Ruuka 9:2 - Indagano Inyaaya mu-Chijita

² Neeya ˆnaabhatuma bhagende okuraasisya abhaanu, emisango inguru ya obhukama bhwa Nyamuwanga, na okuwosya abharwaye.

INDAGANO INYA:YA

² Nabatuma okura:sya obukama bwa Nyamuanga, no kuosya abarwae.

Ruuka 9:2 ပူးပေါင်းရင်းမြစ်များ

Matayo 10:5

Mbe, Yeesu ˆnaatuma jitumwa ekumi na bhabhiri abho, ˆnaabharagirira, ˆnaabhabhwiraga ati, “Mwasiga okuja mu‑bhyaro bhya abhaanu bhanu bhatari Bhayawudi, ka wone, mwasiga okwingira mu‑musi gwonegwone gwa Abhasamaariya.

Matayo 13:19

Omuunu woonewoone unu koongwa emisango inguru ya obhukama bhwa mu‑rwire, nawe atakujisombookerwa, omuunu oyo, ari rwa jimbibho jinu ꞉jaaguuwe ku‑njira. Omubhiibhi urya ˆnaaja na okusaakura jinu Nyamuwanga abhibhire mu‑mwoyo gwaye.

Matayo 24:14

Ku‑bhuteero, Emisango ja Ekisi inguru ya obhukama bhwa mu‑rwire jiriraasibhwa ku‑chaaro choone. Ku‑mwanya ogwo abhaanu bhoone bharibha na omwanya gwa okuungwa obhubhambaasi obhwo, niwo obhuteero bhwa echaaro bhurikinga.

Matayo 3:2

“Mute ebhibhiibhi bhyemwe ku‑Nyamuwanga, kwa okubha obhukama bhwa mu‑rwire bhuri yeeyi!”

Mariko 16:15

Niwo ˆnaabhabhwira ati, “Mugende mu‑chaaro choone, muraasisye abhaanu bhoone Emisango jaani ja Ekisi.

Mariko 6:12

Abheeyigisibhwa bharya nibheemuka, nibhaamba okuraasisya abhaanu ati bhate ebhibhiibhi bhyebhwe.

Ruuka 10:1

Mbe, ejo jejire jaawa, Raatabhugenyi Yeesu ˆnaawura abharuubhirisya abhandi makumi gataanu na gabhiri na bhabhiri. ˆNaabhatuma bhabhiribhiri, bhamutangatire mu‑misi na bhuri rubhaara, anu omwene aariga eendere okukinga.

Ruuka 10:11

‘Noorwo oruteeri rwa omusi geemwe runu ruri ku‑maguru geeswe, echirukuukumura, chibhe echibharikisyo kw‑imwe cha obhujabhi bhwemwe. Noorwo kutyo, mumenye kisi ati, obhukama bhwa Nyamuwanga bhuri yeeyi!’

Ruuka 10:9

Abharwaye bhanu bhari mu‑musi ogwo, mubhawosye. Mubhwire abhaanu bhoone ati, ‘Obhukama bhwa Nyamuwanga bhwakingire kw‑imwe.’

Ruuka 16:16

“Ebhiraagiro bhya Muusa na ebhikaame bhya abharagi, bhyariga nibhigayukwa na abhaanu okukingira omwanya gwa Yowana Omubhatiija. Okusookerera omwanya ogwo, Emisango ja Ekisi inguru ya obhukama bhwa Nyamuwanga, jaariga nijiraasibhwa, na abhaanu bhoone abhakomeeresibhwaga okujigayuka.

Ruuka 9:11

Nawe abhaanu bhejire bhaamenya orubhaara runu ꞉aajiiye, nibhamuruubha. ˆNaabhakuma, ˆnaamba okubheeyigisya emisango inguru ya obhukama bhwa Nyamuwanga. Abharwaye mu‑bhaanu abho, bhaawosibhwaga.