Ruuka 9:29 - Indagano Inyaaya mu-Chijita

²⁹ Ejire aakinga ku‑chiima, ˆnaamba okusabhwa Nyamuwanga. Omwanya gunu aariga ˆnaasabhwa, orususo rwaye niruyinduka. Emyenda jaaye nijibha myeru pee, nijingʼarabhya muno.

INDAGANO INYA:YA

²⁹ Mbe anu ariga aca:sabwa, orususo rwo busu bwae niruinduka, ne cifwaro cae niciba ce:ru nice:ŋengeta.

Ruuka 9:29 ပူးပေါင်းရင်းမြစ်များ

Matayo 17:2

Omwanya gunu bhaariga bharya‑wo, Yeesu ˆnaayinduka orususo rwaye imbere yeebhwe. Obhusu bhwaye nibhungʼarabhya rwa risuubha kutyo eriseekaana na emyenda jaaye nijingʼarabhya muno rwa omuumwi.

Mariko 16:12

Orusuku ruryarurya, Yeesu ˆnaasoromokera abheeyigisibhwa bhaaye bhabhiri bharya. Abheeyigisibhwa abho bhaariga bhari ku‑njira, nibhagendaga mu‑masambu. Nibhataamibhwa okumumenya, kwa okubha aariga ari na orususo orundi.

Ruuka 3:21

Omwanya gunu abhaanu bhoone bhaamarire okubhatiijibhwa, Yeesu wone ˆnaabhatiijibhwa. Omwanya gunu aariga ˆnaasabhwa, orwire nirwiguka,

Ruuka 5:16

Nawe, Yeesu ˆneeyawura omwene, ˆnaagenda orubhaara runu abhaanu bhatari, ˆnaasabhwa Nyamuwanga eyo.

Ruuka 6:12

Mu‑siku ejo, Yeesu ˆnaagenda ku‑chiima okusabhwa Nyamuwanga, ˆnaamusabhwa ingeta yoona.

Ruuka 9:18

Rusuku rumwi, Yeesu na abheeyigisibhwa bhaaye, bhaariga bhari aamwi bhumbise. Yeesu aariga ˆnaasabhwa Nyamuwanga. Ejire aamara ˆnaabhabhuusya ati, “Abhaanu abhaayika ati, naanye ga?”

Ruuka 9:30

Awoawo, nibhamusoromokera abhaanu bhabhiri nibhabharangisyaga kw‑ikusyo rya Nyamuwanga. Abhaanu abho aariga ari muragi Muusa na omuragi Yeeriya, nibharomaga na Yeesu. Bhaaromaga kutyo kaja okukuumisya obhukosi bhwaye ku‑chaaro mu‑kufwira mu‑musi gwa Yerusareemu.

Yowana 1:14

Mbe, Musango oyo ˆnaabha omuunu, ˆneekara agati yeeswe. Eswe bhoone nichirora rikusyo ryaye, rikusyo rya Omwana eenyere wa Raata Nyamuwanga, eejuuywe obhwitiriranya bhwafu na echimari choone.

Ebikorwa 6:15

Abhaanu bhoone mw‑ibharaja rikuru awo, nibhamuringiraga Tefwano nekeneke, nibharora obhusu bhwaye nibhususana na obhusu bhwa maraayika.

Obhusweruro 20:11

Nejire neeya, nindora Nyamuwanga eenyanjire ku‑chitebhe echeeru echinene cha ingʼoma. Orutumba na echaaro nibhiiruka okusooka imbere yaaye na ꞉bhitaabhonekeene rindi.