Ruuka 8:18 - Indagano Inyaaya mu-Chijita

¹⁸ “Kurwa ejo, jinu omuungwa, mujiganirisyega kisi! Omuunu unu kaagwata jinu koongwa, Nyamuwanga kaja okumuswerurira noorwo na ejindi. Nawe omuunu unu atakuungwa emisango ejo, mbe oyo kaja okuteesibhwa noorwo obhusombookerwa bhunu keetogera ati ari nabhwo.”

INDAGANO INYA:YA

¹⁸ Mbe mukabuke kutyo omungwa, okuba unu ane bi:nu ariyabwa, na unu atari na ci:nu, arite:sibwa na cinu ke:ganirisya ati ndinaco.

Ruuka 8:18 ပူးပေါင်းရင်းမြစ်များ

Matayo 13:12

Omuunu woonewoone unu kaasombookerwa emisango ejo, Nyamuwanga arimuyaana obhuturo bhwafu bhwa okujisombookerwa. Nawe omuunu woonewoone unu atakusombookerwa, Nyamuwanga arimuteesya noorwo obhuturo bhutooto bhwa okujisombookerwa.

Matayo 25:29

Omuunu woonewoone unu kaakorera emirimu jinu nimuyaaye, nirimwongesya‑ko na ebhindi bhyafu. Nawe omuunu woonewoone unu atakukorera emirimu ebhityari bhinu nimuyaaye, noorwo ebhityari bhinu ari nabhyo, nirimuteesya.

Mariko 13:14

Omuunu woonewoone unu kaasoma emisango jinu, asombookerwe kisi obhugajuro bhwajo, “Omwanya omurebhe murirora echiinu cha okujabhiyasya na okunyamura chimereeguuyu anu atakukenwa okubha, ayeeru mw‑Iyekaru rya Nyamuwanga. Niwo abhaanu bhanu bhari Yuudeya, bhabhirimire mu‑bhiima!

Ruuka 19:26

“Omwene ˆnaabhabhwira ati, ‘Ni chimari ati, bhuri muunu unu kaakorera emirimu kisi, ebhiinu bhinu kaayaanwa, kaja okwongesibhwa ebhindi. Omuunu unu atakubhikorera emirimu kisi, noorwo echitooto chinu ari nacho kaja okuteesibhwa.

Ruuka 9:44

“Woori, emisango jinu enija okubhabhwira, mujitegeresye kisi. Anye Omwana wa Omuunu, nirituurwa mu‑mabhoko ga abhaanu.”

Yowana 15:2

Bhuri tabhi rinu ritakutwasya amatwasyo keenu riri kw‑anye, Raata kaaritema okusooka kw‑anye. Nawe bhuri tabhi rinu eritwasya amatwasyo, Raata kaarikongorera korereki ritwasye amatwasyo maafu muno.

Ebikorwa 10:33

Niyo isonga, awoawo ꞉naatumire abhaanu bhaaje bhakubhirikire na waakora ja ekisi okuuja. Woori eswe bhoone chiri anu imbere ya Nyamuwanga, korereki chuungwe bhuri omusango gunu Raatabhugenyi akuragiriiye okuchibhwira.”

Ebikorwa 17:11

Abhaanu bha Bherooya awo, bhaariga bhari na obhutinge bhwa kisi okukira abha Tesaroonike. Nibhakora Pawuro, abharaasisye omusango gwa Nyamuwanga, nibhaguramira kwa amanaga goone. Bhaaringiraga mu‑Bhikaame Ebhyeru bhuri rusuku, korereki bhamenye ati ejo aayikaga Pawuro ni ja echimari.

Barumi 12:3

Woori, Kirisito anaaye obhwitiriranya nibhe itumwa yaaye. Kurwa ejo, enibhwira bhuri umwi weemwe ati, asige okwirora ati eeyire okukira kutyo ari, tari abhe na obhwengeeso. Mubhe nimwirora ati, bhuri muunu ayaaywe eriikirisya riryarirya na Nyamuwanga.

1 Bakorinto 14:37

Araabha omuunu keerora ati ari na echiyaanwa cha okusoosya obhuragi, amwi ati ari na echiyaanwa echindi cha Mwoyo Mweru, asombookerwe ati, jinu enibhakaamira, ni maragiriro okusooka ku‑Raatabhugenyi.

1 Bakorinto 3:18

Omuunu woonewoone agati yeemwe aasiga okwijiga ati ari na obhwengeeso. Araabha omuunu aakeerora ati ari na obhwengeeso ku‑chaaro chinu, abhe ˆneekora ati ni mumuumu korereki abhone obhwengeeso bhwa echimari.

1 Bakorinto 8:2

Araabha omuunu keerora ati kaamenya omusango omurebhe, oyo achaari okumenya gwonegwone rwa kutyo keendwa amenye.

Bafilipi 3:4

jaakabheeye jiri kutyo anye omwene naakabheeye na isonga ya okwiyikanya emisango ja echinyamubhiri. Nawe araabha ari‑wo omuunu unu keerora ati ari na ebhikorwa bhya echinyamubhiri bhinu kaatura okwiyikanya, anye niri nabhyo bhyafu okumukira.

Baeburania 2:1

Kurwa ejo, cheenderwe chiyangarire ku‑misango jinu choonguuwe, korereki chaasiga okujisiga.