Ruuka 9:1 - Indagano Inyaaya mu-Chijita

¹ Rusuku rumwi, Yeesu ˆnaabhirikira jitumwa jaaye ekumi na bhabhiri. ˆNaabhayaana obhuturo bhwa okusoosya amasambwa mu‑bhaanu na obhwa okuwosya amarwara.

INDAGANO INYA:YA

¹ Nabirikira abe:igisibwa bae ekumi na babiri aamwi, nabayana amanaga no buinga ku misambwa jo:ne, no kuosya amarwara.

Ruuka 9:1 ပူးပေါင်းရင်းမြစ်များ

Matayo 16:19

Anye nirikuyaana jinyiguriro ja obhukama bhwa mu‑rwire. Kurwa ejo, emisango joone jinu uriigara ku‑chaaro anu, Nyamuwanga wone kaabha ajiigaaye okusooka mu‑rwire. Ka wone, emisango joone jinu uriigura ku‑chaaro anu, Nyamuwanga wone, kaabha ajiiguuye okusooka mu‑rwire.”

Matayo 4:24

Emisango inguru ya Yeesu nijiswirana muno, nijikinga mu‑chaaro choone cha Siiriya. Abhaanu nibhamureetera abharwaye bheebhwe bhoone bha amarwara ga bhuri imbaga. Mu‑bhaanu abho, bhaariga bhari‑mo bhanu bhaariga nibhanyaasibhwa muno, bhanu bhaariga bhawungirwe amasambwa, bhanu bhaariga nibhagwa echitwe na bhanu bhaariga bhafuuwe emibhiri. Yeesu ˆnaabhawosya bhoone.

Matayo 8:9

Noorwo anye wone, niri emwaro ya obhuturo bhwa abhaanu abhandi, niri na abhasirikare bhanu bhari emwaro ya obhuturo bhwani. Nikabhwira owumwi ati, ‘Nuugende,’ awoawo kaagenda. Ka wone, nikabhwira owundi ati, ‘Iija,’ wone awoawo kaaja. Omugaya waani wone, nikamubhwira ati, ‘Kora omurimu gunu,’ nyabhuriko kaakora.”

Ruuka 10:1

Mbe, ejo jejire jaawa, Raatabhugenyi Yeesu ˆnaawura abharuubhirisya abhandi makumi gataanu na gabhiri na bhabhiri. ˆNaabhatuma bhabhiribhiri, bhamutangatire mu‑misi na bhuri rubhaara, anu omwene aariga eendere okukinga.

Ruuka 10:19

Mbe, mumenye ati, naabhayaaye obhuturo bhwa okuyiga amanaga goone ga omusoko oyo. Ku‑bhuturo obhwo, muribhaga nimutaja jinjoka na jinge, na chitari‑wo choonechoone chinu chiribhawutaasya wuri.

Yowana 14:12

Ni chimari enibhabhwira ati, omuunu woonewoone unu kaanyikirisya, arikora emirimu jinu anye enikora. Ka wone arikora minene okukira jinu enikora, kwa okubha enigenda ku‑Raata.

Ebikorwa 1:8

Nawe muriramira amanaga omwanya gunu Mwoyo Mweru ariija kw‑imwe, muribha abhabhambaasi bhaani mu‑Yerusareemu na mu‑mbaara ejindi joone ja echaaro cha Yuudeya na echa Samaariya, na okukingira ku‑bhuteero bhwa echaaro choone.”

Ebikorwa 3:16

“Omumenya kisi omuunu unu omurora anu kutyo aariga aremaaye. Omwene aawosibhwa kwa okwikirisya Yeesu. Risiina rya Yeesu eryo na eriikirisya ku‑mwene, niyo isonga aabhona obhuwanga imbere yeemwe.

Ebikorwa 4:30

Ramburura okubhoko kwawo okuwosya abhaanu, okukora ebhibharikisyo na ebhiruguusyo ku‑njira ya risiina rya Yeesu, omukosi waawo omweru!”

Ebikorwa 9:34

Peetero ˆnaamubhwira ati, “Ayineeya, Yeesu Kirisito aakuwosya. Iimuka! Funya riraro ryawo.” Awoawo Ayineeya ˆneemereeguru!