Ruuka 8:7 - Indagano Inyaaya mu-Chijita

⁷ Ejindi nijigwa mu‑mawa. Amawa ago, gejire gaakura nigajiyiganya, kurwa ejo ꞉jitaakurire.

INDAGANO INYA:YA

⁷ Ejindi nijigwa mu mawa. Aonao amawa nigamera aamwi najo nigajisoritya.

Ruuka 8:7 ပူးပေါင်းရင်းမြစ်များ

Matayo 13:22

Jimbibho jinu ꞉jaaguuwe mu‑mawa, jiri rwa omuunu unu koongwa emisango inguru ya obhukama bhwa mu‑rwire, nawe kaajigwa na obhwiganirisya bhwa obhurame bhwa ku‑chaaro na obhurigire bhwa obhuniibhi. Kurwa ejo, emisango ejo ejiyiganywa, nijirema okutwasya amatwasyo mu‑bhurame bhwaye.

Matayo 13:7

Jimbibho ejindi nijigwa mu‑mawa. Amawa ago gejire gaakura, nigajiyiganya, ku‑bhuteero nijifwa.

Mariko 4:7

Jimbibho ejindi nijigwa mu‑mawa. Amawa ago gejire gaakura, nigayiganya ebhiimesya ebhyo, nibhitaamibhwa okutwasya amatwasyo.

Ruuka 21:34

“Mwikenge! Emyoyo jeemwe jaasiga okwisigomba kukora jitungwa jimbiibhi, obhunanamba, obhukorwa, na echibhabhuko cha obhurame. Mukarema okutengeeja, orusuku rwa okusubha anye Omwana wa Omuunu ruribhatakya!

Ruuka 8:14

“Jimbibho jinu ꞉jaaguuwe mu‑mawa, ejisusanyibhwa na abhaanu bhanu abhoongwa omusango gwa Nyamuwanga, nawe nibhayiganywa na obhwiganirisya bhwa obhurame bhwa ku‑chaaro na obhurigire bhwa obhuniibhi. Ejo nijo ejikora eriikirisya ryebhwe ritakusoosya amatwasyo ga ekisi.

Ruuka 8:6

Jimbibho ejindi nijigwa ku‑rutare runu amayaru gaariga gatari maafu. Ku‑rutare okwo, nijimera, nijibhurwa amanji, nijuuma.

Ruuka 8:8

Jimbibho ejindi nijigwa mu‑mayaru ga ekisi. Nijimera na okutwasya amatwasyo maafu nijiyongesya nijikinga egana okukira jinu aariga abhibhire.” Yeesu ejire aamara okwayika ejo, ˆnaamura obhuraka ˆnaayika ati, “Unu kaategeresya, noongwe!”