamuwanga Omuchungusi weeswe.

Tiito 2:13

Eswe, echirindirira chiiyikanyisye inguru ya orusuku rwa okuruguusya runu Yeesu Kirisito arisubha ari mw‑ikusyo ryaye. Omwene niwe Nyamuwanga omukuru na Omuchungusi weeswe.

Obhusweruro 14:16

Niwo omuunu oyo, ˆneesya omuworo gwaye ku‑chaaro, ˆnaagesa ebhigeswa bhya echaaro choone.