Ruuka 8:43 - Indagano Inyaaya mu-Chijita

⁴³ Mu‑bhaanu abho, aariga ari‑mo omugasi, unu aariga arwaye echisiiro, emiguuga ekumi na ebhiri. [Aariga aamarire ribhona ryaye ryone ˆnaasiraga ku‑bhafumu.] Nawe atari‑wo omufumu noorwo umwi unu ꞉aaturire okumuwosya.

INDAGANO INYA:YA

⁴³ Na:ja omugasi unu ariga arwae obure:gu myaka ekumi ne:biri, ariga amariye ebi:nu byae byone ku bafumu, nibatamibwa bo:ne okumuosya.

Ruuka 8:43 ပူးပေါင်းရင်းမြစ်များ

Mariko 12:44

Enaayika kutyo kwa okubha abhandi bhanu bhoone bhaasoosya bhinu bhisaagire kw‑ibhona ryebhwe ryafu. Nawe omutumbagasi omutaka unu, ku‑bhutaka bhwaye, aasoosya bhyone bhinu aari ari nabhyo.”

Mariko 9:18

Kwiya kaafu erimugwata, nirimugaragasya aasi, kaafukumba rifiro mu‑kanwa, na okuguguna ameeno na okuumagana omubhiri gwone. ꞉Naasabhirwe abheeyigisibhwa bhaawo ati bhamusoosye‑ko risambwa eryo, nawe ꞉bhaataamiibhwe.”

Ruuka 13:11

Mu‑nju ya eriikofyanyo omwo, aariga ari‑mo omugasi umwi unu aariga awungirwe na risambwa, omwanya gwa emiguuga ekumi na etaanu na esatu. Risambwa eryo, ryariga ryakorere omugongo gweyetere. Aariga atakutura okwigorora noorwo na akatyari.

Ruuka 13:16

Mbawo, omugasi unu ni wa mu‑ruganda rwa Bhurayimu, aamarire emiguuga ekumi na etaanu na esatu, abhoyerwega na Syetaani. Mbe, omwene wone jiteenderwe asuruumurwe okusooka mu‑ndwara ku‑rusuku rwa Isabhaato?”

Ruuka 8:27

Yeesu ejire eeka okusooka mu‑ngama, ˆnaabhugana na omuunu umwi wa mu‑musi gurya, unu aariga awungirwe na amasambwa. Kwa omwanya omureera, omuunu oyo aariga atakufwara emyenda, ka wone aariga ateekaaye iika, tari aariga eekaaye mu‑bhituuro.

Ruuka 8:42

kwa okubha omuyaasya waaye nyagumwi, ari owa emiguuga ekumi na ebhiri, ari yeeyi okufwa. Omwanya gunu Yeesu aariga ˆnaagenda iika wa Yaayiro, echise cha abhaanu, nichiruubhana nage nichimuyiganyaga muno.

Ruuka 8:44

Mbe, omugasi oyo ˆnaaja inyuma ya Yeesu, ˆnaakuunʼya ku‑bhisangʼarye bhya ku‑bhufunyiro bhwa omwenda gwa Yeesu. Awoawo obhurwaye bhwa echisiiro nibhuwora.

Yowana 9:1

Orusuku rumwi, Yeesu aaribhataga ku‑njira, ˆnaarora omuunu umwi unu aariga ari muwofu okusookerera okwibhurwa kwaye.

Yowana 9:21

Nawe chitakumenya chinu chaakora ˆnaarora, ka wone chitakumenya omuunu unu ꞉aamuwosiisye ameeso. Mumubhuusye omwene, kwa okubha ni muunu mukuru, kaatura okwayika.”

Ebikorwa 3:2

Mu‑rubhuga rwa Riyekaru awo, ryariga riri‑wo rirango rinu ryatogwaga ati, Rirango rya Ekisi. Ku‑mbari ya rirango eryo, aariga ari‑wo omuunu ari murema okusookerera okwibhurwa kwaye. Bhuri rusuku omurema oyo, aariga ˆnaabhaturwa na abhaanu na okutuurwa ayeeyi na rirango eryo, korereki asabhiirisye jipirya ku‑bhaanu bhanu bhaariga nibhayitingʼana okwingira mu‑rubhuga rwa Riyekaru.

Ebikorwa 4:22

Okubha ꞉bhaamenyere ati omuunu unu ꞉aawosiibhwe aariga ari murema okusookerera okwibhurwa kwaye, aariga akingiisye emiguuga makumi gana.