Ruuka 8:12 - Indagano Inyaaya mu-Chijita

¹² Jimbibho jinu ꞉jaaguuwe ku‑njira ejeeresya ati, ni bhaanu bhanu abhoongwa omusango gwa Nyamuwanga. Bhaakamara okutegeresya, awoawo, Syetaani ˆnaaja, ˆnaagusoosya mu‑myoyo jeebhwe, bhaasiga okugwikirisya na okuchungurwa.

INDAGANO INYA:YA

¹² Baliya aba ku mbari ya injira nibo abongwa. Mbe niwo Syetani naja, nakwaburamo omusango mu mitima jebwe, bareme okwikirisya no kuonyibwa.

Ruuka 8:12 ပူးပေါင်းရင်းမြစ်များ

Matayo 13:19

Omuunu woonewoone unu koongwa emisango inguru ya obhukama bhwa mu‑rwire, nawe atakujisombookerwa, omuunu oyo, ari rwa jimbibho jinu ꞉jaaguuwe ku‑njira. Omubhiibhi urya ˆnaaja na okusaakura jinu Nyamuwanga abhibhire mu‑mwoyo gwaye.

Matayo 13:4

Omwanya gunu aabhibhaga, ejindi ꞉jaaguuwe ku‑njira, nijiriibhwa na jinyonyi.

Mariko 4:15

Abhaanu abhandi abhasusana na amayaru ga ku‑njira, anu omusango gwa Nyamuwanga ogubhibhwa. Omwanya gunu abhaguungwa era, Syetaani kaaja, na okusoosya‑mo omusango ogwo mu‑mitima jeebhwe.

Ruuka 8:11

“Mbe, obhugajuro bhwa echijekekanyo echo nibhwo bhunu. Imbibho ni musango gwa Nyamuwanga.

Ruuka 8:13

“Jimbibho jinu ꞉jaaguuwe ku‑rutare, ejisusanyibhwa na abhaanu bhanu abhoongwa omusango gwa Nyamuwanga, nibhaguramira kwa rikonderwa enene, nibhagwikirisya katungu katooto era. Nawe omwanya gunu abharegeejibhwa abhagusiga. Bhari rwa amati ganu emisi jaago jiri ingurunguru era.

Ruuka 8:5

“Aariga ari‑wo omubhibhi umwi unu ꞉aagendere okubhibha jimbibho mw‑isambu ryaye. Omwanya gunu aabhibhaga, ejindi ꞉jaaguuwe ku‑njira, nijitajwa na abhaanu, nijiriibhwa na jinyonyi.

Obhusweruro 12:9

Riyoka eryo, niryeswa ku‑chaaro anu. Eryo, niyo injoka ya kara irya, inu eyitogwa ati, Mubheeyeresya amwi Syetaani. Eyijiga abhaanu bhoone ku‑chaaro bhakore ebhibhiibhi. Chimari ryeserwe ku‑chaaro anu aamwi na bhamaraayika bhaaryo.