Ruuka 8:47 - Indagano Inyaaya mu-Chijita

⁴⁷ Omugasi oyo, ejire aarora ati atakutura okwiyibhisa rindi, ˆnaaja ku‑Yeesu enu ˆnaayararaga bhugubhugu. ˆNeefukama, ˆnaamubhwira imbere ya abhaanu abho bhoone, isonga ya okumukuunʼya‑ko, na kutyo aawosibhwa.

INDAGANO INYA:YA

⁴⁷ Mbe omugasi uyo ejire arora ati, atakutura kwiibisa, na:ja nayarara namwifukamira, namubwirira imbere ya ba:nu bo:ne cinu cakora namuku:niako, na kutyo aora aonao.

Ruuka 8:47 ပူးပေါင်းရင်းမြစ်များ

Matayo 28:8

Niwo abhagasi abho, nibhagenda bhwangu okusooka ku‑fwa awo bhari na obhuyayu na rikonderwa enene. Nibhabhirima okugenda okubhwira abheeyigisibhwa bha Yeesu jinu maraayika oyo aabhabhwira.

Mariko 5:33

Niwo omugasi wurya ˆnoobhaya, ˆnaaja ku‑Yeesu, enu ˆnaayararaga bhugubhugu, ˆneefukama kwa okubha ꞉aamenyere jinu ꞉jaakorekeene ku‑mwene. ˆNaamubhwira echimari choone.

Ruuka 8:46

Nawe, Yeesu ˆnaayika ati, “Nimenyere ati, ari‑wo omuunu unu aankuunʼya‑ko, kwa okubha eniiyungwa ati obhuturo bhwani bhwa okuwosya bhwakora emirimu.”

Ruuka 8:48

Mbe, Yeesu ˆnaamubhwira ati, “Muyaasya waani, waawosibhwa ku‑songa ya eriikirisya ryawo! Nuugende na omurembe.”

Ebikorwa 16:29

Awo, omuriisi oyo ˆnaaragirira ati idara iretwe. ˆNeengira mw‑ibhoyero omwo bhwangwebhwangwe, ˆnaagwa imbere ya Pawuro na Siira ˆnaayararaga.

1 Bakorinto 2:3

Omwanya ogwo naariga nijorobhokere, naariga ninuubhaya, okukingira okuyarara muno.

2 Bakorinto 7:15

Eryenda rya Tiito kw‑imwe, erigenderera okwiyongesya chimwichimwi, omwanya gunu keechuka obhugayuki bhwemwe bhwone na kutyo ꞉mwamuramiiye kwa echibharo na mu‑kuyarara.

Bafilipi 2:12

Mbe, abheendwa bhaani, omwanya gunu naariga niri kw‑imwe, mwariga nimugayuka Nyamuwanga siku joone. Nyabhuriko, noorwo woori omwanya gunu niri kura na emwe, mugenderere okukora muno jinu jeenderwe ku‑bhaanu bhanu Nyamuwanga achunguuye. Mukore ejo mu‑kuyarara kunu okuruubhana na okuubhaya Nyamuwanga.

Baeburania 12:28

Kurwa ejo, chisiimega Nyamuwanga, okubha eekirisya chibhega nichisangira obhukama bhwaye bhunu bhutakutikima. Chiramyega Nyamuwanga ku‑njira inu eyimukondisya na mu‑bhwikeeya na echibharo,