Tiito 1:2 - Indagano Inyaaya mu-Chijita

² Niwo bharibha na obhwiyikanyo bhwa obhuwanga bhwa akajaanende bhunu Nyamuwanga ꞉aachiragire noorwo achaari okubhumba echaaro. Omwene atakutura okwayika orubheeyi.

INDAGANO INYA:YA

² Mu kwiikanya kwo buanga bwa kajanende, bunu Nyamuanga aragire anu amagoro ga kajanende gacari kubao, ka niwe atakutura kubebeya.

Tiito 1:2 ပူးပေါင်းရင်းမြစ်များ

Matayo 25:34

“Niwo anye Omukama, niribhwira abhaanu bhanu bhari orubhaara rwani rwa ebhuryo ati, ‘Muuje, emwe bhanu Raata waani ayaaye amabhando. Mwingire mu‑bhukama bhunu Nyamuwanga abheeraabhiiye okusookerera bhunu ꞉aabhumbire echaaro.

Matayo 25:46

“Kurwa ejo, abhakosi bha ebhibhiibhi abho, bharigenda okuramira jimbuma ja akajaanende koone. Nawe abharengeresi imbere ya Nyamuwanga, abho bhariingira mu‑bhuwanga bhwa akajaanende koone.”

Mariko 10:17

Yeesu ejire aamba orugendo, omuunu umwi ˆnaamubhirimira, ˆnaamwifukamira. ˆNaabhuusya Yeesu ati, “Omwiyigisya wa ekisi, nikore kutiki korereki nibhone obhuwanga bhwa akajaanende koone ku‑chaaro chinu echiija?”

Mariko 10:30

Nyamuwanga kaja okumuyaana bhyafu muno okukira bhya okwamba. Noorwo ku‑chaaro chinu ariramira jinju, abhamura bhaabho, abhayara bhaabho, bhanyiramwene, abhaana bhaaye na amabhwi. Aamwi na ebhyo bhyone, aribhona ebhinyaasyo. Ku‑chaaro chinu echiija, ariramira obhuwanga bhwa akajaanende koone.

Yowana 10:28

Anye enijiyaana obhuwanga bhwa kajaanende koone, na jitaribhura wuri. Ka wone atari‑wo omuunu unu kaatura okujisaakura okusooka mu‑mabhoko gaani.

Yowana 17:2

Unaaye obhuturo bhwa okutangasya abhaanu bhoone, korereki nibhayaane obhuwanga bhwa akajaanende bhoone bhanu unaaye.

Yowana 17:24

“Raata, eniigomba ati abhaanu bhanu unaaye bhabhe aamwi na anye anu niribha, korereki bharore rikusyo ryani rinu ꞉waanaaye, kwa okubha ꞉waanyendere noorwo uchaari okubhumba echaaro.

Yowana 5:39

“Omwikomeesya okuyenjeresya mu‑Bhikaame Ebhyeru, kwa okubha omwitogera ati omutura okubhona‑mo obhuwanga bhwa kajaanende koone. Mbe woori, Ebhikaame ebhyo nibhyo ebhimbambaarira anye!

Yowana 6:54

Omuunu woonewoone unu kaarya omubhiri gwani na okunywa isagama yaani, oyo ari na obhuwanga bhwa akajaanende koone, na anye nirimusuurura ku‑rusuku rwa obhuteero.

Yowana 6:68

Simooni Peetero ˆnaamusubhya ati, “Raatabhugenyi, chigende ku‑ga? Awe wenyere naawe uri na emisango jinu ejichiyaana obhuwanga bhwa akajaanende koone.

Ebikorwa 15:18

na nijo ejoejo ꞉jaamenyekeene okusookerera kara.’”

Barumi 1:2

Emisango ja Ekisi ejo, nijo jinu Nyamuwanga ꞉aaragire okwambira kara, okutura ku‑bharagi bhaaye bhanu ꞉bhaakaamire Ebhikaame Ebhyeru.

