Ruuka 9:51 - Indagano Inyaaya mu-Chijita

⁵¹ Omwanya gwa Yeesu okusubha mu‑rwire gwariga guri yeeyi okukinga. Niwo ˆnaaramura okugenda mu‑musi gwa Yerusareemu.

INDAGANO INYA:YA

⁵¹ Mbe jisiku jae ejo kusirwa inguru jejire jafugera, narore:resya obusu bwae okugenda Yerusalemi.

Ruuka 9:51 ပူးပေါင်းရင်းမြစ်များ

Mariko 16:19

Raatabhugenyi Yeesu ejire aamara okwayika nabho, Nyamuwanga ˆnaamugega ˆnaamwingʼengya mu‑rwire. ˆNeenyanja orubhaara rwa ebhuryo ku‑Nyamuwanga.

Ruuka 12:50

Noorwo anye omwene, niri na ebhinyaasyo bhinu neenderwe nibhiikirisye, na enija okugenderera okunyaaka mu‑mwoyo gwani, okukingira bhikuumire.

Ruuka 13:22

Omwanya gunu Yeesu aariga ari mu‑rugendo rwa okugenda Yerusareemu, eeyigisyaga abhaanu bha mu‑misi na mu‑nguuyo jinu aariga ˆnaatura‑mo.

Ruuka 17:11

Omwanya gunu Yeesu aariga ˆnaagenda mu‑musi gwa Yerusareemu, ꞉aaturire ku‑rubhibhi rwa emikoowa ja Samaariya na eja Gariraaya.

Ruuka 18:31

Yeesu ˆnaabhirikira abheeyigisibhwa bhaaye ekumi na bhabhiri bhumbise, ˆnaabhabhwira ati, “Muringire! Echiriinya okugenda mu‑musi gwa Yerusareemu. Emisango joone jinu ꞉jaakaamirwe na abharagi inguru yaani, anye Omwana wa Omuunu, jirikuumira eyo.

Ruuka 19:11

Abhaanu bhaariga nibhagenderera okutegeresya emisango ejo, Yeesu ˆnaabhabhwira echijekekanyo echindi chimwi. Abhaanu abho bheetogeraga ati, jisiku ja obhukama bhwa Nyamuwanga, jikakingire omwanya guryagurya, kwa okubha Yeesu aariga ˆnaarebherera omusi gwa Yerusareemu.

Ruuka 19:28

Yeesu ejire aamara okwayika ejo, ˆnaagenderera na orugendo rwaye rwa okurosya mu‑musi gwa Yerusareemu.

Ruuka 24:51

Omwanya gunu aariga achaabhayaana amabhando, ˆnaabhaawuka‑ko, ˆnaagegwa okuja mu‑rwire.

Ruuka 9:57

Omwanya gunu Yeesu na abheeyigisibhwa bhaaye bhaariga nibharibhata ku‑njira, omuunu umwi ˆnaamubhwira ati, “Woonewoone anu owuja, anye wone enija okukuruubha!”

Yowana 13:1

Mbe bhunu ichikukuru ya Okwambuka yaariga ichaari kukinga, Yeesu ꞉aasombookeeywe ati, omwanya gwaye gwa okusooka ku‑chaaro kunu okusubha kw‑Isemwene gwakinga. Yeesu aariga eendere abhaanu bhaaye bha ku‑chaaro kunu, ka wone ꞉aabheendere muno okukingira okufwa kwaye.

Yowana 16:28

꞉Neejire ku‑chaaro kunu okusooka ku‑Raata, nawe woori enisooka ku‑chaaro kunu, enisubha rindi ku‑Raata.”

Yowana 16:5

Mbe, woori enigenda ku‑Raata, oyo niwe ꞉aantumire kw‑imwe. Nawe atari‑wo woonewoone agati yeemwe wa okumbuusya ati, ‘Angu, owuja aaki?’

Yowana 17:11

Anye eniija kw‑awe, mbe nitakuja okubha rindi ku‑chaaro kunu. Nawe abheene abhagenderera okubha ku‑chaaro kunu. Raata Omweru, ubharinde ku‑bhuturo bhwa risiina ryawo rinu unaaye, korereki bhabhe chiinu chimwi rwa kutyo anye na awe chiri chiinu chimwi.

Yowana 6:62

Woori, jiribha kutiki aribha mwandora anye Omwana wa Omuunu, nindiinya okugenda mu‑rwire anu naariga niri ku‑bhwambiro?

Ebikorwa 1:2

okukingira orusuku runu ꞉aagegerwe okugenda mu‑rwire. Achaari okugegwa, ꞉aasoosiisye amaragiriro okutura ku‑Mwoyo Mweru, ku‑tumwa jaaye jinu ꞉aawuuwe, inguru ya emirimu jinu abhaja okukora.

Ebikorwa 1:9

Yeesu ejire aamara okwayika ejo ku‑tumwa jaaye, ˆneengʼengibhwa okugenda mu‑rwire. Eriire nirimuswikira, ꞉bhataamurorere rindi.

Baefeso 1:20

Amanaga ago, nigo Nyamuwanga ꞉aakoreeye emirimu omwanya gunu ꞉aasuuruuye Kirisito okusooka mu‑bhafuuwe, na okumwinyanja orubhaara rwaye rwa ebhuryo mu‑chaaro chinyatarorwa.

Bafilipi 3:14

Eniikomeesya okubhirima korereki ku‑bhuteero nibhone obhuyigi na okuyaanwa echiyaanwa. Echiyaanwa echo nibhwo obhubhirikisi bhwa Nyamuwanga bhwa okwingira mu‑rwire ku‑njira ya Kirisito Yeesu.

1 Timoteo 3:16

Echimari chinu Nyamuwanga asweruuye ni cha okuruguusya na nicho chinu, Kirisito ꞉eesweruuye mu‑mubhiri, ˆnaayikwa na Mwoyo Mweru ati ni murengeresi, ˆnaabhonekana ku‑bhamaraayika, ˆnaaraasibhwa mu‑maanga goone, ˆneekirisibhwa na abhaanu bha mu‑chaaro, ˆnaagegwa okuja inguru mw‑ikusyo.

Baeburania 12:2

Chiroreererega Yeesu, okubha omwene niwe ꞉aambisiisye eriikirisya ryeswe, ka wone niwe aririkuumisya. Omwene ꞉eegumiirisiisye ku‑songa ya rikonderwa rinu ryariga niriija. Ka wone ꞉ateeganirisiisye wuri jiswaro ja okufwa ku‑musarabha. Woori eenyanjire orubhaara rwa ebhuryo rwa echitebhe cha ingʼoma cha Nyamuwanga.

Baeburania 6:20

Yeesu ꞉aatangatire okwingira awo inguru yeeswe. ꞉Eengiiye ˆnaabha Omugabhisi Omukuru akajaanende koone rwa kutyo Meerikijedeki aariga ari.

1 Petero 3:22

Omwene ꞉aagendere mu‑rwire na woori eenyanjire orubhaara rwa ebhuryo rwa Nyamuwanga. Kaatunga bhamaraayika, ebhibhumbwa bhyone ebhya obhuturo na ebhya amanaga.