Ruuka 9:56 - Indagano Inyaaya mu-Chijita

⁵⁶ Okubha anye Omwana wa Omuunu ꞉niteejire okusingaarisya abhaanu, tari okubhachungura.” Nibhagenda mu‑ruguuyo orundi.

INDAGANO INYA:YA

⁵⁶ Okuba omwana wo mu:nu ate:jire kusimagisya buanga bwa ba:nu tari kubukisya. Mbe:muka nibagenda mu musi gundi.

Ruuka 9:56 ပူးပေါင်းရင်းမြစ်များ

Matayo 18:10

Yeesu ˆnaagenderera okubhabhwira ati, “Mukabhuke, mwasiga okugaya owumwi ku‑bhatooto bhanu! Enibhabhwira kutyo, kwa okubha bhamaraayika bheebhwe mu‑rwire eyo, siku joone bhari imbere ya Raata waani wa mu‑rwire. [

Matayo 18:11

Anye Omwana wa Omuunu, niijire ku‑chaaro korereki nichungure abhaanu bhanu bhabhuriiye mu‑bhibhiibhi.]

Matayo 20:28

Jiri rwa kutyo anye Omwana wa Omuunu, ꞉niteejire okukorerwa emirimu, tari ꞉neejire okukorera emirimu abhaanu na okusoosya obhurame bhwani, korereki neerure abhaanu bhaafu.”

Matayo 5:39

Nawe anye enibhabhwira ati, mwasiga okusubhya orusiima ku‑muunu unu abhakoreeye ebhibhiibhi. Tari, araabha omuunu aakakubhaatuura kw‑itama rya ebhuryo, muyindurire na erya ebhumoosi.

Ruuka 19:10

Okubha anye Omwana wa Omuunu ꞉neejire okuyenja na okuchungura abhaanu bhanu bhabhurire.”

Ruuka 22:51

Yeesu ˆnaabhabhwira ati, “Musige ejo.” ˆNaagwata ku‑kutwi kwa omugaya oyo, ˆnaamuwosya.

Ruuka 23:34

Yeesu ˆnaayika ati, “Raata! Bhafwire echigongo, kwa okubha bhatakumenya gunu abhakora.” Abhasirikare abho bhejire bhaamara, nibhagabhana emyenda jaaye kwa okwitongya.

Ruuka 9:55

Nawe Yeesu, ˆnaabheekebhuukira, ˆnaabhagonya, [ˆnaabhabhwira ati, “Emwe mutakumenya ati muri bhaanu bha omutima gwa mbaga ki.]

Ruuka 9:57

Omwanya gunu Yeesu na abheeyigisibhwa bhaaye bhaariga nibharibhata ku‑njira, omuunu umwi ˆnaamubhwira ati, “Woonewoone anu owuja, anye wone enija okukuruubha!”

Yowana 10:10

Omwifi kaaja mw‑igutu korereki eebhe, eete na okusingaarisya jinaama. Nawe anye niijire korereki jibhe na obhuwanga, ka wone jibhe nabhwo bhwafu.

Yowana 12:47

“Omuunu woonewoone unu kaategeresya emisango jaani, nawe ˆnaarema okujiruubha, anye nitakumuramura, kwa okubha ꞉niteejire ku‑chaaro anu okuramura abhaanu, tari niijire okubhachungura.

Yowana 3:17

Nyamuwanga ꞉ataatumire Omwana waaye ku‑chaaro kunu, korereki aramure abhaanu, tari ꞉aamutumire korereki abhaanu bhachungurwe okutura ku‑mwene.

Barumi 12:21

Waasiga okukubhwa na emijabhi jinu owukorerwa na abhaanu, tari ujiyige ejo, kwa okubhakorera ja ekisi.

1 Timoteo 1:15

Omusango gunu ni gwa echimari na gwiyire okwikirisibhwa ati, “Kirisito Yeesu ꞉eejire mu‑chaaro, korereki achungure abha ebhibhiibhi.” Anye niri owa ebhibhiibhi okukira abho bhoone.