Barumi 16:25

Woori, chikusye Nyamuwanga! Omwene kaatura okukora mubhe nimurumatana mu‑riikirisya ryemwe, okutura ku‑Misango ja Ekisi inguru ya Yeesu Kirisito jinu naariga nindaasya kw‑imwe. Emisango ejo nijo obhutinge bhwa imbisike bhunu bhwariga bhubhisirwe kara,

Barumi 2:7

Nyamuwanga ariyaana obhuwanga bhwa akajaanende koone abhaanu bhanu abheegumiirisya mu‑kukora ja ekisi okuyigwa wuri, inguru ya okuyenja rikusyo na echibharo na obhuwanga bhunu bhutakunyamuka okusooka ku‑mwene.

Barumi 5:2

Ku‑njira ya okwikirisya Yeesu, Nyamuwanga achiyaaye obhwitiriranya bhwaye. Noorwo woori echigenderera okuramira obhwitiriranya obhwo. Echikonderwa muno, kwa okubha echiiyikanya ati chirisangira aamwi na Nyamuwanga mw‑ikusyo ryaye.

Barumi 5:21

Mbe, echibhiibhi chaariga chiri na amanaga ga okutunga abhaanu na okubhareetera orufu. Kutyokutyo, obhwitiriranya bhwa Nyamuwanga wone obhutunga abhaanu, kwa okubhabhara ati ni bharengeresi. Obhwitiriranya obhwo, obhubhayaana obhuwanga bhwa akajaanende koone, okutura ku‑Raatabhugenyi weeswe Yeesu Kirisito.

Barumi 5:4

Obhwigumiirisya nibhwo obhuchireetera ribhaasi, ribhaasi wone erichireetera obhwiyikanyo.

Barumi 6:23

Omuunu woonewoone unu ari mugaya wa echibhiibhi, omuyeero gwaye ni rufu rwa akajaanende koone. Nawe eswe, Nyamuwanga kaachiyaana obhuwanga bhwa akajaanende koone. Obhuwanga obhwo bhutari muyeero, tari ni chiyaanwa chinu echiramira okutura ku‑Kirisito Yeesu, Raatabhugenyi weeswe.

Bakolosai 1:27

Nyamuwanga ꞉eendere okubhaswerurira bhwa ekisi bhwa obhutinge bhwa imbisike ya okuruguusya, noorwo inguru ya abhaanu bhanu bhatari Bhayawudi. Obhutinge obhwo ni ati Kirisito ari mu‑myoyo jeemwe, ka wone, omwene niwe kaabhayaana obhwiyikanyo ati murisangira rikusyo rya Nyamuwanga.

1 Batesalonika 2:15

Abhayawudi abho, nibho ꞉bheetire Raatabhugenyi Yeesu aamwi na abharagi bha kara. Ka wone, nibho ꞉bhaachinyaasiisye eswe wone. Abhaanu abho abhabhiyisya Nyamuwanga, nyabhuriko ni bhasoko bha abhaanu bhoone,

1 Batesalonika 5:8

Nawe eswe, chiri bhaana bha mu‑mwisi, kurwa ejo chiyingirire. Eriikirisya na eryenda bhibhe mu‑myoyo jeeswe. Okubha ebhiinu ebhyo, bhiri rwa ingubha ya echuuma ku‑bhifubha bhyeswe. Chiiyikanye wone ati, Nyamuwanga arichichungura, niwo echibha wuti chifwaye ingofiira ya echuuma ku‑mitwe.

1 Timoteo 6:12

Komeera okurwana kisi riremo rya eriikirisya, korereki wiibhonere obhuwanga bhwa akajaanende. Obhuwanga obhwo nibhwo ꞉waabhirikiriiywe. Awe omwene ꞉waasoosiisye obhubhambaasi bhwa echimari imbere ya abhabhambaasi bhaafu.

1 Timoteo 6:19

Ku‑njira eyo, bhariibhiikira abheene ebhiinu okubha rwa orufuka rwa ekisi ku‑siku jinu ejiija. Omwanya ogwo niwo bhariramira obhuwanga bhwa echimari.

2 Timoteo 1:1

Inyarubha inu, niikaamire anye Pawuro, itumwa ya Kirisito Yeesu mu‑kwenda kwa Nyamuwanga, korereki niraasye omusango gwa obhuwanga. Nyamuwanga ꞉aachiragire ati obhuwanga obhwo obhubhonekana kwa okwikirisya Kirisito Yeesu.

