Tiito 1:16 - Indagano Inyaaya mu-Chijita

¹⁶ Abheene abhaayika ati bhamenyere Nyamuwanga, nawe ebhikorwa bhyebhwe ebhyeresya ati abhamwigaana. Abho ni bhaanu bhanu abhafuruurusya muno, ni bhanyatagayuka, bhateeyire ku‑bhikorwa bhyonebhyone bhya ekisi.

INDAGANO INYA:YA

¹⁶ Aba:ika ati, cimenyere Nyamuanga, nawe abamwiga:na mu bikorwa byebwe. Abo abafururusya, ni banyatongwa, ka bate:ire mu bikorwa byone ebyo bwana.

Tiito 1:16 ပူးပေါင်းရင်းမြစ်များ

Barumi 1:28

Mbe, abhaanu bharemere okusombookerwa Nyamuwanga, kurwa ejo Nyamuwanga wone abhasindikire bhabhega nibharuubha obhwiganirisya bhwebhwe bhwa okwiyabhya. Woori abhakora emisango jinu jiteeyire okukorwa.

Baefeso 5:6

Mwasiga okwikirisya omuunu woonewoone okubhajiga kwa emisango ja kutyo era, okubha ebhibhiibhi ebhyo bhyone, nibhyo ebhikora risungu rya Nyamuwanga niriitika ku‑bhanyatagayuka.

1 Timoteo 1:9

Wone jiiyire okumenya ati, ebhiraagiro bhitateeywe‑wo inguru ya abharengeresi, tari inguru ya bhanu abhanyamura ebhiraagiro na inguru ya bhanyatagayuka, ku‑bhanu bhatakuramya Nyamuwanga na ku‑bhakosi bha ebhibhiibhi, ku‑bhanu bhatari na mitima myeru na ku‑bhajabhi, ku‑bhanu abheeta bheesemwene, bhanyiramwene na ku‑bheeti bha abhaanu,

1 Timoteo 5:8

Nawe omuunu woonewoone unu atakusakira abhaanu bhaaye, chimwichimwi bharya bha mu‑musi gwaye, oyo kaabha asigire eriikirisya, ka wone, ni mubhiibhi okukira unu atari mwikirisya.

2 Timoteo 3:17

Mbe, Ebhikaame ebhyo ebhikora abhaana bha Nyamuwanga bhabhe bheemariiriiye na bhabhe bhatengeejere okukora ebhikorwa bhya ekisi.

Tiito 3:1

Ubhe nuwichukya abhaanu bhabhe na echibharo ku‑bhatungi na ku‑bhatangasya bhoone na okubhagayuka. Ni bhusibhusi wone, bhabhega bhatengeejere okukora bhuri echikorwa cha ekisi.

Tiito 3:3

Okubha eswe wone, kara awo chaariga chiri bhataamutaamu, bhanyatagayuka na chijigirwe. Chaariga chitungirwe na okurigira na jitungwa jimbiibhi ja bhuri mbaga. Nyabhuriko chaariga chiikaaye mu‑bhujabhi na orwiso, nichibhiiyisya na chisokeene eswe abheene kwa abheene.

1 Yoana 2:4

Omuunu woonewoone unu kaayika ati kaamusombookerwa, nawe atakugayuka ebhiraagiro bhyaye, ni mubheeyi, atakumenya echimari.

Yuuda 1:4

Enibhakaamira inyarubha inu, kwa okubha bhari‑wo abheeyigisya abharebhe bha orubheeyi bhanu bheeyingisiisye mw‑imwe bhumbise. Abhaanu abho, bhatakugayuka Nyamuwanga. Mu‑meeyigisyo gwebhwe, abhayindura obhwitiriranya bhwa Nyamuwanga weeswe, abhakora bhubhe rwa isonga ya okukora emisango ja orukubho. Ka wone, abheegaana Raatabhugenyi weeswe Yeesu Kirisito, omutangasya weeswe omukuru. Nawe okwambira kara jikaamirwe mu‑Bhikaame Ebhyeru ati, abhaanu abho, bhariramurwa rwa kutyo abhandi ꞉bhaaramuuywe.

Obhusweruro 21:27

Nawe echiinu choonechoone chinu chiri echijabhi chitariingira mu‑musi omwo noorwo na akatyari, noorwo omuunu woonewoone unu kaakora emisango jinu ejifuruurusya amwi ja orubheeyi. Tari bhanu bhariingira mu‑musi omwo ni bharya era bhanu amasiina geebhwe gakaamirwe mu‑chitabho cha obhuwanga cha Omwana wa Inaama.

Obhusweruro 21:8

Nawe abhoobha, abhaanu bhanu bhatakwikirisya Nyamuwanga, bhanu abhamufuruurusya, abheeti, abharomesi, abharosi na bhanu abharamya amasusano, aamwi na abhabheeyi, bhoone abho orubhaara rwebhwe ni mu‑nyanja ya omuriro omururu gwa emisimu ja echibhiriiti. Okwo nikwo okufwa kwa kabhiri.”