Ruuka 9:27 - Indagano Inyaaya mu-Chijita

²⁷ “Ni chimari enibhabhwira ati, bhari‑wo abhaanu abharebhe mw‑imwe anu, bhanu bhatarifwa bhachaari okurora obhukama bhwa Nyamuwanga!”

INDAGANO INYA:YA

²⁷ Nawe enibabwira ati, Ni cimari bario banu bemereguyu anu, banu batariraba rufu, kukinga runu barirora obukama bwa Nyamuanga.

Ruuka 9:27 ပူးပေါင်းရင်းမြစ်များ

Matayo 16:28

Ni chimari enibhabhwira ati, bhari‑wo abhaanu abharebhe mw‑imwe anu, bhanu bhatarifwa bhachaari okundora anye Omwana wa Omuunu, niniija mu‑bhukama bhwani.”

Mariko 14:25

Ni chimari enibhabhwira ati, okusookerera reero, nitarinywa echifuufu rindi okukingira ku‑rusuku runu nirinywa echifuufu echiyaaya mu‑bhukama bhwa Nyamuwanga.”

Mariko 9:1

Yeesu ˆnaagenderera okwayika ati, “Ni chimari enibhabhwira ati, mu‑bhaanu bhanu bheemereeguuyu anu bhari‑wo abhandi bhanu bhatarifwa, bhachaari okurora obhukama bhwa Nyamuwanga nibhuuja na amanaga.”

Ruuka 2:26

Mwoyo Mweru aariga amumenyesiisye ati, atarifwa achaari okurora Kirisito wa Raatabhugenyi Nyamuwanga.

Ruuka 22:18

Enibhabhwira ati, okusookerera reero, nitarinywa echifuufu rindi okukingira ku‑rusuku runu obhukama bhwa Nyamuwanga bhuriija.”

Yowana 14:2

Mu‑nju ya Raata waani bhuri‑mo obhwikaro bhwafu. Araabha jitaakabheeye kutyo, naakabhabhwiriiye. Woori enigenda eyo okubheerabhira obhwikaro.

Yowana 16:7

“Ni chimari enibhabhwira ati, ni kisi kw‑imwe anye nigende ku‑Raata. Araabha nikaremere okugenda, Omusakisi urya ataakaturire okuuja kw‑imwe. Nawe araabha nikagenda, enija okumutuma kw‑imwe.

Yowana 8:59

Abhayawudi bhejire bhoongwa ejo, nibhabhooja amabhuyi korereki bhamubhume nago na okumwita. Nawe Yeesu ˆneeyibhisa, ˆnaasooka mu‑rubhuga rwa Riyekaru.

Baeburania 2:9

Nawe echirora Yeesu, unu Nyamuwanga ꞉aakorere okubha omutooto okukira bhamaraayika ku‑mwanya mufuyi era. Nyamuwanga ꞉aakorere kutyo, korereki okuruubhana na echigongo chaaye, Yeesu afwe inguru ya okuchungura abhaanu bhoone. Woori Nyamuwanga amuyaaye rikusyo na echibharo, ku‑songa ya okunyaaka na okufwa kwaye.