2 Timoteo 1:9

Omwene ꞉aachichunguuye, ˆnaachibhirikira chibhe abhaana bhaaye abheeru. ꞉Ataakorere kutyo kwa okubha ati ebhikorwa bhyeswe ni bhya ekisi, tari ꞉aakorere kutyo mu‑kwenda kwaye na obhwitiriranya bhwaye. ꞉Aachiyaaye obhwitiriranya obhwo inguru ya Kirisito Yeesu, noorwo achaari okubhumba echaaro.

2 Timoteo 2:10

Kurwa ejo, eniigumiirisya joone inguru ya abhaanu bhanu Nyamuwanga asorere, korereki abheene wone bhabhone obhuchungusi ku‑njira ya okwikirisya Kirisito Yeesu na bhasangire rikusyo ryaye akajaanende.

2 Timoteo 2:13

Araabha eswe chitari abheeyikanyibhwa ku‑mwene, omwene kaagenderera okubha omwiyikanyibhwa, kwa okubha omwene atakutura okwirema.”

2 Timoteo 2:15

Ikomeesya okwiyigisya omusango gwa echimari, rwa kutyo Nyamuwanga keenda. Niwo owuja okubha omukosi wa emirimu unu atakwiswara inguru ya emirimu jaaye. Ejo nijo Nyamuwanga keekirisya.

Tiito 2:13

Eswe, echirindirira chiiyikanyisye inguru ya orusuku rwa okuruguusya runu Yeesu Kirisito arisubha ari mw‑ikusyo ryaye. Omwene niwe Nyamuwanga omukuru na Omuchungusi weeswe.

Tiito 2:7

Awe wone, ku‑misango ejo joone, ubhe echijekekanyo cha okwiyikanyibhwa cha ebhikorwa bhya ekisi. Mu‑meeyigisyo gaawo, weeresye echimari na echibharo.

Tiito 3:7

꞉Aakorere kutyo na okuchibhara ati chiri abharengeresi kwa obhwitiriranya bhwaye, korereki chibhe na obhwiyikanyo ati chiryanjura obhuwanga bhwa akajaanende.

1 Yoana 2:25

Kutyo echiramira obhuwanga bhwa akajaanende koone bhunu ꞉aachiragire.

1 Yoana 5:20

Ka wone, echimenya ati Omwana wa Nyamuwanga eejire mu‑chaaro munu, achiyaanire obhwenge, korereki chisombookerwe Nyamuwanga wa echimari. Chiri na obhumwi na Nyamuwanga wa echimari, kwa okubha chiri na obhumwi na Omwana waaye Yeesu Kirisito. Omwene niwe Nyamuwanga wa echimari, unu ari bhuwanga bhwa akajaanende koone.

Yuuda 1:21

Kwa okukora kutyo, mwiyangarirega mu‑ryenda rya Nyamuwanga, nimugenderera okurindirira obhuwanga bhwa akajaanende koone, bhunu muriyaanwa na Raatabhugenyi weeswe Yeesu Kirisito ku‑chigongo chaaye.

Obhusweruro 13:8

Abhaanu bhoone ku‑chaaro choone bhariramya rityanyi eryo, nawe abhaanu bhoone bhanu amasiina geebhwe gakaamirwe mu‑chitabho cha obhuwanga, okusookerera echaaro chichaari okubhumbwa bhataririramya. Echitabho echo ni cha Omwana wa Inaama unu ꞉aatemerwe omutwe.

Obhusweruro 17:8

Rityanyi rinu ꞉waarorere, ryariga riri aanga nawe woori ryafuuwe. Rityanyi eryo, riri yeeyi okusooka mu‑ryobho rinu ritari na obhuteero, korereki Nyamuwanga arisingaarisye. Abhaanu bhoone ku‑chaaro bhanu amasiina geebhwe ꞉gataakaamirwe mu‑chitabho cha obhuwanga echaaro chichaari okubhumbwa, bhariruguura aribha bhaarora rityanyi eryo ryariga riri‑wo, woori ritari‑wo na riribha‑wo rindi.”