Ruuka 7:9 - Indagano Inyaaya mu-Chijita

⁹ Yeesu ejire oongwa emisango ejo, ˆnaaruguura muno. ˆNeekebhuukira, ˆnaaringira echise cha abhaanu ˆnaayika ati, “Ni chimari enibhabhwira ati, noorwo mu‑Bhayisirayeeri, nichaariga okurora omuunu owa eriikirisya enene rwa rinu.”

INDAGANO INYA:YA

⁹ Yesu ejire ongwa ejo namurugu:ra naindukira ebise binu byamuru:baga, na:ika ati, Enibabwira ati, Nicariga kurora kwikirisya kunene rwa kunu, nakabee mu Israeli.

Ruuka 7:9 ပူးပေါင်းရင်းမြစ်များ

Matayo 15:28

Yeesu ˆnaamusubhya ati, “Maayi, uri na eriikirisya enene! Nyamuwanga akukorere rwa kutyo oweenda.” Awoawo, omuyaasya waaye ˆnaawora.

Matayo 8:10

Yeesu ejire oongwa emisango ejo, ˆnaaruguura muno. ˆNaabhwira abhaanu bhanu bhaamuruubhaga ati, “Ni chimari enibhabhwira ati, nichaariga okurora omuunu woonewoone owa eriikirisya enene rwa rinu, mu‑Bhayisirayeeri bhoone!

Matayo 9:33

Yeesu ˆnaamusoosya‑ko risambwa eryo, awoawo omuunu oyo, ˆnaamba okwayika. Abhaanu bhanu bhaariga bharya‑wo nibharuguura muno, nibhaayikaga ati, “Mu‑chaaro choone cha Yisirayeeri, guchaariga okukorekana omusango rwa gunu noorwo na akatyari!”

Ruuka 7:10

Mbe, abhasaani bhanu bhaariga bhatumirwe bhejire bhaasubha iika wa omwangarisi oyo, nibhasongʼana omugaya waaye aaworere.

Ruuka 7:50

Awo, Yeesu ˆnaabhwira omugasi oyo ati, “Waachungurwa kwa okubha weekirisya! Nuugende na omurembe.”

Ruuka 7:8

Noorwo anye wone, niri emwaro ya obhuturo bhwa abhaanu abhandi, niri na abhasirikare bhanu bhari emwaro ya obhuturo bhwani. Nikabhwira owumwi ati, ‘Nuugende,’ awoawo kaagenda. Ka wone, nikabhwira owundi ati, ‘Iija,’ wone awoawo kaaja. Omugaya waani wone, nikamubhwira ati, ‘Kora omurimu gunu,’ nyabhuriko kaakora.”