Ruuka 8:1 - Indagano Inyaaya mu-Chijita

¹ Ejo jejire jaawa, Yeesu ˆnaasooka‑wo ˆnaaturaga mu‑misi na mu‑nguuyo. Aariga ˆnaaraasisya abhaanu Emisango ja Ekisi ja obhukama bhwa Nyamuwanga bhuri rubhaara. Aariga ˆnaaruubhana na abheeyigisibhwa bhaaye ekumi na bhabhiri.

INDAGANO INYA:YA

¹ Wejire gwatura omwanya muto:to, naribata mu misi eminene ne mito:to, nara:sya no kweresya Ebigambo byo bwana byo bukama bwa Nyamuanga, na bariya rikumi na babiri bari aamwi nage,

Ruuka 8:1 ပူးပေါင်းရင်းမြစ်များ

Matayo 11:1

Yeesu ejire aamara okuragirira abheeyigisibhwa bhaaye ekumi na bhabhiri, ˆnaasooka awo, ˆnaagenda mu‑musi ogundi gwa Gariraaya okwiyigisya na okuraasisya abhaanu eyo.

Matayo 13:19

Omuunu woonewoone unu koongwa emisango inguru ya obhukama bhwa mu‑rwire, nawe atakujisombookerwa, omuunu oyo, ari rwa jimbibho jinu ꞉jaaguuwe ku‑njira. Omubhiibhi urya ˆnaaja na okusaakura jinu Nyamuwanga abhibhire mu‑mwoyo gwaye.

Matayo 4:23

Yeesu aaturaga enu na erya mu‑mukoowa gwone gwa Gariraaya. Eengiraga mu‑nju ja ameekofyanyo ga Abhayawudi na okwiyigisya abhaanu omwo. Aariga wone ˆnaaraasisya abhaanu Emisango ja Ekisi inguru ya obhukama bhwa mu‑rwire na okuwosya abhaanu abha amarwara ga mbaga nyafu.

Matayo 9:35

Mbe, Yeesu aaturaga enu na erya mu‑misi joone na mu‑nguuyo. Woonewoone anu aariga ˆnaatura, eengiraga mu‑nju ja ameekofyanyo geebhwe na okwiyigisya abhaanu. Ka wone, aaraasyaga Emisango ja Ekisi inguru ya obhukama bhwa mu‑rwire na okuwosya abhaanu abha amarwara ga bhuri mbaga.

Mariko 1:39

Niwo ˆneeyinda mu‑mukoowa gwone gwa Gariraaya na okuraasya mu‑nju ja ameekofyanyo geebhwe, enu ˆnaasoosyaga amasambwa mu‑bhaanu.

Ruuka 1:80

Mbe omwana oyo Yowana, ˆnaakura, ˆnaabhona amanaga mu‑mwoyo gwaye. ˆNaagenda okwikara mw‑ibhara, okukingira ku‑mwanya gwa okwibhuurisya ku‑Bhayisirayeeri.

Ruuka 20:1

Rusuku rumwi, omwanya gunu Yeesu aariga ari mu‑rubhuga rwa Riyekaru rya Nyamuwanga ˆneeyigisyaga abhaanu, na okubharaasisya Emisango ja Ekisi, abhakuru bha abhagabhisi, abheeyigisya bha ebhiraagiro bhya Muusa aamwi na abhakuru bha Abhayawudi nibhamuuja‑ko.

Ruuka 4:18

“Mwoyo Mweru wa Raatabhugenyi Nyamuwanga, ari aamwi na anye. Aansorere, nibhega nindaasisya abhataka Emisango ja Ekisi. Aantumire ku‑bhaanu bhanu bhabhoyerwe, okubharaasisya ati abhaja okwigurirwa, na okubhwira abhawofu ati abhaja okurora, na niwonʼye abhaanu bhoone bhanu abhanyaasibhwa.

Ruuka 9:6

Mbe, nibhagenda, nibheeyinda enu na erya mu‑nguuyo, nibharaasisyaga abhaanu Emisango ja Ekisi, na okuwosya abharwaye bhuri rubhaara.

Ebikorwa 10:38

Ka wone omumenya ati, Nyamuwanga ꞉aasorere Yeesu wa Najareeti kwa okumuyaana Mwoyo Mweru na obhuturo. Yeesu oyo aagendaga enu na erya, aakoraga ja ekisi na okuwosya bhoone bhanu bhaariga nibhanyaasibhwa na amanaga ga Syetaani, kwa okubha Nyamuwanga aariga ari aamwi nage.

Ebikorwa 13:32

“Eswe echibharaasisya emwe Emisango ja Ekisi ati, jinu nijo Nyamuwanga ꞉aaragire bhasaaja weeswe,

Barumi 10:15

Ka wone, abhaanu abhatura kutiki okuja okuraasya emisango ejo araabha bhachaariga okutumwa? Rwa kutyo Ebhikaame Ebhyeru ebhyayika ati, “Okukinga kwa omuunu unu kaareeta Emisango ja Ekisi, kurikondisyaga abhaanu bhanu bharimutegeresya!”